Тўрахўжаева Ширинхон Нодир Қизининг
фалсафа доктори (PhD) диссертацияси ҳимояси ҳақида 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Олинаётган қотишма таркибидаги газ қўшимчаларини камайтириш орқали структурани яхшилаш учун алюминий қотишмаларини эритиш технологияси ва флюс таркибини ишлаб чиқиш”, 05.02.01 – Машинасозликда материалшунослик. Қуймакорлик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (қуймачилик ва металларга ишлов бериш технологияси йўналиши)
Диссертация мавзуси рўйхатга олинган рақам: B2021.2.PhD/T2291 
Диссертация бажарилган муассаса номи: Тошкент давлат техника университетида.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.Т.03.04
Илмий раҳбар: Сайдахмедов Ровшан Холходжаевич, техника фанлари доктори, профессор.
Расмий оппонентлар: Зиямухамедова Умида Алижоновна, техника фанлари доктори, профессор; Атажанов Гапур Латибович, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Алюминий котишмаларини эритиш жараёнида хосил булган эритма таркибида газ кушимчаларини микдорини камайтиришни  таъминлайдиган флюс таркибини ишлаб чикишдан иборат.
III. Тадқиқотнинг илмий янгилиги:
алюминий қотишмасини суюқлантириш учун унинг таркибида газ қўшимчаларини камайтиришга хизмат қиладиган флюс таркиби кимёвий элементларнинг кимёвий активлиги асосида ишлаб чиқилган;
алюминий қотишмаларини суюқлантиришда флюсни қўллаш технологияси флюс ташкил этувчилари билан алюмини й қотишмасининг ташкил этувчилари орасидаги кимёвий реакциялари асосида ишлаб чиқилган;
алюминий қотишмасини ҳимоя флюси билан ишлов беришнинг иссиқлик режими флюс ташкил этувчиларининг кимёвий активлигининг ўзгариши асосида ишлаб чиқилган;
газ қўшимчаларнинг алюминий қотишмасиги сингишини камайтиришни таъминлайдиган флюсни қотишмага киритиш теехнологияси печ атмосфераси билан суюқ қотишма орасидаги иссиқлик алмашинув жараёни асосида ишлаб чиқилган;
суюқ алюминий қотишмасини печ ичида ва печдан ташқари флюс билан ишлов бериш технологияси суюқ қотишманинг физик ҳолати асосида ишлаб чиқилган.
IV. Тадқиқот натижаларининг жорий қилиниши. 
Алюминий қотишмаларини суюқлантиришда олинадиган қотишма таркибидаги газ қўшимчаларни камайтириш ҳисобига структурани яхшилаш  учун флюс таркибини ва технологияни ишлаб чикишда олинган натижалар асосида куйидагилар ишлаб чикилди ва ишлаб чикаришга жорий этилди:
алюминий котишмаларини эритиш учун флюс таркиби  «UzAuto-Inzi» МЧЖ ҚКга жорий этилди  («UzAuto» АЖнинг 06 сентябр 2021 йилдаги №15/06-25-1565-сон маълумотномаси). Жорий этиш натижасида алюминий котишмалари таркибидаги газ қўшимчаларининг миқдори 6-8% га камайган;
алюминий котишмаларини эритиш жараёнида флюс юклаш технологияси «UzAuto-Inzi» МЧЖ ҚКга жорий этилди  («UzAuto» АЖнинг 06 сентябр 2021 йилдаги №15/06-25-1565-сон маълумотномаси). Технологияни жорий этиш натижасида водород газининг эритма таркибидан чикиб кетиш тезлиги 10-12% га ошган;
алюминий эритмасини флюс билан ишлов бернишнинг термик режими «UzAuto-Inzi» МЧЖ ККга жорий этилди  («UzAuto» АЖнинг 06 сентябр 2021 йилдаги №15/06-25-1565-сон маълумотномаси). Термик ишлов бериш режимини жорий этиш натижасида кислород ва водороднинг алюминий эритмасига сингиши 16-18% га камайган.