Аслонов Норқул Раббонаевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: «Қаттиқ ва маиший чиқиндиларни текислаш ва кўмишга мўлжалланган бульдозер отвалининг асосий параметрларини ишлаб чиқиш ва асослаш», 05.08.06 – Ғилдиракли ва гусеницали машиналар ва уларни ишлатиш.
Диссертация мавзуси рўйхатга олинган рақам: B2020.2.PhD/T1676.    
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса номи, ИК рақами: Тошкент давлат транспорт университети ҳузуридаги DSc.18/30.12.2019.T.09.01 рақамли илмий кенгаш.
Илмий раҳбар: Ханкелов тавбай Қаршиевич техника фанлари номзоди, доцент.
Расмий оппонентлар: техника фанлари доктори, профессор Базаров Бахтиёр Имамович (Тошкент давлат транспорт университети); техника фанлари доктори, профессор Астанақулов Комил Дуллиевич (Тошкент ирригация ва қишлоқ хўжалигини механизациялаш муҳандислари институти). 
Етакчи ташкилот: Андижон машинасозлик институти.
Диссертация йўналиши: назарий аҳамиятга молик.
II. Тадқиқотнинг мақсади полигонларда қаттиқ маиший чиқиндиларни текислаш ва кўмишга мўлжалланган бульдозер отвалининг самарадорлигини оширишдан иборат. 
III. Тадқиқотнинг илмий янгилиги:
ёнлама кенгайтиргич ва вертикал панжара билан жиҳозланган бульдозер отвали ёрдамида қаттиқ маиший чиқиндиларни текислаш ва кўмиш жараёнларида отвалда ҳосил бўладиган асосий қаршилик кучининг горизонтал ташкил этувчиси P-k1 яъни отвалнинг энг асосий параметрлари, ёнлама кенгайтиргични ўрнатиш бурчаги- , отвал эни, бульдозер ҳаракатланиш тезлигини ҳисобга олувчи коэффициент ҳамда қаттиқ маиший чиқиндиларни қазиш чуқурлигларига боғлиқлиги “Сочилувчан муҳит чегаравий ҳолати назарияси” такомиллаштирилган;
ёнлама кенгайтиргич ва вертикал панжара билан жиҳозланган бульдозер отвали ёрдамида қаттиқ маиший чиқиндиларни текислаш ва кўмиш жараёнларида элтиш призмасининг шаклланиш жараёни қонуниятлари  Кулон-Мор қонунидан фойдаланилган ҳолда такомиллаштирилган;
компакт операторлар тўла симметрик идеалларида Данфорд-Шварц операторлари таъсири учун индивидуал ва статистик эргодик теоремаларнинг вариантлари олинган;
Ньютон қонунидан фойдаланган ҳолда бульдозер ҳаракатланиш тезлигининг қаттиқ маиший чиқиндиларни қазишга қаршилик кучи қийматига таъсири қонунияти ўрнатилган, бунда: бульдозер тезлиги ϑ<1,5 м/с бўлганда тезлик коэффициенти k_ϑ=1 ва бульдозер тезлиги 1,5<ϑ<3,5 м/с да тезлик коэффициенти 1<k_ϑ<1,3 оралиғида ўзгариши қонунияти яратилган;
ўхшашлик назарияси ва моделлаштириш назарияси қонуниятларига асослангандан ҳолда қаттиқ маиший чиқиндиларни текислаш ва кўмиш жараёнларини физик моделлаштириш усули такомиллаштирилган;
ён кенгайтиргичлар ва вертикал панжаралар билан жиҳозланган бульдозер отвали ёрдамида қаттиқ маиший чиқиндилар уюмини қазиш, текислаш ва зичлаш жараёнлари сифатини баҳоловчи кўрсаткичлар тизими илк бор яратилган.
IV. Тадқиқот натижаларининг жорий қилиниши: Диссертация тадқиқоти жараёнида олинган илмий натижалар қуйидаги йўналишларда амалиётга жорий қилинган:
ёнлама кенгайтиргичлар ва вертикал панжара билан жиҳозланган бульдозер отвали конструкциясининг рационал параметрлари “Чиқиндиларни қайта юклаш ва утилизация қилиш станцияси” давлат унитар корхонасида ишлаб чиқишга жорий этилган (“Ўзбекистон Республикаси Экология ва атроф-муҳитни муҳофаза қилиш” давлат қўмитасининг 2021 йил 29 январдаги 02-02-8/364-сон маълумотномаси). Натижада ёнлама кенгайтиргичлар ва вертикал панжара билан жиҳозланган бульдозер отвали конструкциясини ишлаб чиқиш орқали машинанинг кўп мақсадлилигига эришилган;
қаттиқ маиший чиқиндиларни текислаш ва кўмиш иш жараёнларини таҳлил қилиш ҳамда жараёнларнинг математик моделлари “Чиқиндиларни қайта юклаш ва утилизация қилиш станцияси” давлат унитар корхонасида жорий этилган (“Ўзбекистон Республикаси Экология ва атроф-муҳитни муҳофаза қилиш” давлат қўмитасининг 2021 йил 29 январдаги 02-02-8/364-сон маълумотномаси). Натижада қаттиқ маиший чиқиндиларни текислашда бульдозер отвалининг конструкцияси иш жараёни такомиллаштирилган, фойдали иш коэффициенти ҳамда иқтисодий самарадорлиги 61 752 000 сўмга ортган; 
ёнлама кенгайтиргичлар ва вертикал панжара билан жиҳозланган бульдозер отвалини ишлаб чиқиш бўйича тадқиқотлар натижалари “Чиқиндиларни қайта юклаш ва утилизация қилиш станцияси” давлат унитар корхонаси томонидан тадбиқ этишга қабул қилинган (“Ўзбекистон Республикаси Экология ва атроф-муҳитни муҳофаза қилиш” давлат қўмитасининг 2021 йил 29 январдаги 02-02-8/364-сонли маълумотномаси). Натижада назарий ва экспериментал тадқиқотлар натижаларига кўра бульдозер отвалининг янги конструкцияси ишлаб чиқилган, унинг ишлаб чиқаришга жорий этилиши қаттиқ маиший чиқиндиларни текислаш самарадорлигини мавжуд техникаларга нисбатан 15-20 % га оширади.