Расулжонов Абдурахмон Равшанбек ўғлининг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Осма плугларнинг ҳайдаш чуқурлигини барқарорлаштирадиган осиш қурилмаси ва таянч ғилдирагининг параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари). 
Диссертация мавзуси рўйхатга олинган рақам: В2021.1.PhD/Т2130.
Илмий раҳбар: Тўхтақўзиев Абдусалим, техника фанлари доктори, профессор.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Имомқулов Қутбиддин Боқижонович, техника фанлари доктори, катта илмий ходим; Худояров Анваржон Назиржонович, техника фанлари номзоди, профессор.
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади осма плугларнинг ҳайдаш чуқурлиги бўйича барқарор юришини таъминлаш йўли билан ерларга ишлов бериш сифатини оширишдан иборат.
III. Тадқиқотнинг илмий янгилиги:
3-4 синфдаги ғилдиракли ҳайдов тракторлари билан агрегатланадиган осиш қурилмаси ва таянч ғилдирагининг параметрлари ҳамда рамада жойлашиш ҳолатини кенг оралиқда ўзгартириш имкониятига эга осма плугнинг конструктив схемаси ишлаб чиқилган; 
плуг осиш қурилмасининг параметрлари унинг белгиланган ҳайдаш чуқурлигига ботиши ва шу чуқурликда барқарор ҳаракатланиши ҳамда уларга тупроқнинг физик-механик хоссалари ва агрегат ҳаракат тезлигининг салбий таъсири камайтирилиши ҳисобга олинган ҳолда асосланган;
плуг таянч ғилдирагининг параметрлари ва рамада жойлашиш ўрни унинг тупроққа ботиш чуқурлиги ҳайдов чуқурлигининг мавжуд агротехника талабларида белгиланган четланишидан кичик бўлиши лозимлигидан келиб чиқиб асосланган;
плуг таянч ғилдирагининг диаметри ва тўғинининг кенглиги ҳамда агрегат ҳаракат тезлиги уларнинг агротехник ва энергетик иш кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Осма плугларнинг ҳайдаш чуқурлигини барқарорлаштирадиган осиш қурилмаси ва таянч ғилдирагининг параметрларини асослаш бўйича олинган натижалар асосида:
ишлаб чиқилган ҳайдаш чуқурлиги барқарорлаштирилган осма плугнинг тажриба нусхаси Тошкент вилоятининг Янгийўл тумани «MALIKA AGRO TRADE» фермер хўжалигига жорий этилган (Қишлоқ хўжалиги вазирлигининг 2021 йил 11 августдаги 02/023-3282-сон маълумотномаси). Натижада ушбу плугдан фойдаланилганда, ҳайдаш чуқурлиги 35,3 cm ва унинг ўртача квадратик четланиши ± 1,28 cm, камраш кенглиги 132,9 cm ва унинг ўртача квадратик четланиши ± 5,32 cm бўлган.
ишлаб чиқилган ҳайдаш чуқурлиги барқарорлаштирилган осма плуг Тошкент вилоятининг Янгийўл тумани «Agro Bioхolding» МЧЖ га жорий этилган (Қишлоқ хўжалиги вазирлигининг 2021 йил 11 августдаги 02/023-3282-сон маълумотномаси). Натижада ушбу плуг белгиланган технологик жараённи ишончли ва сифатли бажарди ва ҳамда унинг иш кўрсаткичлари агротехника талабларига тўлиқ жавоб берган; ушбу плуг ерларни шудгорлашда кенг фойдаланишга тавсия этилган. 
ишлаб чиқилган ҳайдаш чуқурлиги барқарорлаштирилган осма плугнинг саноат нусхаларини ишлаб чиқиш ва тайёрлаш учун лойиҳа-конструкторлик ҳужжатлари (техникавий шартлар ва чизмалар) «BMKB-Agromash» АЖ да лойиҳалаш жараёнига жорий этилган (Қишлоқ хўжалиги вазирлигининг 2021 йил 11 августдаги 02/023-3282-сон маълумотномаси). Натижада асосланган параметрларга эга ҳайдаш чуқурлиги барқарорлаштирилган осма плугни саноат усулида ишлаб чиқариш имкони яратилган.