Норбеков Азамат Останақулович
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Педагогика олий таълим муассасаларида компьютер  таъминоти  фанини  ўқитиш самарадорлигини ошириш методикаси”, 13.00.02- Таълим ва тарбия назарияси ва методикаси (информатика) (педагогика фанлари).
Диссертация мавзуси рўйхатга олинган рақам: В2021.1.PhD/Ped2427.
Илмий раҳбар: Рўзиев Рауп Ахмадович, физика-математика фанлари номзоди, доцент.
Диссертация бажарилган муассаса: Навоий давлат педагогика институти.
ИК фаолият кўрсатаётган муассаса номи, ИК раками: Қарши давлат университети, PhD/ 03/04.06.2020. Ped 70.02.
Расмий оппонентлар: Тўрақулов Олим Холбўтаевич, педагогика фанлари доктори, профессор; Узақов Заир, физика-математика фанлари номзоди, доцент.
Етакчи ташкилот:  Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади «Компьютер таъминоти» фанини ўқитиш самарадорлигини ошириш методикасини такомиллаштиришдан иборат. 
III. Тадқиқотнинг илмий янгилиги:
«Компьютер таъминоти» фанидан касбий компетенцияларини   ривожлантиришнинг мотивацион, структур, адаптив босқичлари булутли ва блокчейн технологиялардан ҳамда вебга йўналтирилган таълим муҳитларидан фойдаланиш жараёнида график, мультимедиали, гипер боғланишларига устуворлик бериш асосида аниқлаштирилган;
олий таълим муассасаларида «Компьютер таъминоти» фани машғулотларининг ўқув-ташкилий тузилмаси ўқитиш технологиялари, демо график, симулятор, визуал каби дидактик ўқув воситалари креатив компетентлигига кўра тизимлаштириш, интеграциялаш, мослаш, тўлдириш ва  бойитиш асосида такомиллаштирилган;
компьютер қурилмалари (йиғиш, созлаш)дан, амалий дастурлардан фойдаланиш (созлаш, ўрнатиш, ўчирилган ва бузилган файлларни тиклаш)га мўлжалланган аралаш ўқитиш (Blended learning), интернет (online learning) ва аудитория (face-to face learning) таълимини индивидуал хусусиятларига кўра интеграциялаш асосида бўлажак информатика ўқитувчиларининг фаоллигини ошириш орқали ижодий қобилияти, креатив фикрлаши, касбий компетенцияларини ривожлантиришнинг  креатив, қисман-изланишли, продуктив, репродуктив даражаларини қўллаш, таҳлил  қилиш ва хулосалаш  кўрсатгичлари мазмунини ишлаб чиқиш асосида такомиллаштирилган;
олий таълим муассасаларида «Компьютер таъминоти» фанидан мустақил ўқув фаолиятини ташкил этишга қаратилган интерфаол методлар ва рақамли технологиялар асосида ўқитиш моделларини ривожлантириш ва аралаш таълим туридан фойдаланишга оид  3D форматли вебга йўналтирилган онлайн дидактик ўқув ресурслар ҳамда веб-платформа  ишлаб чиқилган.
IV. Тадқиқот натижаларининг жорий қилиниши. Педагогика олий таълим муассасаларида «Компьютер таъминоти» фанини ўқитиш самарадорлигини ошириш методикасига оид ишлаб чиқилган услубий ва амалий таклифлар асосида:
«Компьютер таъминоти» фанидан касбий компетенцияларини   ривожлантиришнинг мотивацион, структур, адаптив босқичлари булутли ва блокчейн технологиялардан ҳамда вебга йўналтирилган таълим муҳитларидан фойдаланишни график, мультимедиали, гипер боғланишларига устуворлик бериш асосида аниқлаштиришга оид таклифлар «Дастурлаш» номли ўқув қўлланма мазмунига сингдирилган (Олий ва ўрта махсус таълим вазирлигининг 2021 йил 1 мартдаги 110-сон буйруғи, 110-372 рақамли гувоҳномаси). Натижада, бўлажак информатика ўқитувчиларини касбий компетенцияларини ривожлантиришга эришилган; 
олий таълим муассасаларида «Компьютер таъминоти» фани машғулотларининг ўқув-ташкилий тузилмаси ўқитиш технологиялари, демо график, симулятор, визуал каби дидактик ўқув воситалари креатив компетентлигига кўра тизимлаштириш, интеграциялаш, мослаш, тўлдириш ва  бойитиш асосида такомиллаштириш ҳамда компьютер қурилмаларидан, амалий дастурлардан фойдаланишга мўлжалланган аралаш ўқитиш, интернет ва аудитория таълимини индивидуал хусусиятларига кўра интеграциялаш асосида бўлажак информатика ўқитувчиларининг фаоллигини ошириш орқали ижодий қобилияти, креатив фикрлаши, касбий компетенцияларини ривожлантиришнинг  креатив, қисман-изланишли, продуктив, репродуктив даражаларини қўллаш, таҳлил ва хулосалаш  кўрсатгичлари мазмунини ишлаб чиқиш асосида такомиллаштиришга оид таклифлардан ХТ-Ф8-025- рақамли «Педагог кадрлар тайёрлаш бўйича психологик-педагогик диагностика назарияси ва амалиётини такомиллаштириш стратегияси» мавзусидаги фундаментал тадқиқот лойиҳасини бажаришда фойдаланилган (Ўзбекистон Республикаси Фанлар Академияси Қорақалпоғистон бўлимининг 2021 йил 2 августдаги 184/1-сон маълумотномаси). Натижада, бўлажак информатика ўқитувчиларининг ижодий қобилияти ва креатив фикрлашини ривожлантиришга ва педагоглар касбий компетенцияларини оширишга хизмат қилган;
олий таълим муассасаларида «Компьютер таъминоти» фанидан мустақил ўқув фаолиятини ташкил этишга қаратилган интерфаол методлар ва рақамли технологиялар асосида ўқитиш моделларини ривожлантириш ва аралаш таълим туридан фойдаланишга оид  3D форматли вебга йўналтирилган онлайн дидактик ўқув ресурслар ҳамда веб-платформа ишлаб чиқишга оид таклиф ва тавсиялардан И-ХТ-0-19929-рақамли «Таълим қорақалпоқ тилида ўқитиладиган мактабларнинг 8-9 синфлари учун аниқ фанлар бўйича электрон дарслик ва методик тавсия иловасини яратиш ҳамда ўқув жараёнига жорий этиш (математика, информатика)» мавзусидаги инновацион лойиҳасини бажаришда фойдаланилган (Ўзбекистон Республикаси Фанлар Академияси Қорақалпоғистон бўлимининг 2021 йил 2 августдаги 184/1-сон маълумотномаси). Натижада, бўлажак информатика ўқитувчиларини мустақил ишларини ташкил этиш методикасини такомиллаштиришга эришилган.