Жафаров Хасан Мирзахидовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Фотодинамик терапия ёрдамида қорин бўшлиғи қисилган чурралари йирингли асоратларини олдини олиш», 14.00.27 – Хирургия (тиббиёт фанлари).
Диссертация мавзуси рўйхатга олинган рақам: В2020.4.PhD/Tib1576. 
Илмий рахбар: Турсуметов Абдусаттар Абдумаликович, тиббиёт фанлари доктори.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса номи, ИК рақами: Қорақалпоғистон тиббиёт институти, PhD.04/30.06.2020.Tib.116.01.
Расмий оппонентлар: Охунов Алишер Орипович, тиббиёт фанлари доктори, профессор; Ирисов Ортиқали Тулаевич, тиббиёт фанлари доктори, доцент.
Етакчи ташкилот: Бухоро тиббиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қорин қисилган чурраси билан оғриган беморларни жароҳатнинг ярали асоратларини олдини олиш учун метилен кўки билан интраоперацион фотодинамик терапия ёрдамида жарроҳлик даволаш натижаларини яхшилашдан иборат.
III. Тадқиқотнинг илмий янгилиги:
қисилган чурраларда чурра халтаси таркибидаги S.aureus, S.epidermidis ва Е. coli. бактерияларини бартараф этишда фурацилиннинг (1:5000) суст бактериостатиклиги, диоксидин (1%) кучли бактерицидлиги, метилен кўкининг 0,05% концентрацияси билан фотодинамик таъсир натижасида аниқ бактерицидлиги, метилен кўкининг токсик ва аллерген эмаслиги билан диоксидиндан устунлиги, шошилинч операция шароитида сезгирликни текшириш талаб қилинмаслиги асосланган; 
яра асоратларини маҳаллий интраоператив профилактикасининг янги усули ишлаб чиқилганлиги, жароҳатни метилен кўкининг 0,05% эритмаси билан 640±20 нм диапазонида белгиланган параметрлар билан LED нурланиш туфайли фотодинамик ишлов бериш билан даволаш самарадорлиги исботланган; 
қорин қисилган чурраларида метилен кўки билан фотодинамик ишловдан олдин ва кейин жарроҳлик жароҳати микроб билан ифлосланиш ҳамда ярали асоратларни олдини олиш учун ишлаб чиқилган интраоперацион усулининг самарадорлиги асосланган;
қисилган чурраларда яра асоратларини маҳаллий профилактикасида  жаррохлик амалиёти жароҳат инфекцияси ва яллиғланиш реакциясининг камайганлиги, яра асоратларини камайиши, беморнинг шифохонада ўртача бўлишининг муддатини 10,0±0,67 дан 7,3±0,77 гача қисқартириш орқали  сарф харажатларни камайтириши асосланган. 
IV. Тадқиқот натижаларининг жорий қилиниши.
Фотодинамик  терапия ёрдамида қорин бўшлиғи қисилган чурралари йирингли асоратларини олдини олишни такомиллаштириш бўйича олинган илмий натижалар асосида: 
қорин бўшлиғи қисилган чурралари йирингли асоратларнинг олдини олиш ва самарали даволаш бўйича илмий тадқиқотнинг натижалари асосида ишлаб чиқилган «Фотодинамик терапия ёрдамида қисилган қорин бўшлиғи операциядан кейинги ярали йирингли-яллиғланиш асоратлари олдини олиш» номли услубий тавсиянома тасдиқланган (Соғлиқни сақлаш вазирлигининг 2021 йил 23 апрелдаги 8н-д/145-сон маълумотномаси). Натижада қисилган чурралар учун жарроҳлик даволаш даврини қисқартиришга, ремиссия даврини узайтиришга ва асоратлар сонини камайтиришга имкон берган;
қорин бўшлиғи қисилган чурралари йирингли асоратларини олдини олиш ва самарали даволаш бўйича илмий тадқиқотнинг натижалари асосида ишлаб чиқилган «Жарроҳлик шифохоналарида метилен кўкининг антибактериал фаоллигини оширишнинг инновацион усули» номли услубий тавсиянома тасдиқланган (Соғлиқни сақлаш вазирлигининг 2021 йил 23 апрелдаги 8н-д/145-сон маълумотномаси). Ушбу тавсиянома қисилган чурралар учун жарроҳлик даволаш тактикасини танлашда оптималлаштириш ва беморлар учун қисилган чурраларда операциядан кейинги яра асоратлари камайтиришга имкон яратилган; 
қисилган қорин чурралари бўлган беморларни жарроҳлик даволашни такомиллаштиришда қаратилган тадқиқот натижалари соғлиқни сақлаш амалиётига, жумладан, Тошкент шаҳар 7-сон шаҳар клиник шифохонаси, Тошкент педиатрия тиббиёт институти катталар клиникаси, «Vitamed medical» ва «Happy Life» клиникалари амалиётига тадбиқ этилган (Соғлиқни сақлаш вазирлигининг 2021-йил 23-апрелдаги 8н-д/145-сонли гувоҳномаси). Олинган натижалар қисилган чурралар билан беморларни операцион майдроннни инфекция шароитида хирургик даволашни янги усулдан фойдаланиш имконини берган.