Ташназаров Джасур Юлдашевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бошланғич гуруҳ юнон-рум курашчиларнинг техник усулларга ўргатишда моделлаштиришнинг самарадорлигини такомиллаштириш”, 13.00.04 – Жисмоний тарбия ва спорт машғулотлари назарияси ва методикаси (педагогика фанлари).
Диссертация мавзуси рўйхатга олинган рақам: В2020.1.PhD/Ped1480.
Илмий раҳбар: Миржамолов Мехриддин Хайриддинович, педагогика фанлари бўйича фалсафа доктори (PhD), доцент. 
Диссертация бажарилган муассаса номи: Ўзбекистон давлат жисмоний тарбия ва спорт университети.
ИК фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, DSc.03/30.12.2019.Ped 28.01.
Расмий оппонентлар: Керимов Фикрат Азимович, педагогика фанлари доктори, профессор; Азизов Носир Нематиллаевич, педагогика фанлари номзоди, доцент.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади бошланғич тайёргарлик гуруҳидаги юнон-рум курашчиларининг техник ҳаракатларга ўргатиш услубини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги: 
юнон-рум курашчиларни мусобақа беллашувидаги ҳужум ҳаракатларини такомиллаштиришда кўп куч сарф қилинадиган машқларни кичик даражадаги юкламага мослаштириб ўргатиш ҳисобига беллашув жараёнида шоҳ усулларни бажариш имконияти кенгайтирилган;
юнон-рум курашчиларининг беллашувлардаги мураккаб вазиятларда рақибнинг зарб билан йиқитиш усулларидан таркиб топган хужум ҳаракатларига қарши қайириб йиқитиш усуллари билан ҳимояланиш ҳисобига техник усуллар арсеналидан фойдаланиш имконияти кенгайтирилган;
юнон-рум курашда антропометрик ўлчамлари узун бўлган рақиб билан бўладиган беллашувга тактик тайёргарликни такомиллаштиришда партерга тушуриш техник усулларини бошланғич фазалари билан ҳимояланиш ҳисобига беллашувдаги қарши ҳужум ҳаракатларини тузиш имкониятлари кенгайтирилган;
юнон-рум курашчиларни тик туриб бажариладиган қийин ҳаракатларга тайёрлашда рақиб томонидан кўкракдан ошириб ташлаш усулини бажаришига қарши ҳужум ҳаракатида белдан ошириб ташлаш усулидан фойдаланиш ҳисобига мусобақа беллашув жараёнида техник-тактик ҳаракатларни бажариш имкониятлари кенгайтирилган.
IV. Тадқиқот натижаларининг жорий қилиниши. Юнон-рум курашчиларнинг  махсус жисмоний сифатларини такомиллаштириш ва техник ҳаракатларга ўргатиш самарадорлигини ошириш бўйича ўтгазилган тажрибалар асосида:
юнон-рум курашчиларнинг мусобақа фаолияти ҳусусиятларини таҳлил этишда спортчиларнинг техник ҳаракатлари самарадорлигини ошириш бўйича амалий тавсиялар «Спорт педагогик маҳоратини ошириш юнон-рим кураши бўйича (2-жилд)» номли ўқув қўлланма мазмунига сингдирилган (Ўзбекистон Республикаси Олий ва ўрта махсус таълим вазирлигининг 2019 йил 20 июлдаги 654-сонли буйруғи, 654-077 рақамли гувоҳнома). Натижада, тадқиқот якунида тажриба гуруҳи курашчиларининг мусобақа фаолияти ва техник тайёргарлик бўйича 4 та кўрсаткич 16%га яхшиланган; 
юнон-рум курашчилари томонидан техник усулларни бажариш учун сарфланган вақт кўрсаткичларини такомиллаштириш бўйича таклифлар Чирчиқ ихтисослаштирилган олимпия заҳиралари мактаб-интернатининг эркин кураш ихтисослиги бўйича таҳсил олувчи юнон-рум курашчиларнинг машғулотларига татбиқ этилган «Болалар ва ўсмирлар спорт мактаби» ўқув-машғулотларига жорий қилинган (Ўзбекистон Республикаси Жисмоний тарбия ва спорт вазирлигининг 2020 йил 13 июлдаги 02-07-08-1990-сон маълумотномаси). Натижада, қарши ҳужумда муваффақиятли бажарилган техник усуллар 16,5% га ошган;
юнон-рум курашчиларининг мусобақа фаолиятида қўллаган оддий ва мураккаб ҳужум ҳаракатларининг ижросини таъмин-ловчи самарали техник ҳаракат элементларини моделлаштириш асосида ишлаб чиқилган техник усуллар мажмуаси бўйича амалий тавсиялар «Спорт педагогик маҳоратини ошириш юнон-рим кураши бўйича (2-жилд)» номли ўқув қўлланма мазмунига сингдирилган «Болалар ва ўсмирлар спорт мактаби» юнон-рум курашчиларида ўтгазиладиган ўқув-машғулот жараёнида фойдаланилган (Ўзбекистон Республикаси Жисмоний тарбия ва спорт вазирлигининг 2020 йил 13 июлдаги 02-07-08-1990-сон маълумотномаси). Натижада, тажриба гуруҳи курашчилари томонидан ҳужум ҳаракатларини бажариш учун сарфланган вақт кўрсаткичлари 11% га ошган;
юнон-рум курашчилари томонидан техник усулларни бажариш учун сарфланган вақт кўрсаткичларини такомиллаштириш бўйича таклифлар «Болалар ва ўсмирлар спорт мактаби» йиллик машғулот режасига киритилган (Ўзбекистон Республикаси Жисмоний тарбия ва спорт вазирлигининг 2020 йил 13 июлдаги 02-07-08-1990-сон маълумотномаси). Натижада, техник ҳаракатларни бажариш учун асосий жисмоний сифат тажриба гуруҳида 14% га яхшиланган бўлса, назорат гуруҳида бу кўрсаткич 8% ни ташкил қилган, назорат гуруҳига нисбатан тажриба гуруҳидаги юнон-рум курашчиларининг ўқув-машғулот жараёнидаги машғулот юкламаларининг фарқлари умумий 6% ни ташкил этган; 
бошланғич тайёргарлик босқичида шуғулланувчи юнон-рум курашчиларини техник ҳаракатларга ўргатиш услубини такомиллаштиришда юнон-рум курашчиларининг мусобақа беллашувларида самаралий бажарилган оддий ва мураккаб ҳужум ҳаракатларининг ижросини таъмин¬ловчи самарали техник ҳаракатларни моделлаштириш услуби орқали ишлаб чиқилган техник усуллар мажмуаси бўйича тавсиялар «Болалар ва ўсмирлар спорт мактаби», юнон-рум кураши билан шуғулланувчиларнинг ўқув-машғулотларига тадбиқ қилинган (Ўзбекистон Республикаси Жисмоний тарбия ва спорт вазирлигининг 2020 йил 13 июлдаги 02-07-08-1990-сон маълумотномаси). Натижада, асосий мусобақаларда қарши ҳужум техник ҳаракатларни бажаришда курашчиларнинг кўрсаткичлари дастлабки натижаларга нисбатан 16-19% ўсишига эришилган.