Каримов Музаффар Абдумалик ўғлининг 
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Озиқ-овқат саноати корхоналарида бошқарувнинг ташкилий-иқтисодий механизмини такомиллаштириш», 08.00.13 – Менежмент (иқтисодиёт фанлари).
Диссертация мавзуси рўйхатга олинган рақам: В2020.2.PhD/Iqt1391.
Илмий раҳбар: Умаров Илхомжон Юлдашевич, иқтисодиёт фанлари доктори, доцент.
Диссертация бажарилган муассаса номи: Андижон давлат университети.
ИК фаолият кўрсатаётган муассаса номи, ИК рақами: Андижон давлат университети, PhD.03/30.12.2019.I.60.03
Расмий оппонентлар: Хонкелдиева Гўзал Шеровна, иқтисодиёт фанлари доктори, профессор; Расулов Нодирбек Мадрахимович, иқтисодиёт фанлари номзоди, доцент.
Етакчи ташкилот: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади озиқ-овқат саноати корхоналарида бошқарувнинг ташкилий-иқтисодий механизмини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
озиқ-овқат саноати корхоналарида бошқаришни ташкилий-иқтисодий механизмини баҳолаш менежмент тизимини хаётийлик даврини аниқлаш ва корхонани ривожлантириш билан боғлиқ дастурлар ҳамда бизнес жараёнларини ифодаловчи меъзонларни идентификациялаш асосида такомиллаштирилган;
озиқ-овқат саноати кластерини бошқариш тизими асосида хўжалик субъектларига инновацион технологияларни жалб этиш ҳамда истеъмолчилар эҳтиёжларини аниқловчи рақамли технология марказини ташкил этиш таклиф этилган;
“EVRO EKFIN” масъулияти чекланган жамияти бошқарув ташкилий-иқтисодий фаолияти назоратини рақамли технологиялар асосида амалга ошиирилиш, жумладан унинг бозордаги улуши ортиб боришига ижобий таъсир этиши исботланган;
озиқ-овқат саноати корхоналарида инновацион фаолиятни бошқариш инновацион ишланмалар маркази, илмий ташкилотлар, технопарклар, венчур ташкилотлар, илмий тадқиқот лабораториялари, санитария-эпидемология назорати тузилмаларини вектикал интеграциялаш асосида такомиллаштирилган. 
IV. Тадқиқот натижаларининг жорий қилиниши. 
Озиқ-овқат саноати корхоналарида бошқарувнинг ташкилий-иқтисодий механизмини такомиллаштириш бўйича олинган илмий натижалар асосида:
озиқ-овқат саноати корхоналарида бошқарувнинг ташкилий-иқтисодий механизмини баҳолаш услуби бошқарув модели самарадорлигини аниқлаш ҳамда корхонани ривожлантириш билан боғлиқ дастурлар ижросини таъминлочи меъзонлар билан уйғунлаштириш таклифи Ўзбекистон Республикаси Иқтисодий тараққиёт ва камбағалликни қисқартириш вазирлиги таркибига кирувчи «SHAHRIXONSUT» МЧЖ фаолиятига жорий этилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2021 йил 31 майдаги 02/11-02-10/10-1795-сон маълумотномаси). Натижада корхонанинг молиявий ва ишлаб чиқариш режаларини баҳолашда йўл қўйилаётган камчиликлар аниқланган ҳамда корхонанинг маҳсулот сотиш хажмини 1,2 баробарга ортишига эришилган;
озиқ-овқат саноати кластерини бошқариш хўжалик субъектларига инновацион технологияларни жалб этиш, истеъмолчилар эҳтиёжини аниқлаш функцияларини бажарувчи рақамли технология марказини ташкил этиш бўйича берилган таклифлари Ўзбекистон Республикаси Иқтисодий тараққиёт ва камбағалликни қисқартириш вазирлиги таркибига кирувчи «SHAHRIXONSUT» МЧЖ фаолиятига жорий этилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2021 йил 31 майдаги 02/11-02-10/10-1795-сон маълумотномаси). Натижада корхонанинг бошқарув самарадорлиги 1,04 баробарга ортишига эришилган;
озиқ-овқат саноати корхоналарида бошқарувни ташкилий-иқтисодий механизми рақамли технологияларни иқтисодий самарадорлигини баҳолаш, стратегик ривожланиш дастурини ишлаб чиқиш ва назорат қилиш жараёнларини тизимлаштириш бўйича берилган таклифлари Ўзбекистон Республикаси Иқтисодий тараққиёт ва камбағалликни қисқартириш вазирлиги таркибига кирувчи “EVRO EKFIN” МЧЖ фаолиятига жорий этилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2021 йил 31 майдаги 02/11-02-10/10-1795-сон маълумотномаси). Мазкур таклифни амалиётга жорий этилиши натижада корхонанинг бозор улуши 5,3 фоизга ортган;
озиқ-овқат саноати корхоналарида инновацион фаолиятни ташкилий-иқтисодий механизмини бошқариш технологияси инновацион ишланмалар маркази, илмий тадқиқот институтлари, технопарклар, венчур ташкилотлар, илмий тадқиқот лабораториялари, санитария ва эпидемология назорати ташкилотларини интеграциялаш асосида ишлаб чиқилган таклифлари Ўзбекистон Республикаси Иқтисодий тараққиёт ва камбағалликни қисқартириш вазирлиги таркибига кирувчи “EVRO EKFIN” МЧЖ фаолиятига жорий этилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2021 йил 31 майдаги №02/11-02-10/10-1795-сон маълумотномаси). Мазкур таклифни корхона фаолиятига жорий этилиши натижасида соф фойда миқдори 5,7 фоиз ортишига эришилган.