Хакбердиев Абдумурад Абдусаидовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Жиноий инсценировкаларни таснифлашнинг назарий асослари, уларни аниқлаш ва тергов қилиш методикаси», 12.00.09 – Жиноят процесси. Криминалистика.Тезкор-қидирув ҳуқуқи ва суд экспертизаси (юридик фанлар).
Диссертация мавзуси рўйхатга олинган рақам: В2020.3.PhD/Yu405.
Илмий раҳбар: Пулатов Юрий Сайфиевич, юридик фанлар доктори, профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/13.05.2020.Yu.22.03.
Расмий оппонентлар: Тулаганова Гулчехра Захитовна, юридик фанлар доктори, профессор; Султонов Абдулла Азаматович, юридик фанлар доктори, доцент.
Етакчи ташкилот: Ўзбекистон Республикаси Бош прокуратураси Академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади жиноий инсценировкани фош этиш, жиноятни содир этиш инсценировкасининг криминалистик моҳиятини очиб бериш, уни бартараф этишга оид назарий хулосалар, амалий таклиф ва тавсиялар ишлаб чиқишдан иборатдир.
III. Тадқиқотнинг илмий янгилиги:
жиноят процессуал қонунчилигига янги институт сифатида комплекс гувоҳлантиришни киритиш зарурлиги асослантирилган;
танадаги жароҳатларнинг кийимдаги мавжуд излар билан мослигини аниқлаш учун комплекс гувоҳлантириш ўтказиш тартибини жорий қилиш лозимлиги асослантирилган;
ҳуқуқни муҳофаза қилувчи органлар томонидан ҳодиса содир бўлган жойни кўздан кечиришда жиноий инсценировка бўйича тусмолларни илгари суриш, уларни текшириш ва аниқлаш зарурлиги асослантирилган;
жиноий инсценировкани фош этишда ўта оғир жиноятлар бўйича ҳодиса содир бўлган жойни кўздан кечириш ҳамда кўрсатувларни ҳодиса содир бўлган жойда текшириш каби процессуал ҳаракатларни видеоёзув орқали қайд этиш зарурлиги асослантирилган.
IV. Тадқиқот натижаларининг жорий қилиниши. 
Жиноий инсценировкаларни таснифлашнинг назарий асослари, уларни аниқлаш ва тергов қилиш методикаси  бўйича олинган илмий натижалар асосида:
жиноят процессуал қонунчилигига янги институт сифатида комплекс гувоҳлантиришни киритиш лозимлиги ҳақидаги таклиф янги таҳрирдаги Жиноят-процессуал кодекси лойиҳасининг тегишли моддаларини ишлаб чиқишда фойдаланилган (Ўзбекистон Республикаси Бош прокуратурасининг 2020 йил 9 ноябрдаги 27/21-02-7952820-сон маълумотномаси). Мазкур таклифнинг қабул қилиниши амалга оширилган инсценировкани аниқлашга хизмат қилади;
танадаги жароҳатларнинг кийимдаги мавжуд излар билан мослигини аниқлаш учун комплекс гувоҳлантириш ўтказиш тартибини жорий қилиш лозимлиги ҳақидаги таклиф янги таҳрирдаги Жиноят-процессуал кодекси лойиҳасининг тегишли моддаларини ишлаб чиқишда фойдаланилган (Ўзбекистон Республикаси Бош прокуратурасининг 2020 йил 9 ноябрдаги 27/21-02-7952820-сон маълумотномаси). Мазкур таклифнинг қабул қилиниши амалга оширилган инсценировкани аниқлашга хизмат қилади;
ҳуқуқни муҳофаза қилувчи органлар томонидан ҳодиса содир бўлган жойни кўздан кечиришда жиноий инсценировка бўйича тусмолларни илгари суриш, уларни текшириш ва аниқлаш зарурлиги ҳақидаги таклиф “Ҳодиса содир бўлган жойни кўздан кечиришда жиноий инсценировка бўйича тусмолларни илгари суриш, уларни текшириш ва аниқлаш” номли услубий тавсияномани ишлаб чиқишда фойдаланилган (Ўзбекистон Республикаси ИИВ ҳузуридаги Тергов департаментининг 2020 йил 13 ноябрдаги 18/6811-сон маълумотномаси). Мазкур услубий тавсиянома амалиётда ҳодиса содир бўлган жойни кўздан кечиришнинг умумий ёндашувларини белгилашга хизмат қилган;
жиноий инсценировкани фош этишда ўта оғир жиноятлар бўйича ҳодиса содир бўлган жойни кўздан кечириш ҳамда кўрсатувларни ҳодиса содир бўлган жойда текшириш каби процессуал ҳаракатларни видеоёзув орқали қайд этиш зарурлиги ҳақидаги таклиф “Ўзбекистон Республикасининг Жиноят-процессуал кодексига жиноят процессида иштирок этувчи фуқароларнинг ҳуқуқ ва эркинликларини муҳофаза қилишни кучайтиришга қаратилган ўзгартишлар ва қўшимча киритиш тўғрисида”ги Ўзбекистон Республикаси Қонуни 1-моддаси иккинчи бандини ишлаб чиқишда фойдаланилган (Ўзбекистон Республикаси Олий Мажлиси Қонунчилик палатасининг 2021 йил 12 январдаги 6/1-05/2702-сон маълумотномаси). Мазкур таклифнинг қабул қилиниши жиноят процессида иштирок этувчи фуқароларнинг ҳуқуқ ва эркинликларини муҳофаза қилишга хизмат қилган.