Мамарасулова Манирахон Турсунбоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Шудгорланган ерларга изма-из ишлов берадиган машина ғалтакмоласининг тури ва параметрларини асослаш», 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2020.3.PhD/Т1853. 
Илмий раҳбар: Имомқулов Қутбиддин Боқижонович, техника фанлари доктори, катта илмий ходим.
Диссертация бажарилган муассаса номи: Андижон қишлоқ хўжалиги ва агротехнологиялар институти.
ИК фаолият кўрсатаётган муассаса номи, ИК рақами: Наманган муҳандислик-қурилиш институти, PhD.03/30.12.2019.Т.90.01.
Расмий оппонентлар: Чуянов Дустмурод Шодмонович, техника фанлари доктори, доцент; Абдувахобович Дилшод Абдувахидович, техника фанлари бўйича PhD, доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади шудгорланган ерларга изма-из ишлов беришда талаб даражасидаги иш сифатини таъминлайдиган машина планкали ғалтакмоласининг энергиятежамкор тури ва параметрларини асослашдан иборат.
III. Тадқиқотнинг илмий янгилиги:
шудгорланган ерларга изма-из ишлов берадиган машина планкали ғалтакмоласининг тури ва конструктив схемаси ишлаб чиқилган ҳамда унинг технологик иш жараёни асосланган;
планкали ғалтакмоланинг абсолют тезлиги ва умумий тезланиши тупроқ бўлаклари билан ўзаро таъсирлашиш вақтини ҳисобга олган ҳолда аниқланган; 
ғалтакмолага ўрнатиладиган планкалар сони унинг тупроқ билан сирпаниш коэффициентини ҳисобга олган ҳолда асосланган;
планкали ғалтакмолага бериладиган тик босим кучи машина томонидан ишлов берилган тупроқ қатламининг талаб даражасида зичланиши шарти асосида аниқланган;
экспериментал тадқиқотлар асосида тишли планкали ғалтакмоланинг иш сифати ва тортишга қаршилигини унинг иш тезлигига боғлиқ равишда ўзгариш қонуниятлари ўрганилган ҳамда уларни ифодаловчи эмпирик формулалар ва регрессия тенгламалари орқали асосланган.
IV. Тадқиқот натижаларининг жорий қилиниши.
Шудгорланган ерларга изма-из ишлов берадиган машина ғалтакмоласининг параметрларини асослаш бўйича олинган илмий натижалар бўйича олинган илмий натижалар асосида:
асосланган параметрларга эга бўлган тишли планкали ғалтакмола билан жиҳозланган машинанинг саноат нусхаларини ишлаб чиқиш ва тайёрлаш учун лойиҳа-конструкторлик ҳужжатлари (техникавий шартлар ва чизмалар) Андижон вилояти Андижон шаҳар “КОНВЕРОЛЛ УНИВЕРСАЛ” МЧЖда лойиҳалаш жараёнига жорий этилган (Қишлоқ хўжалиги вазирлигининг 2020 йил 8 октябрдаги №04/020-3224-сон маълумотномаси). Натижада, асосланган тур ва параметрларга эга тишли планкали ғалтакмола билан жиҳозланган машинани ишлаб чиқариш имкони яратилган;
ишлаб чиқилган тишли планкали ғалтакмола билан жиҳозланган шудгорланган ерларга изма-из ишлов берадиган машина Андижон вилоятининг Қўрғонтепа туманидаги фермер хўжаликларида жорий этилган (Қишлоқ хўжалиги вазирлигининг 2020 йил 8 октябрдаги №04/020-3224-сон маълумотномаси). Натижада, шудгорланган ерларга изма-из ишлов бериш машинаси қўлланилганда ҳар бир гектар ҳисобига ёнилғи сарфи 5,15 кг га, меҳнат сарфи 34,4 фоизга, эксплуатацион харажатлар эса 38 фоизга камайишига эришилган.