Улмасов Тулкун Усмановичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Полимeрлар ва органоминeрал тўлдирувчиларини аралаштириш ҳамда машинасозлик учун кўп функцияли композицион материаллар олиш технологиясини ишлаб чиқишнинг назарий ва амалий асослари», 02.00.07 – Композицион, лок-бўёқ ва резина материаллари кимёси ва технологияси, 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: В2021.4.DSc/Т461.
Илмий маслаҳатчилар: Негматов Сайибжон Содикович, техника фанлари доктори, профессор, академик; Абед Нодира Сайибжановна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Рисқулов Алимжон Ахмаджонович, техника фанлари доктори, профессор; Негматова Комила Сайибжановна, техника фанлари доктори, профессор; Баракаев Нусратилла Ражабович, техника фанлари доктори, профессор.
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полимeрлар ва органоминeрал тўлдирувчиларини аралаштириш ҳамда машинасозлик учун кўп функцияли композицион материаллар олиш технологиясини ишлаб чиқишнинг назарий ва амалий асосларни ишлаб чиқишдан иборат.
III. Тадқиқотнинг илмий янгилиги:
сочилувчан органоминерал ингредиентлар, қовушқоқ-оқувчан ва кукунсимон полимерларнинг аралаштириш жараёни учун узлуксиз ҳаракатланадиган аралаштириш қурилмаси кинематик схемасининг оптимал варианти ишлаб чиқилган ва асосланган;
назарий тадқиқотлар натижаларига ва кинематик схеманинг аниқланган оптимал вариантига асосланиб, янги технология ишлаб чиқилган ҳамда кукун, ёпишқоқ органоминерал тўлдирувчи моддалари ва оқувчан полимерлар асосида, бир ҳил композицияларни олиш имконини берадиган, кукунли полимер ва сочилувчан органоминерал ингредиентларни қайтарувчи аралаштириш учун оригинал қурилма яратилган;
ишлаб чиқилган технология бўйича ва шунга мос равишда тескари узлуксиз ишловчи яратилган қурилмани ўрнатиш орқали кукун, ёпишқоқ оқувчан полимер материаллар ва сочилувчан органоминерал тўлдирувчи моддаларини аралаштириш орқали композицион полимер материалларнинг физик-механик, тебраниш-товушни ютувчи, антифрицион-ейилишга чидамлилик хусусиятларини ошириш имкониятлари илмий асосланган 
ишлаб чиқилган технология бўйича ва яратилган тескари аралаштириш қурилмасида полимерлар ва органоминерал тўлдирувчи моддалари аралашмасидан олинган композицион материалларнинг физик-механик, триботехник, вибрация-товушни ютувчи ва антифрикцион хусусиятлари 1,5-1,8 баробар ошганлиги аниқланган.
IV. Тадқиқот натижаларининг жорий қилиниши. 
Полимeрлар ва органоминeрал тўлдирувчиларини аралаштириш ҳамда машинасозлик учун кўп функцияли композицион материаллар олиш технологиясини ишлаб чиқишнинг назарий ва амалий асослари бўйича олинган илмий натижалар асосида:
Ишлаб чиқилган антифрикцион ва антифрикцион-ейилишбардош композицион материаллар ва улар асосидаги қопламалар Пискент пахта тозалаш заводида тозаловчи ва вентилляторларнинг ишчи органларида, жин ва линтер корпуслари сирт юзасида қоплама сифатида жорий этилган («PAXTASANOAT ILMIY MARKAZI» АЖнинг 2021 йил 4 ноябрдаги 02-11/483-сон маълумотномаси). Натижада, ишлаб чиқариш биноларида шовқин даражасини 7-24 дБ га пасайтириш, пахта машиналари ва механизмларининг иш унумдорлиги 7-14% га ошди, ҳаражатлар ва қувват сарфи 7-12%га, уруғларнинг майдаланиши 0,18-0,36% га, пахта толасининг шикастланиши 0,5-0,7%га камайтириш имконини берган;
ишлаб чиқилган кўп функционалли композицион қопламалар Пискент пахта тозалаш заводида чанг ютувчи гарнитуралар ва тишли тозалагичларда пахта толасини чиқиндилардан тозалаш жин ва линтер корпуслари сирт юзасида жорий этилган («PAXTASANOAT ILMIY MARKAZI» АЖнинг 2021 йил 4 ноябрдаги 02-11/483-сон маълумотномаси). Натижада, тозалаш жараёнида пахта толасини механик шикастланиш ва чанг ютувчи гарнитураларнинг хизмат қилиш муддатини ошириш орқали чанг миқдорини 50% га камайтириш имконини берган;
кўп функционалли композицион полимер материаллар ва улар асосидаги деталлар Пискент пахта тозалаш заводида жорий этилган («PAXTASANOAT ILMIY MARKAZI» АЖнинг 2021 йил 4 ноябрдаги 02-11/483-сон маълумотномаси). Натижада, Пискент пахта тозалаш заводининг иқтисодий самарадорлигини ошириш имконини берган.