Тожалиев Абдуқосим Абдулхакимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): “Инновацион ривожланиш ва кадрлар тайёрлашнинг миллий тизими”, 09.00.04 – Ижтимоий фалсафа.
Диссертация мавзуси рўйхатга олинган рақам: B2019.1.PhD/Fal276.
Илмий раҳбар: Ҳакимов Назар Ҳакимович, фалсафа фанлари доктори, профессор.
Диссертация бажарилган муассаса номи: Фарғона давлат университети.
ИК фаолият кўрсатаётган муассаса номи, ИК рақами: Андижон давлат университети, PhD.03/30.06.2020.Fal.60.04.
Расмий оппонентлар: Артиқов Тўланбой Артиқович, фалсафа фанлари доктори, профессор; Яхшиликов Жўрабой Яхшиликович, фалсафа фанлари доктори, профессор.
Етакчи ташкилот: Наманган давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади инновацион ривожланиш ва кадрлар тайёрлаш миллий тизимининг ижтимоий тараққиётни таъминлашдаги аҳамиятини ижтимоий фалсафий жиҳатдан очиб беришдан иборат.
III. Тадқиқотнинг илмий янгилиги:
кадрлар тайёрлаш миллий тизимини инновацион ривожлантириш орқали таълим, фан ва ишлаб чиқариш интеграциялашуви жараёнини модернизация қилишда таълимнинг барча бўғинларида сифат кўрсаткичларини, яъни таълим турлари ўртасидаги интеграцион ҳамкорликни, инвестицион жозибадорликни, интеллектуал салоҳиятни, корпоратив маданиятни юксалтириш, шунингдек, соҳани рақамлаштириш, илмни тижоратлаштириш, консальтинг хизматлари бозорини ва инновацион инфратузилмани такомиллаштириш зарурлиги очиб берилган; 
жамиятда инсон ресурсларидан оқилона фойдаланишда шахс эҳтиёжларини қондиришнинг самарали усулларини топиш, барқарор тараққиётни, шахс ҳамда жамиятни мослашувчанлигини таъминлаш, интеллектуал, креатив фаолият ва инсон капиталини юксалтириш, турли мулк шаклларини жорий этиш, халқаро ҳамкорликни кучайтириш инновацион ривожланиш ва кадрлар тайёрлаш миллий тизими такомиллашувининг асоси эканлиги исботланган; 
фуқаролик жамияти ривожланиши шароитида рақобатбардош кадрлар янги авлодини тайёрлашнинг олий таълимдаги халқаро инновацион стандартларни жорий қилиш билан алоқадорлиги ва бундай уйғунлик инновацияларни таълим жараёнидаги муносабатларни жамият ва инсоннинг индивидуал эҳтиёжлари талабларига мос келувчи ҳолатга келтириши, ижтимоий фойдали ва муваффақиятли шахс шаклланиши муаммоларини ҳал этиши, “фан-таълим-инновация-ишлаб чиқариш” тизими ҳамкорлигини шакллантириши ретроспективлик тамойили асосида аниқланган; 
инновацион ривожланиш ва кадрлар тайёрлаш миллий тизимининг юксалиш механизмларини такомиллаштиришда олий таълимнинг аксиологик, инновацион ғоялар маркази, барқарор тараққиётни таъминловчи, рақобатбардош малакали кадрлар тайёрлаш, унинг шахси, алоҳида хусусиятларини эътиборга олган ҳолда мустақил самарали билим олиш фаолиятига аниқ йўналтирилганлик роли футурологик-прогностик ёндашув орқали ижтимоий-фалсафий жиҳатдан асосланган.
