Утегенова Сарбиназ Турдымуратовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда аудит иши сифатининг назоратини такомиллаштириш», 08.00.08 – Бухгалтерия ҳисоби, иқтисодий таҳлил ва аудит (иқтисодиёт фанлари). 
Диссертация мавзуси рўйхатга олинган рақам: B2021.1.PhD/Iqt441.
Илмий раҳбар: Каримов Акрам Аббасович, иқтисодиёт фанлари доктори, профессор.
Диссертация бажарилган муассаса номи:  Қорақалпоқ давлат университети.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Қўзиев Исломжон Неъматович, иқтисодиёт фанлари доктори, профессор; Алиқулов Абдимумин Исматович, иқтисодиёт фанлари доктори, доцент.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади аудит иш сифатининг назоратини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
аудиторлик ташкилотларида иш сифатининг ташқи назоратини “балли баҳолаш” усули асосида ўтказиш асосланган; 
таваккалчилик даражаси бўйича паст, ўрта, юқори тоифага ҳамда сифат даражаси бўйича “қизил”, “сариқ” ва “яшил” худудларда жойлашган аудиторлик ташкилотларига ажратиб харита тузиш асосида назоратни ташкил этиш таклиф этилган;
аудиторлик текширувлари иши сифатини аудиторлик ташкилотларида алоҳида умумий, ишчи ва махсус ички аудит стандартларни жорий қилиш орқали ошириш асосланган; 
аудиторлик ташкилотларида ички назоратни ташкил этиш бўйича сўровномани ўтказиш орқали ички сифат назорати тизимининг ҳолатини баҳолаш таклиф этилган. 
IV. Тадқиқот натижаларининг жорий қилиниши:
Ўзбекистонда аудит иши сифатининг назоратини такомиллаштириш бўйича олинган илмий натижалар асосида:
аудиторлик ташкилотларида иш сифатининг ташқи назоратини “балли баҳолаш” усули асосида ўтказиш бўйича таклифи Ўзбекистон Аудиторлар Палатаси томонидан аудиторлик ташкилотлари иши сифатини баҳолаш жараёнида қўлланилган (Ўзбекистон Аудиторлар Палатасининг 2021 йил 29 мартдаги 14-сон маълумотномаси). Нaтижaдa, аудиторлик ташкилотларининг ўз фаолиятининг сифатини давлат томонидан профессионал жамоат бирлашмалари ва аудиторлик ташкилотининг ўзи томонидан баҳолаш имконини берган;
таваккалчилик даражаси бўйича паст, ўрта, юқори тоифага ҳамда сифат даражаси бўйича “қизил”, “сариқ” ва “яшил” худудларда жойлашган аудиторлик ташкилотларига ажратиб харита тузиш асосида назоратни ташкил этиш бўйича таклифи Ўзбекистон Республикаси Молия Вазирлигининг “Аудит иш сифатининг ташқи назорати бўлими” фаолиятига жорий этилган (Ўзбекистон Республикаси Молия Вазирлигининг 2020 йил 18 августдаги 06/17-03-37-сон маълумотномаси). Ушбу таклифнинг жорий қилиниши нaтижaдa, аудиторлик ташкилотларини сифат даражасига қараб “қизил”, “сариқ” ва “яшил” худудларда жойлашган аудиторлик ташкилотларига ажратиб олиб харитасини тузиш назорат қилишда самарадорликни оширган ва вақтнинг тежалишига олиб келган;.
аудиторлик ташкилотларида алоҳида умумий, ишчи ва махсус ички аудит стандартларни жорий қилиш орқали аудиторлик текширувлари иши сифатини ошириш бўйича таклифи Ўзбекистон Аудиторлар Палатаси фаолиятига жорий этилган (Ўзбекистон Аудиторлар Палатасининг 2021 йил 29 мартдаги 14-сон маълумотномаси). Мазкур таклифнинг амалиётга жорий этилиши натижасида аудиторлик ташкилотларида сифат назоратининг услубий таъминоти такомиллашувига хизмат қилган.
аудиторлик ташкилотларида ички назоратни ташкил этиш бўйича сўровномани ўтказиш орқали ички сифат назорати тизимининг ҳолатини баҳолаш таклифи Ўзбекистон Аудиторлар Палатаси томонидан жорий этилган (Ўзбекистон Аудиторлар Палатасининг 2021 йил 29 мартдаги 14-сон маълумотномаси). Натижада, аудиторлик ташкилотида сифат назорати харажатларини минималлаштириш ҳамда аудиторлик ташкилотида жараёнлар, усуллар ва ташкилий тузилманинг самарали ишлашини таъминлаш учун ахборотни мақсадли таҳлил қилиш имконияти яратилган.