Абдураззакова Дилрабо Сейтбаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Хламидий инфекцияси билан биргаликда келган ревматоид артритнинг кечиши ва даволаш хусусиятлари», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: В2019.2.PhD/Tib851.
Илмий раҳбар: Набиева Дилдора Абдумаликовна, тиббиёт фанлари доктори, доцент.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc 04/30.12.2019.Tib 30.02. 
Расмий оппонентлар: Ахмедов Халмурад Садуллаевич, тиббиёт фанлари доктори; Абдуллаев Акбар Хатамович, тиббиёт фанлари доктори. 
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: Хламидий инфекцияси билан биргаликда келган ревматоид артрит кассаллигининг клиник кечиш хусусиятлари ва даволаш самарадорлигини баҳолашдан иборат.
III. Тадқиқотнинг илмий янгилиги:
хламидий инфекцияси билан ревматоид артритнинг фаоллик даражаси ошиши, тизимли кўринишларининг (лимфаденопатия, субфебрилитет) ифодаланганлиги орасида боғлиқлик асосланган;
ревматоид артритли беморларда яллиғланиш цитокинлари интерлейкин-1в, интерлейкин-6, интерлейкин-10, ўсма некрози омили-б титрларининг юқорилиги хамда Chlamydia trachomatis инфекцияси титрларининг ортиши орасида корреляцион боғлиқлик аниқланган;
ревматоидли артрит хламидий инфекцияси билан ассоциирланганда визуал аналогли шкала кўтарилиши, Ричи индекси бўйича бўғим функционал имкониятларининг ва SF-36 бўйича беморлар ҳаёт сифати кўрсаткичларининг нисбатан камайиши аниқланган;
хламидий инфекцияси билан биргаликда келган ревматоид артритга яллиғланишга қарши базис даво тавсия этилганда хламидий инфекцияси эрадикациясининг бирламчи ўрни асосланган.
IV. Тадқиқот натижаларининг жорий қилиниши. 
Хламидий инфекцияси билан биргаликда келган ревматоид артритнинг кечиши ва даволаш самарадорлигини баҳолаш буйича олинган илмий натижалар асосида:
хламидий инфекцияси билан биргаликда келган ревматоид артритни даволаш буйича олинган илмий натижалар асосида ишлаб чиқилган «Хламидий инфекцияси билан биргаликда келган ревматоид артритни даволаш усули» номли услубий тавсиянома тасдиқланган (Соғлиқни сақлаш вазирлигининг 2021 йил 4 августдаги 8 н-з/260-сон маълумотномаси). Мазкур услубий тавсиянома хламидий инфекцияси билан биргаликда келган ревматоид артритни даволаш  бўйича чора-тадбирларни такомиллаштириш имконини берган;
ревматоид артритга хламидий инфекцияси қўшилиб келишини ташхислаш буйича олинган илмий натижалар асосида ишлаб чиқилган «Ревматоид артритга хламидий инфекцияси қўшилиб келишини ташхислаш усули» номли услубий тавсиянома тасдиқланган (Соғлиқни сақлаш вазирлигининг 2021 йил 4 августдаги 8н-з/260-сон маълумотномаси). Мазкур услубий тавсиянома хламидий инфекцияси билан биргаликда келган ревматоид артритни эрта ташхислаш усулларини муқобиллаштириш имконини берган; 
хламидий инфекцияси билан биргаликда келган ревматоид артритни  ташхислаш ва уни даволаш бўйича олинган илмий натижалар соғлиқни сақлаш амалиётига, жумладан Тошкент тиббиёт академияси кўп тармоқли клиникаси, Қорақалпоғистон Республикаси У. Халмуратов номидаги кўп тармоқли клиникаси ҳамда Қашқадарё вилояти Миришкор тумани тиббиёт бирлашмаси амалий фаолиятига тадбиқ қилинган (Соғлиқни сақлаш вазирлигининг 2021 йил 5 ноябрдаги 08-04/16527-сон маълумотномаси). Олинган тадқиқот натижаларининг амалиётга жорий қилиниши хламидий инфекцияси билан биргаликда келган ревматоид артритни эрта аниқлаш, салбий оқибатларни башоратлаш, профилактика ва даволашни оптималлаштириш, ҳаёт сифати кўрсаткичларини яхшилаш имконини берган.