Алиқулов Ихтиёр Тиловқобиловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурункали юрак етишмовчилиги бор беморларда буйраклар дисфункциясини эрта ташхислаш ва прогнозлаш», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: B2021.4.PhD/Tib2199.
Илмий раҳбар: Камилова Умида Кабировна, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc 04/30.12.2019.Tib 30.02.
Расмий оппонентлар: Собиров Мақсуд Атабаевич, тиббиёт фанлари доктори, профессор; Рахимова Дилором Алимовна, тиббиёт фанлари доктори.
Етакчи ташкилот: Тиббиёт ходимларининг касбий малакасини ривожлантириш маркази.
Диссертация йўналиши: амалий аҳамиятга молик.
II. Тадқиқотнинг мақсади сурункали юрак етишмовчилигида буйраклар дисфункцияси ривожланишини эрта ташхислашда клиник-генетик предикторларни аниқлаш ҳамда прогнозлаш услубларини такомиллаштиришдан иборат.
III. Тадқиқотнинг илмий янгилиги:
сурункали юрак етишмовчилиги билан касалланган беморларда буйраклар дисфункцияси ривожланишида NO-синтаза тизими ва оксидатив стресс кўрсаткичларини прогностик аҳамияти асосланган;
илк маротаба сурункали юрак етишмовчилиги билан хасталанган беморларда буйраклар дисфункцияси ривожланишида NO-синтаза гени T786C полиморфизмининг молекуляр-генетик детерминантлари аниқланган;
NO-синтаза гени T786C полиморфизмининг С аллели ва Т/С генотипи оғир сурункали юрак етишмовчилиги ва буйраклар дисфункцияси ривожланишинг прогностик маркерлари сифатида аниқланган;
сурункали юрак етишмовчилигида буйраклар дисфункцияси ривожланишини эрта аниқлаш ва прогнозлашда NO-синтаза гени T786C полиморфизмининг нохуш генетик маркерларини аҳамияти асосланган.
IV. Тадқиқот натижаларининг жорий қилиниши.
Сурункали юрак етишмовчилиги билан касалланган беморларда буйраклар дисфункцияси ривожланишини эрта аниқлаш ва прогнозлаш бўйича олинган илмий натижалар асосида:
сурункали юрак етишмовчилиги билан касалланган беморларда буйраклар дисфункциясини эрта ташхислаш бўйича олинган илмий тадқиқод натижалари асосида ишлаб чиқилган «Сурункали юрак етишмовчилиги бор беморларда буйраклар дисфункциясини эрта ташхислаш ва прогнозлаш усули» номли услубий тавсиянома тасдиқланган (Соғлиқни сақлаш вазирлигининг 2021 йил 19 августдаги 8н-з/284-сон маълумотномаси). Мазкур услубий тавсиянома сурункали юрак етишмовчилиги билан касалланган беморларда буйраклар дисфункцияси ривожланишини эрта аниқлаш, касаллик кечиши ва прогнозни яхшилаш имконини берган;
сурункали юрак етишмовчилиги билан касалланган беморларда касалликни эрта аниқлаш, касаллик кечишини прогнозлаш бўйича олинган илмий натижалар Соғлиқни сақлаш амалиётига, жумладан, Республика ихтисослаштирилган терапия ва тиббий реабилитация илмий-амалий тиббиёт маркази, Тошкент тиббиёт академияси кўп тармоқли клиникаси, Тошкент вилояти ихтисослаштирилган соматик клиник шифохонаси ва Шайхантохур тумани кўп тармоқли марказий поликлиникаси амалиётига тадбиқ этилган (Соғлиқни сақлаш вазирлигининг 2021 йил 6-декабрдаги 08-09/19183-сон маълумотномаси). Олинган илмий натижаларнинг амалиётга жорий этилиши сурункали юрак етишмовчилигида буйраклар дисфункциясини эрта ташхислаш, клиник кечишини прогнозлаш имконини берган.