Каримов Расулбек Хасанович
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Хоразм вилоятида перинатал ўлимнинг сабаблари ва патологик анатомияси» 14.00.15 – Патологик анатомия (тиббиёт фанлари).
Диссертация мавзуси рўйхатга олинган рақам: В2019.2.PhD/Tib992.
Илмий раҳбар: Турсунов Хасан Зияевич, тиббиёт фанлари доктори, профессор.
Диссертация бажарилган муассаса номи: Тошкент тиббиёт академиясида.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.03
Расмий оппонентлар: Мавлян-Ходжаев Равшан Шухратович, тиббиёт фанлари доктори, профессор; Дауреханов Асатой Маметович, тиббиёт фанлари доктори, профессор. (Қозоғистон Республикаси).
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: Хоразм вилоятида перинатал даврда ўлимга сабаб бўлган касалликлар хавф омиллари, патологик анатомиясини ва морфофункционал хусусиятларини очиб беришдан иборат.
III. Тадқиқотнинг илмий янгилиги:
илк бор Хоразм вилоятида туманлар кесимида перинатал ўлим сабабларини нафас бузилиш синдроми, асфиксия, пневмония, пневмопатия, бронхопневмония, ҳомила ичи инфекциялари ташкил қилганлиги, Апгар шкаласи бўйича баҳоланганда оғир асфиксия билан туғилиш етуклик даражаси бўйича асосан 22-28 ҳафталикда чала туғилиш ҳолатлари билан боғлиқлиги исботланган;
перинатал ўлимда хавф омиллари сифатида онанинг экстрагенитал касалликлари, тез-тез ҳомиладорлик ва туғруқлар, преэклампсия, ҳомила атрофи суюқлигининг камлиги, сурункали ҳомила ички гипоксияси, йўлдошнинг муддатидан олдин ажралиши, гестоз, киндик тизимчасининг ҳомила бўйнига ўралиб қолиши ўпканинг бирламчи ателектазлари морфологик аниқланиши билан асосланган;
эрта неонатал даврда вафот этган чақалоқларда ўпка пневмопатияларининг патологоанатомик хусусиятлари ва учраш частотаси орасидаги корреляцион боғлиқлик исботланган;
эрта неонатал даврда вафот этган чақалоқларда ўпка пневмопатияларидаги ўпка тўқимасида ривожланган морфологик ўзгаришлар макроскопик жиҳатдан тасдиқланиши, пневмопатия белгилари аниқ намоён бўлиши, бунда ўпканинг битта ёки бир-нечта бўлакларида ва баъзан полисегментарлиги, пневмопатияга хос морфологик белгилар жойлашиши исботланган;
перинатал ўлимда аниқланган касалликларнинг асоратларни ривожланишни баҳолаш мезонлари такомиллаштирилган.
IV. Тадқиқот натижаларининг жорий қилиниши.
Перинатал ўлимнинг патоморфологик хусусиятларини асослаш бўйича олинган илмий натижалар асосида:
перинатал ўлим сабаблари ва патологик анатомиясини асослаш бўйича олинган илмий тадқиқотнинг натижалари асосида ишлаб чиқилган «Перинатал ўлим сабабларини аниқлашда клиник, морфологик текширув усуллари» номли услубий тавсиянома тасдиқланган (Соғлиқни сақлаш вазирлигининг 2021 йил 6 майдаги 8н-д/155-сон маълумотномаси). Натижада, чақалоқларда аниқланган перинатал ўлим холатлари, нафас бузилиш синдроми, пневмония, пневмопатия каби касалликларни эрта ташхислаш, даволаш тартибини самарли ташкиллаштириш  имконини берган;
перинатал ўлим сабаблари ва патологик анатомиясини асослаш бўйича олинган тадқиқот натижалари соғлиқни сақлаш амалиётига, жумладан, Хоразм вилояти патологик анатомия бюроси, Тошкент тиббиёт академиясининг Урганч филиали клиникаси амалиётига татбиқ этилган (Соғлиқни сақлаш вазирлигининг 2021 йил 13 декабрдаги 08-09/19669-сон маълумотномаси). Натижада, перинатал ўлим касалликларида чақалоқларда нафас бузилиш синдроми натижасида ривожланадиган хавф омилларини эрта ташхислаш, касалликнинг кечиши ва асоратлар хавфини ўз вақтида баҳолаш, касалликни даволаш ва олдини олишга самарали ёндошувларни танлаш ва беморларнинг хаёт сифатини яхшилаш имконини берган.