Махкамов Бунёджон Ғанижоновичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Полиакрилонитрил ва вермикулит асосида ионитлар олиниши ва хоссалари», 02.00.06 – Юқори молекуляр бирикмалар (кимё фанлари).
Диссертация мавзуси рўйхатга олинган рақам: В2021.1.PhD/K211.
Илмий раҳбар: Гафурова Дилфуза Анваровна, кимё фанлари доктори, доцент.
Диссертация бажарилган муассасалар номи: Фарғона политехника институти, Ўзбекистон миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети ҳузуридаги DSc.03/30.12.2019.K.01.03 рақамли илмий кенгаш асосидаги бир марталик илмий кенгаш.
Расмий оппонентлар: Бекназаров Ҳасан Сойибназарович, техника фанлари доктори, профессор; Рустамов Махаммасидик Куканбаевич, кимё фанлари бўйича фалсафа доктори (PhD).
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади полиакрилонитрил ва вермикулит асосида композицион материалдан ионит олиш ҳамда унинг физик-кимёвий хоссаларини текширишдан иборат.
III. Тадқиқотнинг илмий янгилиги:
илк бор полиакрилонитрил ва вермикулит асосида полимер композицион материаллар олинган;
илк бор полимер-композицион материаллар асосида анионалмашувчи сорбент олишнинг мақбул шароитлари аниқланган;
модификацияланиш жараёни полиакрилонитрил-вермикулит композициясининг ғовакли структурасига боғлиқлиги ҳамда гетероген жараёнлар кинетикаси қонуниятларига бўйсуниши исботланган;
синтез қилинган ионитга мис (II) ва никель (II) ионларининг ютилишини физик-кимёвий усуллар билан тадқиқ қилиш натижасида ютилиш жараёни ион алмашиш билан бир қаторда хелатланиш ҳисобига ҳам бориши аниқланган;
рентгенофлуоресцент анализ натижалари асосида мис (II) ва никель (II) ионларининг полимер композицион ионитга ютилиши вермикулитга нисбатан юқори эканлиги исботланган.
IV. Тадқиқот натижаларининг жорий қилиниши:
Маҳаллий хомашё полиакрилонитрил ва вермикулит асосидаги янги ионитларнинг физик-кимёвий хоссаларини ўрганиш бўйича олинган илмий натижалар асосида:
ишлаб чиқилган сорбцион-спектроскопик усул «Muborak gazni qayta ishlash zavodi» МЧЖ амалиётига жорий қилинган («Muborak gazni qayta ishlash zavodi» МЧЖнинг 2021 йил 27 апрелдаги 695/СК-04 маълумотномаси). Натижада атроф муҳит объектлари ва технологик эритмалардан мис (II) ионларини тезкор аниқлаш имконини берган;
полимер композицион ионит «Фарғонаёғмой» AЖда амалиётига жорий этилган («Фарғонаёғмой» АЖнинг 2021 йил 27 январдаги 01/44-сон маълумотномаси). Натижада технологик сувлар таркибидаги мис (II) ионлари концентрлаш ва 99,75 – 99,95% гача ажратиб олиш имконини берган.