IV. Тадқиқот натижаларининг жорий қилиниши. Янги тараққиёт босқичида инновацион ривожланишнинг миллий кадрлар тайёрлашдаги ўрни масаласидаги таҳлиллар асосида:
кадрлар тайёрлаш миллий тизимини инновацион ривожлантириш орқали таълим, фан ва ишлаб чиқариш интеграциялашуви жараёнини модернизация қилишда таълимнинг барча бўғинларида сифат кўрсаткичларни такомиллаштириш зарур эканлигига доир илмий-назарий хулосаларидан Ўзбекистон Республикасининг ЎРҚ-406-сон “Ёшларга оид давлат сиёсати тўғрисида”ги Қонунининг “Таълимни давлат томонидан бошқариш органларининг ва таълим муассасаларининг ёшларга оид давлат сиёсати соҳасидаги ваколатлари” деб номланган 10-моддасини ишлаб чиқишда фойдаланилган (Ўзбекистон Республикаси Олий Мажлисининг Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2019 йил 27 ноябрдаги 05/1-02-297-сон маълумотномаси). Натижалар таълимни давлат томонидан бошқариш органларининг инновацион ривожланишга доир ваколатларини илмий асосда такомиллашишига хизмат қилган;
жамиятда инсон ресурсларидан оқилона фойдаланишда шахс эҳтиёжларини қондиришнинг самарали усулларини топиш, барқарор тараққиётни, шахс ҳамда жамиятни мослашувчанлигини таъминлаш, интеллектуал, креатив фаолият ва инсон капиталини юксалтириш, турли мулк шаклларини жорий этилиши, халқаро ҳамкорликни кучайтириш инновацион ривожланиш ва кадрлар тайёрлаш миллий тизими такомиллашувининг асоси эканлигига оид хулосаларидан Ўзбекистон Ёшлар иттифоқи Фарғона вилояти кенгашининг “Ёшлар ўртасида содир этилаётган ҳуқуқбузарликларнинг сабаблари ва уларга имкон бераётган шарт-шароитларни аниқлаш, бартараф этиш, ўз жонига қасд ва суиқасд қилиш ҳолатларига йўл қўймаслик мақсадида 2018-2019 йиллар мобайнида амалга ошириладиган чора-тадбирлар режаси”ни ишлаб чиқишда фойдаланилган (Ўзбекистон Ёшлар иттифоқи Марказий кенгашининг 2020 йил 23 январдаги 04-13/300-сон далолатномаси). Натижалар ёшларнинг инновацион-бунёдкорлик фаолиятига доир тасаввурларини бойитиш, етук кадр бўлиб етишишга интилишларини ривожлантиришга хизмат қилган;
фуқаролик жамияти ривожланиши шароитида рақобатбардош кадрлар янги авлодини тайёрлашнинг олий таълимдаги халқаро инновацион стандартларни жорий қилиш билан алоқадорлигига доир хулосаларидан Республика маънавият ва маърифат маркази Фарғона вилояти кенгашининг “Маънавий-маърифий ишлар тарғиботида инновацион усул ва воситалар” номли ўқув қўлланмасини тайёрлашда фойдаланилган (Республика Маънавият ва маърифат Кенгаши Республика Маънавият ва маърифат марказининг 2020 йил 10 январдаги 03/07-63-сон далолатномаси). Натижада маънавий-маърифий ишлар самарадорлигини оширишда инновацион ривожланишнинг ёш кадрлар фаолиятига таъсирига оид долзарб муаммоларни илмий асосда ҳал қилинишига хизмат қилган; 
инновацион ривожланиш ва кадрлар тайёрлашнинг миллий тизимини ўзига хослиги ва юксалиш механизмларини такомиллаштиришда олий таълимнинг ролига доир хулосаларидан Ўзбекистон Республикаси Вазирлар Маҳкамаси Фан ва Технологиялар агентлиги томонидан “Баркамол инсонни тарбиялаш – давр талаби” номли ўқув кўрсатманинг “Баркамол инсон шахси структурасининг асосий қисмлари (ақлий, ахлоқий, эстетик)” ва “Маънавий янгиланишлар ва уларнинг замонавий баркамол инсон тарбиясига таъсири” номли 3-бобини тайёрлашда фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 12 декабрдаги 89-06-98-сон маълумотномаси). Натижалар маънавий янгиланишлар жараёнида малакали, рақобатбардош кадрлар тайёрлашнинг инновацион хусусиятларига доир муаммоли йўналишларни аниқлаш ва бартараф этишнинг илмий ечимларини ўрганишга хизмат қилган.