Абдувахидов Мутаххирхон Мубошировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Аррали ишчи органларнинг эгилиш бикрлигини аниқлаш масалаларини тадқиқ қилиш” 05.02.03 – Технологик машиналар. Роботлар, мехатроника ва робототехника тизимлари.
Диссертация мавзуси рўйхатга олинган рақам: №В2019.4.PhD/Т1435. 
Илмий раҳбар: Мурадов Рустам Мурадович, техника фанлари доктори, профессор. 
Диссертация бажарилган муассаса номи: Наманган муҳандислик-технология иститути.
ИК фаолият кўрсатаётган муассаса номи, ИК рақами: Наманган муҳандислик-технология институти PhD.03/30.12.2019.Т.66.01
Расмий оппонентлар: Саримсақов Олимжон Шарипжанович, техника фанлари доктори, профессор; Бобоматов Абдуғани Хусанович PhD, доцент.    
Етакчи ташкилот: Фарғона политехника институти
Диссертация йўналиши: назарий ва амалий аҳамиятга молик.
II. Тадқиқотнинг мақсади  пахта тозалаш машиналарининг аррали ишчи органларини эгилишдаги бикрлик параметрларини ҳисоблаш усулини ишлаб чиқиш, ҳамда аррали жин цилиндри арра ва қистирмалар тахлами элементларидан фойдаланиб улар орасидаги ишқаланиш кучининг камайтириш ва маҳсулот сифатини оширишдан иборат.
III. Тадқиқотнинг илмий янгилиги: 
аррали жин машиналарида арра ва қистирмалар пакетининг мустаҳкамлини таъминлаш  учун тайёрланган конструкцияда қурилма ишлаб чиқилган ҳамда бўйлама сиқувчи куч пакет ҳолатига келтирилган ясси дискларнинг биргаликда ишлаш ҳолати ва мувозанат шарти ишлаб чиқилган;
пахта тозалаш корхонасидаги жин масинасининг аррали цилиндр пакетини енгиллаштириш орқали эгилиш бикрлигига кўп таъсир қилувчи дисклар ва улар орасидаги ишқаланиш кучлари ҳамда деформацияланиши назарий тадқиқ қилинган; 
аррали цилиндр пакети эгилиш бикрлигига бир қатор конструкцион ва эксплуатацион факторларнинг таъсири натижасида тахламли ишчи органларнинг ясси элементлари тўпламининг зўриқиш натижасида эгилиш ҳолатини аналитик усул ишлаб чиқилган;
аррали цилиндрнинг арра ва қистирмалари тахламини сиқишда янги қурилмани қўллаш орқали сиқувчи кучини оширилган, натижасида толани ажратиш, толанинг сифатини яхшилаш исботланган ҳамда цилиндр тахламининг эгилишга бикрлик қийматининг босим кучига таъсирининг экспериментал боғлиқликлари олинган.
IV. Тадқиқот натижаларининг жорий қилиниши. 
Пахта тозалаш корхоналаридаги жин машинасининг аррали цилиндрларнинг такомиллаштирилган  конструкциясини ишлаб чиқиш параметрлари ва иш режимларини асослаш бўйича олинган натижалар асосида:
пахта тозалаш корхоналари учун таклиф қилинган аррали цилиндрнинг енгиллаштирилган варианти «Наманган пахта текс» М.Ч.Ж. қошидаги «Косонсой пахта тозалаш» корхонасига («Ўзбекистон пахта-тўқимачилик кластерлари» уюшмасининг №03/12-254 22.10.2021 йилдаги маълумотномаси) тадбиқ қилинган;
янги таклиф этилган, модернизациялашган аррали цилиндрда толадаги нуқсонли аралашмалар йиғиндиси миқдори ўртача 0,4% га камайишига, чигитларнинг механик шикастланиши 0,4% га камайишига, чигитларнинг туклилиги 0,3%га камайишига ҳамда тола чиқиши 0.2% га кўпайишига имконияти яратилган.