Абдирова Мухаббат Турдалиевнанинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Саноат корхоналарида оҳак чиқиндиларидан кимёвий усулда олинган бўр чўкиндисини қуритишнинг энерготехнологик схемасини ишлаб чиқиш», 02.00.16 – Кимё технологияси ва озиқ-овқат ишлаб чиқариш  жараёнлари ва аппаратлари (техника фанлари).
Диссертация мавзуси рўйхатга олинган рақам: B2019.4.PhD/T1014.
Илмий раҳбар: Мухиддинов Джалалиддин Насырович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса (муассасалар) номи, ИК рақами: Тошкент давлат техника университети ҳузуридаги DSc.03/30.12.2019.Т.03.02 рақамли илмий кенгаш асосидаги бир марталик илмий кенгаш.
Расмий оппонентлар: Мухиддинов Джалалиддин Пахритдинович, техника фанлари доктори, профессор; Алимов Хасан Арипович техника фанлари номзоди, доцент.
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: фаввора қатламда кимёвий усулда олинган бўрни қуритиш технологиясини такомиллаштириш орқали иссиқлиқ ва масса алмашиш қурилмаларини қуритиш энергетикаси ва технология самарадорлигини оширишдан иборат.
III. Тадқиқотнинг илмий янгилиги:
жадаллаштирилган айланувчи фавворали қатламда қуритиш жараёнининг гидродинамик қонуниятлари аниқланган;
кимёвий усулда олинган бўрни куритиш ва майдалаш учун энергия тежамкор кўп функцияли қуритиш ва майдалаш қурилмаси ишлаб чиқилган;
фавворали айланувчи қатлам учун аппарат ҳажмининг чеккасида газ, бўр ва инерт каттиқ заррачаларнинг тезлиги, қатлам баландлиги бўйича қаттиқ заррачалар концентрациясини ишчи камеранинг геометрик ўлчамлари ва ишчи камеранинг пастки қисмидаги уюрмаловчининг бурчагига боғлиқлигини характерловчи параметрлар аниқланган;
аппарат ички юзасининг четида айланувчи фавворали қатламда иссиқлик ва масса алмашинувчи қуритиш жараёни ва майдаланишни характерли параметрларини тавсифловчи математик модел ишлаб чиқилган;
янги ишлаб чиқилган қуритиш қурилмаларида кечадиган гидродинамик ва иссиқлик жараёнларининг маълум физик қонуниятларини характерловчи кўрсаткичларининг сонли ва экспериментал қийматлари аниқланган.
IV. Тадқиқот натижаларининг жорий қилиниши:
Кимёвий усулда олинган бўр чўкиндисини қуритиш жараёнининг самарадорлигини ошириш бўйича олинган илмий натижалар асосида:
унумдорлиги 500 кг/соатга тенг лойиҳаланган ва ишлаб чиқилган саноат қуритиш қурилмаси «Хасан-Хусан Текст» МЧЖда амалиётга жорий қилинган («Ўзсаноатқурилишматериаллари» уюшмасининг 2021 йил 8 июндаги 05/15-1495-сон маълумотномаси). Натижада, технологик тизимдан алоҳида майдалагични чиқариб ташлаш ҳисобига қурилманинг энергетик самарадорлиги ва тайёр махсулотнинг сифатини ошириш ҳамда донадорлик таркиби текисланишига имкон берган;
якуний маҳсулотни силлиқлаш билан бир вақтда самарадорлиги 500 кг/соат бўлган кимёвий усулда бўр чўкиндисини қуритиш мосламасининг ишлаб чиқилган техник дизайни «Хасан-Хусан Текст» МЧЖда амалиётга жорий қилинган ((«Ўзсаноатқурилишматериаллари» уюшмаси 2021 йил 8 июндаги 05/15-1495-сон маълумотномаси). Натижада, тайёр маҳсулотнинг сифатини ошириш имконини берган.