Сайидмуродов Мирзохид Мирзарахимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Пневмомеханик йигирув қурилмаси конструкциясини такомиллаштириш масалалари”, 05.02.03 – Технологик машиналар. Роботлар, мехатроника ва робототехника тизимлари.
Диссертация мавзуси рўйхатга олинган рақам: №В2020.2.PhD/Т1739. 
Илмий раҳбар: Абдувахидов Мубашширхон, техника фанлари номзоди, профессор. 
Диссертация бажарилган муассаса номи: Наманган муҳандислик-технология иститути.
ИК фаолият кўрсатаётган муассаса номи, ИК рақами: Наманган муҳандислик-технология институти PhD.03/30.12.2019.Т.66.01
Расмий оппонентлар: Джураев Анвар Жураевич, техника фанлари доктори, профессор; Эркинов Зокир Эркин ўғли, PhD, доцент.    
Етакчи ташкилот: Андижон машинасозилик институти
Диссертация йўналиши: назарий ва амалий аҳамиятга молик.
II. Тадқиқотнинг мақсади пневмомеханик усулда ип йигиришда, сохта бурам бериш вьюрогининг динамикаси масалаларини тадқиқ қилиш ва ип шакллантириш-пишитиш қурилмасининг янги конструктив ечимларини топиш ҳамда унинг параметрлари ва иш режимларини асослашдан иборат.
III. Тадқиқотнинг илмий янгилиги: 
пневмомеханик йигириш машинасининг ип шакллантириш-пишитиш қурилмаси учун янги соҳта бурам бериш вьюрог қурилмаси ишлаб чиқилган ҳамда унда олинган ипнинг ҳаракат қонунияти асосида йигириш жараёни такомиллаштирилган;
пневмомеханик йигиришнинг барқарорлашмаган иш режимларида ип шакллантириш-пишитиш қурилмасини ўрнатиш орқали машинани юриши ва тўхтатишида соҳта бурам бериш жараёнининг динамикасини математик моделлари қурилган;
ип йигиришнинг пневмомеханик усулида ип сифатини ошириш учун янги ишлаб чиқаришга тавсия этилаётган сохта бурам бериш вьюрогини машинанинг ип шакллантириш қисмига қўллаб шаклланаётган ипнинг ҳаракат тенгламаси ишлаб чиқилган ва ҳаракат траекторияси аниқланган; 
тажрибада кўп омилли режалаштириш натижалари асосида олинган ип шакллантириш-пишитиш қурилмасининг муқобил параметр қийматлари аниқланган.
IV. Тадқиқот натижаларининг жорий қилиниши. 
Рақобатбардош маҳсулот ишлаб чиқаришда янги конструкцияли ип шакллантириш-пишитиш қурилмаси параметрлари ва иш режимларини асослаш бўйича олинган натижалар асосида:
янги пневмомеханик йигириш машинасига қўлланган ип шакллантириш-пишитиш конструкцияли қурилмаси «Ўзтўқимачиликсаноат» уюшмасига қарашли «GULSUM-TEKSTIL» МЧЖ ва «AHSIN» МЧЖ тўқимачилик корхоналарида жорий этилган (Ўзбекистон Республикаси «Ўзтўқимачиликсаноат» уюшмасининг 2021 йил 1 ноябрдаги 03/14-3054-сон маълумотномаси);
Наманган вилоятидаги тўқимачилик корхоналаридаги пневмомеханик йигирув машиналари ип шакллантириш-пишитиш қурилмаларига сохта бурам бериш вьюроги жорий этилганда (Ўзбекистон Республикаси «Ўзтўқимачиликсаноат» уюшмасининг 2021 йил 1 ноябрдаги 03/14-3054-сон маълумотномаси) электр энергияси сарфини 10% гача камайиши, ип шакллантириш тезлигини 15% га ортиши ҳисобига иш унумдорлигини ошишига эришилган.