Норов Шухрат Сувоновичнинг
фалсафа доктори (PhD) диссертацияси ҳимояси ҳақида эълон
 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Мустақиллик йилларида Ўзбекистонда ёшларга оид давлат сиёсатининг тарихий шаклланиши ва тажрибаси (Навоий вилояти мисолида)”, 07.00.01 – Ўзбекистон тарихи (тарих фанлари).  
Диссертация мавзуси рўйхатга олинган рақам: B2021.2.PhD/Tar.542.
Илмий раҳбар: Хаитов Шадмон Ахмадович, тарих фанлари доктори, профессор.
Диссертация бажарилган муассаса номи: Бухоро давлат университети
ИК фаолият кўрсатаётган муассаса номи, ИК рақами: Бухоро давлат университети, PhD.03/27.02.2020.Tar.72.07.
Расмий оппонентлар: Эргашева Юлдуз Алимовна, тарих фанлари доктори, профессор; Раупов Соҳиб Саидович, тарих фанлари номзоди, доцент.
Етакчи ташкилот: Термиз давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Навоий вилоятида мустақиллик йилларида Ўзбекистонда ёшларга оид давлат сиёсатининг тажрибаси, тарихи ва шаклланишининг асосий босқичларини баҳолашдан иборат.
III. Тадқиқотнинг илмий янгилиги:
мустақиллик йилларида ёшларга оид давлат сиёсати ва ёшлар ташкилотининг мақсад ва вазифалари, ёшлар дунёқарашидаги ҳудудий специфик хусусиятларни ҳисобга олган ҳолда уларга ёндашув механизми, авлодлар алмашуви шароитида янги тарихий босқичга ўтиш билан боғлиқ ўзига хос жиҳатларнинг мазмун моҳияти Навоий вилояти мисолида очиб берилган;
Навоий вилоятининг ўзига хос ҳудудий хусусиятлари ва салоҳияти Республикадаги бошқа минтақалар билан қиёсий таққосланиб, вилоятда ёшлар бандлигини таъминлаш, уларни ишга жойлаштириш имкониятлари, тупроғи унумдор бўш ерларнинг ҳисобига қишлоқ хўжалигида хусусий тадбиркорликни ривожлантириш, ушбу соҳада янги иш ўринларини яратишга кенг шароит яратилаётганлиги далилланган;
уюшмаган ёшларнинг бандлигини таъминлашда маҳаллий ҳокимият, Ёшлар иттифоқи, ўзини ўзи бошқариш органлари (маҳалла институти), нодавлат нотижорат ташкилотлар фаолиятини ўзаро уйғунлаштириш ва мувофиқлаштириш зарурлиги далилланган;
сўнгги йилларда таълим соҳасида амалга оширилган ислоҳотларнинг ижобий натижалари Навоий вилоятининг чекка ҳудудларидаги Томди, Конимех, Нурота туманлари ёшлари мисолида очиб берилган.
IV. Тадқиқот натижаларининг жорий қилиниши. Мустақиллик йилларида Ўзбекистонда ёшларга оид давлат сиёсатининг тарихий шаклланиши ва тажрибаси (Навоий вилояти мисолида) мавзусида олиб борилган тадқиқот асосида:
вилоятда хусусий қишлоқ хўжалиги тадбиркорлигини ривожлантириш мақсадида бўш ҳосилдор ерларнинг фойдаланишга топширилишида ёш тадбиркорларнинг фоизи юқори эканлиги тўғрисидаги маълумотлардан «Ёшлар маркази» ҳамда Навоий шаҳридаги маҳаллаларда ўтказилган тадбирларда фойдаланилган (Республика Маънавият ва маърифат марказининг 2021 йил 8 ноябрдаги 02/08/1401-сон маълумотномаси). Натижада ёшларнинг  хусусий тадбиркорлик билан шуғулланишлари ҳақида билим ва кўникмалар шаклланишига хизмат қилган;
2017–2020 йилларда ҳукумат томонидан ёшларга оид давлат сиёсатининг амалга оширилиши вилоятдаги маҳаллалар кесимида ўрганилиб, уюшган ва уюшмаган ёшларнинг ижтимоий-иқтисодий муаммолари ҳал этилишига хизмат қилгани тўғрисидаги маълумотлардан Олий Мажлис Қонунчилик палатасида фойдаланилган (Ўзбекистон Республикаси Олий Мажлиси Қонунчилик палатаси томонидан 2021 йил 4 апрелда берилган 04/5-05-16-сон маълумотномаси). Натижада Олий Мажлис Қонунчилик палатаси депутатларининг Навоий вилояти ёшлари билан учрашувига эришилган, улар орасидан Республика Олий Мажлиси ҳузуридаги Ёшлар парламенти аъзолигига сайлов учун икки нафар номзод танлаб олинган;  
сўнгги йилларда таълим соҳасида амалга оширилган ислоҳотларнинг ижобий натижалари Навоий вилоятининг чекка ҳудудларидаги Томди, Конимех, Нурота туманлари ёшлари фаолиятига оид ишлар мисолида кўрсатиб берилган маълумотлардан Навоий кон-металлургия комбинати давлат корхонаси фаолиятида фойдаланилган (Навоий кон-металлургия комбинати давлат корхонасининг 2021 йил 10 сентябрдаги 01-08-01/10032-сон маълумотномаси). Натижада Навоий кон-металлургия комбинатининг ёш ишчи-ходимлари орасида ёшларга оид сиёсий-ҳуқуқий билимларни кенгайтиришга ҳамда маънавий-маърифий дунёқарашининг ошишига хизмат қилган;
Ўзбекистонда 2000 йиллардан бошлаб ўрта махсус касб-ҳунар таълими тизимига ўтилиши 2017 йилга келиб бутунлай ўзининг оқламаганлиги Навоий вилояти мисолида очиб берилганлиги тўғрисидаги маълумотлардан «Диёр-24», «Таълим ва ислоҳот» каби ахборот дастурларини намойиш қилиш жараёнида фойдаланилган (Навоий телерадиокомпаниясининг 2021 йил 24 мартдаги 01-02/24-сон маълумотномаси). Натижаларнинг жорий қилиниши телетомошабинларни шу жумладан ёшларни фаоллаштириб, уларнинг сифати ва сонини ортишига хизмат қилган.