Сайдалиева Нодира Зиявитдиновнанинг
фалсафа доктори (Phd) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):  «Пахта толали матоларни пардозлаш жараёнида модификациялаш асосида эксплуатацион хоссаларини яхшилаш»,  05.06.02 – «Тўқимачилик материаллари технологияси ва хом ашёга дастлабки ишлов бериш» (техника фанлари).
Диссертация мавзуси рўйхатга олинган рақам: В2019.2.PhD/Т1178
Илмий раҳбар: Худайбердиева Дилфуза Бахрамовна, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар:  Ханхаджаева Нилуфар Рахимовна, техника фанлари доктори, профессор; Сашина Елена Сергеевна, кимё фанлари доктори, профессор.
Етакчи ташкилот: Тошкент кимё технология институти.
Диссертация йўналиши: амалий аҳамиятга молик.
II. Тадқиқотнинг мақсади: пахта толали матоларни пардозлаш жараёнида модификациялаш асосида эксплуатацион хоссаларини яхшилашдан иборат.
III. Тадқиқотнинг илмий янгилиги:
пахта толали матоларнинг функционал гуруҳларини фаоллаштирувчи ва эксплуатацион, колористик хоссаларини яхшиловчи паст концентрацияли ишқор эритмаси асосидаги структуравий модификациялашнинг самарали технологияси ишлаб чиқилган;
пахта толали матоларни коллаген ва серицин оқсили иштирокида модификациялаш қонуниятлари аниқланган;
пахта толали матоларни мустаҳкамлигини ва бўёвчи модданинг юқори даражада боғланишини таъминловчи, иккиламчи хомашёдан ҳамда ишлаб чиқариш оқава сувларидан олинган оқсиллар билан модификациялаш усули ишлаб чиқилган;
пахта толали матоларни табиий хоссаларини сақланишини таъминловчи, махаллий кимёвий моддалар асосидаги якуний пардозлашнинг мақбул технологик тартиби ва таркиби яратилган.
IV. Тадқиқот натижаларининг жорий қилиниши: Диссертация тадқиқоти жараёнида олинган натижалар асосида:
пахта толали матоларни ўювчи натрий асосида модификациялаш технологияси “URGANCH BAHMAL” МЧЖ да амалиётга жорий этилган (“O’zto’qimachiliksanoat” уюшмасининг 28 сентябр №04/25-2733 сонли маълумотномаси). Натижада тўқимачилик материалининг мустахкамлик хоссасини 64,3 дан 67,5% гача ва уларни бўяшда бўёвчи моддадан фойдаланиш даражасини 11,8 дан 13,1% гача яхшилаш имкони яратилган;
пахта толали матоларни якуний пардозлаш тартиби «TASHTIB-TEX» МЧЖда ва таркиби «Cotton Road» ҚКда амалиётга жорий этилган (“O’zto’qimachiliksanoat” уюшмасининг 28 сентябр №04/25-2733 сонли маълумотномаси). Натижада эксплуатацион хоссалари яхшиланган аппретланган мато ишлаб чиқариш имкони яратилган, хусусан махаллий препаратлар асосида янги аппрет таркибини қўллаш орқали матонинг киришувчанлиги 81,25% га, аппретлашдан кейинги қаттиқлиги эса 21,1% га камайган.