Шамсиева Зулфия Илҳомжон қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Семизлик кузатилган ҳомиладор аёлларда ҳомиладорлик ва туғруқни олиб бориш тактикасини ишлаб чиқиш», 14.00.01 – Акушерлик ва гинекология (тиббиёт фанлари). 
Диссертация мавзуси руйхатга олинган рақам: B2019.2.PhD/Tib823.
Илмий раҳбар: Юсупбаев Рустем Базарбаевич, тиббиёт фанлари доктори. 
Диссертация бажарилган муассаса номи: Республика ихтисослаштирилган акушерлик ва гинекология илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган акушерлик ва гинекология илмий-амалий тиббиёт маркази, PhD.04/05.06.2020.Тib.114.01.
Расмий оппонентлар: Каттаходжаева Махмуда Хамдамовна, тиббиёт фанлари доктори, профессор; Ешимбетова Гулсара Закировна, тиббиёт фанлари доктори, профессор.
Етакчи ташкилот: Тошкент педиатрия тиббиёт институти.
Диссертациянинг йўналиши: амалий аҳамиятга молик.
II. Тадқиқот мақсади: семизлик кузатилган ҳомиладор аёлларда ҳомиладорликни олиб бориш алгоритмини ишлаб чиқиш.
III. Тадқиқотнинг илмий янгилиги:
илк бор семизлик кузатилган ҳомиладор аёлларда ҳомиладорликнинг I триместрида липидлар метаболизми бузилиши ва яллиғланиш олди цитокинларинингмиқдорининг ошиши сабабли акушерлик асоратларга олиб келиши исботланган; 
илк бор семизлик кузатилган ҳомиладор аёлларда ацетилсалицил кислотаси 150мг миқдорда ҳомиладорликнинг I триместридан бошлаб  берилиши акушерлик асоратларни 2 бараварга камайтиргани исботланган;
илк бор мамлакатимизда семизлик ташхиси қўйилган ҳомиладор аёлларда липид ва цитокин статусининг ўзгаришига қараб акушерлик хавф гуруҳлари ишлаб чиқилган;
илк бор семизлик кузатилган ҳомиладор аёлларда акушерлик асоратларни эрта ташхислаш ва олдини олиш алгоритми ишлаб чиқилган. 
IV. Тадқиқот натижаларининг жорий қилиниши.
Семизлик кузатилган ҳомиладор аёлларда акушерлик ва пренатал асоратларнинг ривожланишининг олдини олиш бўйича олинган илмий натижалар асосида:
семизлик кузатилган ҳомиладор аёлларда акушерлик асоратларини прогнозлаш бўйича илмий тадқиқотнинг натижалари асосида ишлаб чиқилган «Семизлик кузатилган ҳомиладор аёлларда акушерлик асоратларини прогнозлаш» номли услубий тавсиянома тасдиқланган (Соғлиқни сақлаш вазирлигининг 2020 йил 20 январдаги 8н-р/10 маълумотномаси). Мазкур услубий тавсиянома аёлларда преэклампсия (ПЭ) ва эрта репродуктив йўқотишларнинг олдини олишда самарали даволашнинг имкониятини яратган.
Семизлик кузатилган аёлларда ҳомиладорликни олиб бориш бўйича олинган илмий тнатижалар соғлиқни сақлаш амалиётига, жумладан, Республика ихтисослаштирилган акушерлик ва гинекология илмий-амалий тиббиёт маркази, Тошкент вилояти Қибрай тумани тиббиёт бирлашмаси, Республика ихтисослаштирилган эндокринология илмий амалий тиббиёт маркази клиник амалиётига жорий қилинган (Соғлиқни сақлаш вазирлигининг 2020 йил 24 ноябрдаги 8н–д/198-сон маълумотномаси). Олинган илмий натижаларнинг амалиётга жорий қилинишисемизлик кузатилган ҳомиладорда аёлларда акушерлик асоратларни ва барвақт туғруқни 2 баравар камайиш имконини берган.