Султанова Шахноза Абдувахитовнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Доривор ўсимликлар таркибидаги биофаол моддаларни сақлаган ҳолда қуритиш учун гелио сув иситгичли қурилмани ишлаб чиқиш», 02.00.16 – Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: В2020.2.DSc/Т354.
Илмий маслаҳатчи: Сафаров Жасур Эсиргапович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент кимё-технология институти ҳузуридаги DSc.03/30.12.2019.Т.04.01 рақамли илмий кенгаш асосидаги бир марталик илмий кенгаш.
Расмий оппонентлар: Худайбердиев Абсалом Абдурасулович, техника фанлари доктори, катта илмий ходим; Курбанов Жамшед Мажидович, техника фанлари доктори, профессор; Азизов Актам Шарипович, қишлоқ хўжалиги фанлари доктори, доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қуритиш назарияни такомиллаштириш ва доривор ўсимликлар таркибидаги биофаол моддаларни сақлаган ҳолда қуритиш учун гелиосувиситгичли қурилмани ишлаб чиқишдан иборат.
III. Тадқиқотнинг илмий янгилиги:
қуритилган доривор ўсимликлар сифат кўрсаткичлари ҳамда тайёр маҳсулотнинг иссиқлик-физик тавсифи, кимёвий таркиби аниқланган;
ҳарорат мувозанати, қуритилаётган материал массаси, қуритиш материали учун энергия вазифасини ўтувчи жараёнда сувнинг газ фазасига ўтиш миқдори аниқланган; 
иқлим шароитларини ҳисобга олган ҳолда қуёш энергиясидан фойдаланиб қуритиш жараёнининг математик модели тузилган, қуритиш технологиясининг мақбул параметрлари танланган;
қуёш энергиясидан фойдаланган ҳолда қуритиш жараёни учун энергия сарфини 26-28% камайтириш имконини берадиган усул ишлаб чиқилган;
доривор ўсимликларни қуритиш учун энергия ва ресурстежамкор гелиосувиситгичли қурилманинг янги конструкцияси яратилган;
биологик фаол моддаларни 90-95% сақлаб қолиш имконини берадиган доривор ўсимликларни қуритиш жараёни технологияси ишлаб чиқилган;
доривор ўсимликлар ишлаб чиқариш саноати учун маҳсулотни қуритиш жараёнини тенг амалга оширувчи, иссиқлик оқими йўналиши тўғри ташкил этилган сувиситгичли гелиоқуритиш қурилмаси ишлаб чиқилган. 
IV. Тадқиқот натижаларининг жорий қилиниши. 
Доривор ўсимликларни шифобахш қуритиш гелиосувиситгичли қурилмаси ишлаб чиқиш бўйича олинган илмий натижалар асосида:
энергиятежамкор қуритиш қурилмаси Поп тумани ихтисослашган давлат ўрмон хўжалигида амалиётга жорий этилган (Ўзбекистон Республикаси Ўрмон хўжалиги қўмитасининг 2020 йил 14 майдаги 05/12-1326-сон маълумотномаси). Натижада, энергиятежамкор қуритиш қурилмаси қўлланилганда энергия сарфини 26-28% га камайтириш имконини берган;
қуёш энергиясидан самарали фойдаланган ҳолда қуритадиган қуритиш технологияси Поп тумани ихтисослашган давлат ўрмон хўжалиги корхонасида амалиётга жорий этилган  (Ўзбекистон Республикаси Ўрмон хўжалиги қўмитасининг 2020 йил 14 майдаги 05/12-1326-сон маълумотномаси). Натижада, шифобахш ўсимликларни қуритиш миқдори 1,6 маротаба ошириш, хомашёнинг йўқотилишини 14% га камайтириш имконини берган;
гелиосувиситгичли қурилманинг янги конструкцияси Поп тумани ихтисослашган давлат ўрмон хўжалиги корхонасида амалиётга жорий этилган  (Ўзбекистон Республикаси Ўрмон хўжалиги қумитасининг 2020 йил 14 майдаги №05/12-1326 рақамли далолатномаси). Натижада, биологик фаол моддалари сақланган сифатли 90-95% тайёр маҳсулот олиш имконини берган.