Mirzaboev Jamoliddin Bahriddinovich 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri: “Tozalash jarayonini maqbullashtirish asosida xomashyodan samarali foydalanish”, 05.06.02–“To‘qimachilik materiallari texnologiyasi va xomashyoga dastlabki ishlov berish”
Dissertatsiya mavzusi ro‘yxatga olingan raqam: B2019.2.PhD/T1174
Ilmiy rahbar: Jumaniyazov Qadam, texnika fanlari doktori, professor
Dissertatsiya bajarilgan muassasa nomi: Namangan muhandislik–texnologiya instituti.
IK faoliyat ko‘rsatayotgan muassasa nomi, IK raqami: Namangan muxandislik–texnologiya instituti, PhD.03/30.12.2019.T.66.01
Rasmiy opponentlar: Xoliqov Qurbonali Madaminovich, texnika fanlari doktori, professor. 
Rajapov Odil Olimovich, texnika fanlari bo‘yicha falsafa doktori (PhD).
Yetakchi tashkilot: Andijon mashinasozlik instituti
Dissertatsiya yo‘nalishi: amaliy ahamiyatga molik. 
II. Tadqiqotning maqsadi paxta tolasini tozalash jarayoni va mashinasi ishchi qismlari ko‘rsatkichlarini maqbullashtirish asosida xomashyodan samarali foydalanish va mahsulot sifatini oshirishdan iborat.
III. Tadqiqotning ilmiy yangiligi: quyidagilardan iborat:
yigirish korxonalaridagi tozalash mashinalarida birinchi marotaba perforatsiyali sirtdan foydalanish usuli hamda arra tishlar va perforatsiyalangan sirtda tolalarning harakat bog‘lanishlari ishlab chiqilgan;
yangi perforatsiyali sirtni qo‘llash orqali tozalash jarayonida hosil bo‘ladigan tolali chiqindi tarkibidagi yigirishga yaroqli tolalar miqdori kamayganligi aniqlangan;
bosimni oshib borishi tola oqimi tezligini oshishiga va buni natijasida tola qatlamini siyraklashiga olib kelishi hamda tola qatlami qanchalik siyraklashsa tozalash samaradorligi shunchalik yuqori bo‘lishi aniqlangan;
tozalash jarayoni samarali borishini tashkil etish maqsadida perforatsiyali sirt va arra tishli baraban orasidagi masofa, sirt teshikchalarini maqbul parametrlari va baraban tezligi aniqlangan.
IV. Tadqiqot natijalarining joriy qilinishi. Tozalash jarayonini maqbullashtirish asosida xomashyodan samarali foydalanish bo‘yicha bajarilgan ilmiy natijalar asosida:
tozalash mashinasida perforatsiyalangan sirtdan foydalanish orqali tolali chiqindi tarkibiga qo‘shilib ketayotgan yigirishga yaroqli tolalar hamda ularning sifatini saqlab qolish bo‘yicha tadqiqotlar Namangan shahridagi “Namangan to’qimachi” MCHJ to‘qimachilik korxonasida  joriy etilgan («O’zto’qimachiliksanoat» uyushmasining 2021 yil 25 iyundagi №03/13–1976 sonli ma’lumotnomasi). Korxonada ishlab chiqarish natijasida tolali chiqindi tarkibidagi 12 % yigirishga yaroqli tolalarning umumiy ishlab chiqarishga qaytarilib tayyor mahsulotga qo‘shilishiga erishilgan;
perforatsiyalangan sirt o‘rnatilgan tozalash mashinasida chiqindi tarkibiga qo‘shilib ketayotgan yigirishga yaroqli bo‘lgan tolalar miqdorini kamaytirish bo‘yicha tadqiqotlar To‘raqo‘rg‘on tumanidagi «FT TEXTILE GROUP» MCHJ to‘qimachilik korxonasida joriy etilgan («O’zto’qimachiliksanoat» uyushmasining 2021 yil 25 iyundagi №03/13-1976 sonli ma’lumotnomasi). Natijada tolali chiqindi tarkibidagi 8 % yigirishga yaroqli bo‘lgan tolalar umumiy ishlab chiqarishga qaytarilib tayyor mahsulot olishga erishilgan.