Туробов Шахриддин Насритдиновичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Техноген чиқиндилардан ванадий ажратиб олиш технологиясини тадқиқ қилиш ва яратиш», 05.02.01 - Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2021.4.PhD/T2490.
Илмий раҳбар: Хасанов Абдурашид Салиевич, техника фанлари доктори, профессор.
Диссертация бажарилган муассаса номи: Навоий давлат кончилик институти.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Абед Нодира Сойибжоновна, техника фанлари доктори, профессор; Пирматов Эшмурат Азимович, техника фанлари доктори, профессор.
Етакчи ташкилот: Миллий технологик тадқиқотлар университети «МИСиС»нинг Олмалиқ шаҳридаги филиали.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: техноген чиқиндилардан ванадий ажратиб олиш технологиясини яратишдан иборат.
III. Тадқиқотнинг илмий янгилиги:
ванадий катализаторларини пиро- ва гидрометаллургик қайта ишлашнинг асосий технологик параметрлари аниқланган;
пўлатни модификациялаш маҳсулотини олиш учун ванадий таркибли чиқиндиларни тикловчи куйдиришнинг асосий омиллари аниқланган; 
қаттиқ фазали тиклаш йўли билан мис тошқоллари флотацияси чиқиндиларидан ва тошқоллардан темир олишнинг асосий қонуниятлари асосланган;
паст ҳароратли тиклаш йўли билан тошқол флотациясининг чиқиндилари ва тошқоллардан темирни комплекс олиш технологияси ишлаб чиқилган;
печларда углеродли кокс ва кўмир билан темирни тиклашнинг оптимал режими аниқланган;
техноген чиқиндилардан олинган ванадий ва темир асосида пирометаллургия усулида ванадий қотишмаси билан модификацияланган 110Г13Л пўлат олиш технологияси ишлаб чиқилган.
IV. Тадқиқот натижаларининг жорий қилиниши:    
Техноген чиқиндилардан ванадий ажратиб олиш технологиясини яратиш бўйича олинган илмий натижалар асосида: 
чиқинди ванадий катализаторларидан ванадийни қайтариш ва ажратиб олиш йўли билан темир ишлаб чиқаришнинг такомиллаштирилган янги технологик схемаси «Олмалиқ кон-металлургия комбинати» АЖнинг Марказий механик таъмирлаш заводи Ферроқотишма ишлаб чиқариш бўлимида жорий этилган («Олмалиқ кон-металлургия комбинати» АЖнинг 2021 йил 9 декабрдаги АС-010096-сон маълумотномаси). Натижада, 110Г13Л маркали пўлатдан олинган қуйма деталларнинг хусусиятларини ва уларнинг умрбоқийлигини 20%га ошириш имконини берган;
мис эритиш заводи сульфат кислота ишлаб чиқариш цехининг ишлатилган ванадий катализаторларини куйдиришдан сўнг танлаб эритиш орқали ванадийли қотишма олиш технологияси «Олмалиқ кон-металлургия комбинати» АЖнинг Марказий механик таъмирлаш заводи Ферроқотишма ишлаб чиқариш бўлимида жорий этилган («Олмалиқ кон-металлургия комбинати» АЖнинг 2021 йил 9 декабрдаги АС-010096-сон маълумотномаси). Натижада, темир таркибли чиқиндилардан тиклаш усули орқали темирни ва сульфат кислота ишлаб чиқариш цехининг ишлатилган ванадий катализаторларидан 86-88 % ванадий ажратиб олиш имконини берган.