Абдижалилова Зилолахон Хикматуллаевнанинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Юқори нафас йўллари мотор функциясини секретолитик ва стимулловчи препаратлар технологиясини яратиш», 15.00.01 – Дори технологияси (фармацевтика фанлари). 
Диссертация мавзуси рўйхатга олинган рақам: В2019.1.DSc/Far20.
Илмий маслаҳатчи: Юнусова Холида Маннановна, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Назарова Зарифа Алимджановна, фармацевтика фанлари доктори, профессор; Олимов Неъмат Қаюмович, фармацевтика фанлари доктори, профессор; Халилов Равшанжон Муратджанович, техника фанлари доктори.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: юқори нафас йўлларини яллиғланишида қўлланиладиган дори шаклларини муайян таркиб ва технологияси ишлаб чиқиш ҳамда такомиллаштиришдан иборат.
III. Тадқиқотнинг илмий янгилиги:
илк бор яллиғланишга қарши секретолитик таъсир қилувчи «Бронхотус Форте» эликсирининг таркиб ва технологияси ишлаб чиқилган; 
секретомотор ва балғам кўчирувчи таъсирга эга «Амбронат» қиёмининг таркиб ва технологияси ишлаб чиқилган;
амброксол гидрохлориди асосидаги муколитик таъсирга эга «Амброл» таблеткаларининг таркиби ва технологиялари ишлаб чиқилган; 
илк бор амброксол гидрохлориди ва эритромицин асосидаги яллиғланишга қарши таъсирга эга «Амброрит» комбинирланган таблеткалари таркиби ва технологиялари ишлаб чиқилган;
тавсия этилаётган препаратларнинг биофармацевтик хоссалари аниқланган ва етарли биологик самарадорликка эгалиги исботланган; 
тавсия этилаётган эликсир, қиём ва таблеткалар сифатини назорат қилиш ва стандартлаш усуллари яратилган ҳамда уларнинг биосамарадорлиги, сақланиш шароити ва яроқлилик муддати белгиланган.
IV. Тадқиқот натижаларининг жорий қилиниши. 
Юқори нафас йўллари мотор функциясини секретолитик ва стимулловчи препаратлар технологиясини яратиш бўйича олинган илмий натижалар асосида: 
«Амброл» таблеткаси учун корхона фармакопея мақоласи «Дори воситалари, тиббий буюмлар ва тиббий техника экспертизаси ва стандартлаштириш Давлат маркази» Давлат унитар корхонаси томонидан тасдиқланган (КФМ 42 Уз-15745533-3853-2020). Ушбу корхона фармакопея мақоласининг тасдиқланиши секретолитик-муколитик таъсир этувчи дори воситаларни олиш имконини берган;
«Амбронат» қиёми учун корхона фармакопея мақоласи «Дори воситалари, тиббий буюмлар ва тиббий техника экспертизаси ва стандартлаштириш Давлат маркази» Давлат унитар корхонаси томонидан тасдиқланган (КФМ 42 Уз-00481330-3945-2020). Ушбу корхона фармакопея мақоласининг тасдиқланиши яллиғланишга қарши таъсир этувчи дори воситасини олиш имконини берган;
«Амброл» таблеткалари ва «Амбронат» қиёми «Дори воситалари, тиббий буюмлар ва тиббий техника экспертизаси ва стандартлаштириш Давлат маркази» Давлат унитар корхонаси томонидан рўйҳатдан ўтказилган  ва тиббиётда қўллашга рухсат этилган (DV/M №03010/03/20 ва №03191/05/20 гувоҳномалар). Мазкур препаратларнинг рўйҳатдан ўтказилиши уларни маҳаллий ишлаб чиқариш корхоналари томонидан ишлаб чиқариш имконини берган;
«SAMO» МЧЖ билан ҳамкорликда «Амброл» таблеткалари учун ишлаб чиқилган тажриба саноат регламенти (ОПР 2072228-02-20) тасдиқланган. Мазкур ҳужжатнинг тасдиқланиши натижасида секретолитик ва стимулловчи таъсирга эга ва юқори нафас йўллари яллиғланиш касалликларини даволаш имконини берувчи таблетка дори шакли учун меъёрий ҳужжатларни ўрнатилган тартибда ишлаб чиқиш имконини берган.

 

Бош меню

Янгиликларга обуна бўлиш