Тилляходжаева Зухрахон Джахангировнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Тошкент вилояти ер усти сувларини гидрокимёвий баҳолашдан фойдаланиб нозогеографик ҳолатини таҳлил қилиш», 11.00.03 - Қуруқлик гидрологияси. Сув ресурслари. Гидрокимё (география фанлари).
Диссертация мавзуси рўйхатга олинган рақам: B2018.2.PhD/Gr63.
Илмий раҳбар Мягков Сергей Владимирович, техника фанлари доктори.
Диссертация бажарилган муассаса номи: Гидрометеорология илмий-текшириш институти.
ИК фаолият кўрсатаётган муассаса (муассасалар) номи, ИК рақами: Гидрометеорология илмий-текшириш институти, DSc.27/30.12.2019.Gr.47.01. 
Расмий оппонентлар: Чембарисов Эльмир Исмаилович, география фанлари доктори, профессор; Комилова Нилуфар Қаршибоевна, география фанлари доктори, профессор.
Етакчи ташкилот: Тошкент ирригация ва қишлоқ хўжалигини механизациялаш муҳандислари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Тошкент вилоятида нозогеографик вазиятни баҳолаш ҳамда қишлоқ аҳолисининг касалланиш хавфини дарё ҳавзаларнинг гидрокимёвий режимига боғлиқлигини аниқлашдан иборат.
III. Тадқиқотнинг илмий янгилиги:
Тошкент вилояти туманлари бўйича аҳоли орасида касалликлар тарқалишининг географик хусусиятлари аниқланган;
аҳоли касалланишига ер усти сувлари гидрокимёвий режими таъсир даражасининг ҳудудий жиҳатлари аниқланган; 
Чирчиқ-Оҳангарон ҳавзаси ер усти сувларининг асосий кимёвий элементлари концентрацияси ва Тошкент вилояти аҳолисининг касалланиши орасидаги боғланишларнинг регрессия тенгламалари ишлаб чиқилган;
геоахборот технологиялар ёрдамида Тошкент вилоятидаги тиббий-географик ҳолатни тавсифловчи ҳамда касалликларнинг ҳудуд ва вақт бўйича ўзгаришларини акс эттирувчи нозогеографик хариталар яратилган.
IV. Тадқиқот натижаларининг жорий қилиниши: 
Тошкент вилоятидаги ер усти сувларнинг гидрокимёвий баҳолашдан фойдаланиб нозогеографик ҳолатни таҳлил қилиш бўйича олинган илмий натижалар асосида:
Тошкент вилояти туманлари бўйича аҳоли орасида касалликлар тарқалишининг географик хусусиятлари Соғлиқни сақлаш вазирлигида санитария-эпидемиология назорати амалиётида жорий этилган (Ўзбекистон Республикаси Соғлиқни сақлаш вазирлигининг 2020 йил 16 сентябрдаги 012-8/04-4292-сон маълумотномаси). Натижада, Тошкент вилояти дарёларининг юқори, ўрта ва қуйи қисмларида яшайдиган аҳолининг касалланиш хавфи ортиши олдини олиш учун профилактика чораларини ишлаб чиқиш имконини берган; 
аҳоли касалланишига ер усти сувлари гидрокимёвий режими таъсир даражасининг ҳудудий қонуниятларини аниқлаш бўйича олинган илмий асосланган хулосалар Соғлиқни сақлаш вазирлигида санитария-эпидемиология назорати амалиётида жорий этилган (Ўзбекистон Республикаси Соғлиқни сақлаш вазирлигининг 2020 йил 16 сентябрдаги 012-8/04-4292-сон маълумотномаси). Натижада, Тошкент вилоятининг тиббий-экологик ҳолатини яхшилашга ёрдам берадиган ва муайян ҳудудда содир бўлаётган касалланиш ҳолати ўзгаришини кузатиш самарадорлигини оширишнинг қўшимча имкониятлари яратилган; 
Чирчиқ-Оҳангарон ҳавзаси ер усти сувларининг асосий кимёвий элементлари концентрацияси ва Тошкент вилояти аҳолисининг касалланиши орасидаги боғланишларнинг регрессия тенгламалари Соғлиқни сақлаш вазирлигида санитария-эпидемиология назорати амалиётида жорий этилган (Ўзбекистон Республикаси Соғлиқни сақлаш вазирлигининг 2020 йил 16 сентябрдаги 012-8/04-4292-сон маълумотномаси). Натижада, Тошкент вилояти аҳолиси касалланишнинг хавфини ортишига ер усти сувларининг гидрокимёвий хусусиятларининг таъсирини баҳолаш имконини берган;
геоахборот технологиялар ёрдамида яратилган Тошкент вилоятидаги тиббий-географик ҳолатни тавсифловчи ҳамда касалликларнинг ҳудуд ва вақт бўйича ўзгаришларини акс эттирувчи нозогеографик хариталар Ўзбекистон Республикаси Гидрометеорология хизмати марказида жорий этилган (Ўзбекистон Республикаси Гидрометеорология хизмати марказининг 2021 йил 01 июндаги 01-15/617А-сон маълумотномаси). Натижада, гидрокимёвий параметрларни ҳисобга олган ҳолда нозогеографик хариталашнинг таклиф этилган ёндашувлари ер усти сувлари ифлосланишининг мониторинги учун услубий асос бўлиб хизмат қилган.