Досанова Гулзар Мауленбергеновнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): ): «Маҳаллий хомашёлар асосида кўпчитилган вермикулитни гидрофоблаш ва енгил иссиқлик сақловчи материаллар технологиясини ишлаб чиқиш», 02.00.13 – Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2021.1.PhD/T1916.
Илмий раҳбар: Талипов Нигматулла Хамидович, техника фанлари доктори, катта илмий ходим.
Диссертация бажарилган муассаса номи: Қорақалпоқ давлат университети.
ИК фаолият кўрсатаётган муассаса (муассасалар) номи, ИК рақами: Қорақалпоқ давлат университети, PhD.03/30.12.2019.Т.20.03.
Расмий оппонентлар: Закиров Бахтияр Сабиржанович, кимё фанлари доктори, профессор; Каипбергенов Атабек Тулепбергенович, техника фанлари доктори.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кўпчитилган вермикулитни гидрофоблаш учун кукунли гидрофобизаторнинг янги таркибини ҳамда ноорганик материаллар асосида бинолар ва иншоатларни иссиқлик изоляцияловчи янги авлод енгил иссиқлик сақловчи материаллар технологиясини ишлаб чиқишдан иборат.
III. Тадқиқотнинг илмий янгилиги:
илк бор кўпчитилган вермикулитни гидрофобизация қилиш ва юқори самарали иссиқлик сақловчи материаллар ишлаб чиқаришда қўллашга мўлжалланган кукунли гидрофобизаторнинг янги таркиби ишлаб чиқилган;
кўпчитилган вермикулитни 4 – 5 % кукунли гидрофобизатор билан гидрофобизациялаш натижасида кўпчитилган вермикулитнинг сувга туйиниш (сув ютиш) даражаси 42 % гача камайиши аниқланган ва иссиқлик ўтказувчанлик коэффициенти паст бўлган енгил иссиқлик сақловчи материалларда «таркиб-хосса» функционал боғлиқлик исботланган;
иссиқлик сақловчи гипс-вермикулитли қоришмаларнинг хоссаларига таркибий омиллар таъсирининг қонуниятлари аниқланган, шунингдек сувоқ аралашмалари таркибларининг физико-механик ва эксплутацион хусусиятларининг боғлиқлиги исботланган;
кукунли гидрофобизатор ва юқори самарали енгил иссиқлик сақловчи сувоқ қоришмаларини ишлаб чиқаришнинг технологик схемаси ишлаб чиқилган.
IV. Тадқиқот натижаларининг жорий қилиниши:
Кўпчитилган вермикулитни гидрофобизация қилиш ва иссиқлик сақловчи сувоқ қоришмалар ишлаб чиқаришда қўллаш бўйича олинган илмий натижалар асосида:
кўпчитилган вермикулитни гидрофобизация қилиш учун ишлаб чиқилган кукунли гидрофобизатор таркиби ва иссиқлик сақловчи гипс-вермикулитли қоришма ишлаб чиқариш технологияси «NUKUS INDAST STROY» ҚКда амалиётга жорий этилган («Ўзсаноатқурилишматериалари» уюшмасининг 2021 йил 7 майдаги 05/15-1220-сон маълумотномаси). Натижада, кўпчитилган вермикулитнинг сувга тўйиниш даражасини 42 % гача, иссиқлик сақловчи сувоқ аралашмаларининг қуриш вақтини 10 – 25 % гача камайтириш имконини берган;
гипс боғловчиси ва кўпчитилган гидрофобланган вермикулит асосида енгил иссиқлик сақловчи сувоқ қоришмасини олиш технологияси «TERMOZON» МЧЖда ишлаб чиқаришга жорий қилинган («Ўзсаноатқурилишматериалари» уюшмасининг 2021 йил 7 майдаги 05/15-1220-сонли маълумотномаси). Натижада, ишлаб чиқилган сувоқ аралашмасининг иссиқлик ўтказувчанлик коэффициенти 0,16-0,19 Вт/м·К ва сувоқ аралашмасининг вертикал юзаларга ёпишиш мустаҳкамлиги 0,33 МПа бўлишини таъминлаш имконини берган.