Sayt test rejimida ishlamoqda

Кабилова Гулшан Абдирашидовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ишлаб чиқаришни модернизация қилиш шароитида ипак-тўқув ишлаб чиқарувчилар учун меҳнат шароитини гигиеник баҳолаш ва профилактика тадбирларини ишлаб чиқиш» 14.00.07–Гигиена (тиббиёт фанлари).
Диссертация мавзуси рўйхатга олинган рақам: В2019.2.PhD/Tib880.
Илмий раҳбар: Адилов Уткир Халилович, тиббиёт фанлари доктори.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Фарғона жамоат саломатлиги ва тиббиёт институти, PhD.04/30.12.2020.Tib.122.01.
Расмий оппонентлар: Хаширбаева Динара Махкамбаевна, тиббиёт фанлари доктори; Самигова Наргиз Раимовна, тиббиёт фанлари номзоди, доцент.
Етакчи ташкилот: Тиббиёт ходимларининг касбий малакасини ривожлантириш маркази.
Диссертация йўналиши: амалий аҳамиятга молик.
II. Тадқиқотнинг мақсади: Ипак ўраш ишлаб чиқарувчиларининг модернизация шароитида меҳнат шароитлари ва касалланишини гигиеник баҳолашни такомиллаштиришдан иборат.
III. Тадқиқотнинг илмий янгилиги:
замонавий шароитда ипак ўраш корхоналарида иш жойларида иш шароитлари саноат микроиқлими, шовқин, ёруғлик, чанг ва газнинг ифлосланиши, биологик омил таъсирининг корреляцион боғлиқлиги асосланган;
ипак ўраш корхонаси ишчиларининг модернизация қилинишидан олдин ва кейин иш шароитлари ва касалланишларига таъсир кўрсатадиган саноат микроиқлими таъсир механизмининг гигиеник параметрлари исботланган;
ипак ўраш корхоналаридаги ноқулай микроиқлим шароитларини аёлларда касбий касалликларнинг ривожланиши, касбий таҳлика даражаси меҳнат шароитининг 3-синф 3-даражасига мансублиги исботланган;
меҳнат шароитлари билан боғлиқ касбий хавфларни баҳолаш учун нисбий хавф ва ўткир касалликларнинг этиологик улуши, ипак ўраш корхоналари ишчиларининг меҳнат шароитларини оптималлаштириш ва соғломлаштириш чора-тадбирлари самарадорлигини ошириш бўйича профилактик тавсиялар ишлаб чиқилган.
IV. Тадқиқот натижаларининг жорий қилиниши. Ишлаб чиқаришни модернизация қилиш шароитида ипак-тўқув ишлаб чиқарувчилар учун меҳнат шароитини гигиеник баҳолаш ва профилактика тадбирларини ишлаб чиқиш бўйича олинган илмий натижалар асосида:
ипак ўраш ишлаб чиқаришда ишчилар саломатлигини баҳолаш бўйича тадқиқотнинг илмий натижалари асосида ишлаб чиқилган «Ипак ўраш ишлаб чиқаришда ишчилар саломатлигини баҳолаш усули» услубий тавсияномаси тасдиқланган (Соғлиқни сақлаш вазирлигининг 2021 йил 26 июлдаги 8н-д/256-сон маълумотномаси). Натижада ипак ўраш ишлаб чиқариш корхоналари ишчиларнинг саломатлик ҳолатини тиклаш, касалланишлар ва касбий касалликлари орқали юзага келадиган ишчилар орасидаги ногиронлик ҳолатини олдини олишга қаратилган гигиеник тавсиялар ишлаб чиқиш имконини берган;
ипак тўқиш ишлаб чиқаришда ишчилар саломатлигини муҳофаза қилиш бўйича тадқиқотнинг илмий натижалари асосида ишлаб чиқилган «Ипак тўқиш ишлаб чиқаришда ишчилар саломатлигини муҳофаза қилиш усулини такомиллаштириш методикаси» услубий тавсияномаси тасдиқланган (Соғлиқни сақлаш вазирлигининг 2021 йил 26 июлдаги 8н-д/256-сон маълумотномаси). Натижада ипак тўқиш ишлаб чииқаришш корхоналари ишларининг саломатлик ҳолатиини издан чиқаришга қаратилган омилларни камайтириш, иш шароитини яхшилашш орқали касалликларни олдини олишга қаратилган гигиеник тавсиялар ишлаш чиқиш имконнини берган;
ишлаб чиқаришни модернизация қилиш шароитида ипак-тўқув ишлаб чиқарувчилар учун меҳнат шароитини гигиеник баҳолаш ва профилактика тадбирларини ишлаб чиқиш бўйича олинган илмий натижалар соғлиқни сақлаш амалиётига, жумладан, Бухоро вилояти санитария эпидемиология осойишталиги ва жамоат саломатлиги хизмати, Бухоро шаҳар худудий санитария эпидемиология осойишталиги ва жамоат саломатлиги хизмати амалиётига жорий қилинган (Соғлиқни сақлаш вазирлигининг 2021 йил 15 октябрдаги 08-09/14687–сон маълумотномаси). Олинган тадқиқот натижаларининг амалиётга жорий қилиниши ипак йигирув корхоналари ишчилари орасида саломатлик ҳолатини издан чиқишини олдини олиш, касалланиш хавфини ўз вақтида башорат қилиш, профилактика чораларини танлаш, иш шароитларни модеренизация самарадорлигини ошириш билан биргаликда, иш жойида ногиронлик кунларини қисқартириш ҳамда ишчиларнинг соғлиғини яхшилаш имконини берган.

Yangiliklarga obuna bo‘lish