Жанзаков Бекзот Кулмамат ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўзбекистонда туристларга хизматлар кўрсатишда юқори сифат ва рақобатбардошликни таъминлаш усулларини такомиллаштириш”, 08.00.17−Туризм ва меҳмонхона фаолияти (иқтисодиёт фанлари).
Диссертация мавзуси рўйхатга олинган рақам:  B2019.2.PhD/Iqt910.
Илмий раҳбар: Сафаров Баҳодирҳон Шахриёрович, иқтисодиёт фанлари доктори, профессор.
Диссертация бажарилган муассаса номи: Самарқанд давлат университети.
ИК фаолият юритаётган муассаса номи, ИК рақами: Самарқанд иқтисодиёт ва сервис институти, DSc.03/30.12.2019.I.18.01.
Расмий оппонентлар: Тухлиев Искандар Суюнович, иқтисодиёт фанлари доктори, профессор; Алиева Маҳбуба Тойчиевна, иқтисодиёт фанлари доктори, доцент.
Етакчи ташкилот: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади мамлакатимизда туристларга хизмат кўрсатишда юқори сифат ва рақобатбардошликни таъминлаш усулларини такомиллаштириш бўйича илмий  таклиф ва амалий тавсиялар ишлаб чиқишдан иборат. 
III. Тадқиқотнинг илмий янгилиги: 
“туризмда инновацион хизмат” тушунчасининг таърифи туристларга таклиф этиладиган хизматларда янги технологиялар, янги ғоя ва илмий-инновацион хусусиятларини ҳисобга олган ҳолда такомиллаштирилган;
туристик хизматларнинг юқори сифат ва рақобатбардошлик даражасини баҳоловчи кўрсаткичлар тизими ишлаб чиқилган ҳамда кичик туристик субъектлар учун хизмат кўрсатиш бўйича такомиллаштирилган  сифат мезонлари таклиф этилган; 
туризмда юқори сифат ва рақобатбардошликни таъминловчи ҳамда соҳа жозибадорлигини ошириш имкониятини яратувчи Самарқанд минтақавий туристик хизмат кўрсатиш ҳудудий кластери таклиф этилган;
рақамли иқтисодиёт шароитида юқори сифатли рақобатбардош хизмат кўрсатиш бўйича пандемиянинг таъсирини ҳисобга олувчи туризмни ривожлантиришнинг 2021-2024 йиллар учун прогноз кўрсаткичлари ишлаб чиқилган.
IV. Тадқиқот натижаларининг жорий этилиши. 
Ўзбекистонда туристларга хизмат кўрсатишда юқори сифат ва рақобатбардошликни таъминлаш усулларини такомиллаштириш бўйича олинган илмий-услубий натижаларни амалиётда қўллаш асосида:
республикамиз туризмини ривожлантиришда “туризмда инновацион хизмат” тушунчасининг такомиллашган таърифи олий таълим бакалавриат йўналиши учун мўлжалланган “Инновацион иқтисодиёт” ўқув қўлланмасини яратишда фойдаланилган (Ўзбекистон Республикаси Олий ва Ўрта махсус таълим вазирлигининг 2020 йил 4майдаги 285-сон буйруғи, 285-194 рақамли рухсатномаси). Ушбу таклифнинг қўлланиши туристларга хизмат кўрсатишда янги технологиялар, янги ғоя ҳамда инновацион ёндашувларни илмий асослаш, амалиётда тадбиқ этиш ва соҳани жадал ривожлантириш учун имкониятларни яратган;
туристик хизматларнинг юқори сифат ва рақобатбардошлик даражасини баҳоловчи кўрсаткичлар тизими ҳамда кичик туристик субъектлар учун сифатли хизмат кўрсатиш мезонларини такомиллаштириш бўйича ишлаб чиқилган илмий таклифи Ўзбекистон Республикаси Туризмни ривожлантириш давлат қўмитаси амалиётига жорий қилинган (Туризмни ривожлантириш давлат қўмитасининг 2020 йил 19 ноябрдаги 02-16/5480-сон маълумотномаси). Ушбу таклифнинг амалиётга жорий этилиши натижасида, туристик хизматларнинг юқори сифат ва рақобатбардошлик даражасини баҳоловчи кўрсаткичлар тизими ва кичик туристик субъектлар учун сифатли хизмат кўрсатиш мезонлари такомиллаштирилиб, туристик хизмат турларидан самарали фойдаланиш даражасини аниқлаш имкониятини яратган;
республика туризмида юқори сифат ва рақобатбардошликни таъминловчи ҳамда соҳа жозибадорлигини ошириш имкониятини яратувчи Самарқанд минтақавий туристик хизмат кўрсатиш ҳудудий кластерини шакллантириш, шунингдек унинг мақбул тузилмаси бўйича тақдим этилган таклиф Ўзбекистон Республикаси Туризмни ривожлантириш давлат қўмитаси амалиётига жорий қилинган(Туризмни ривожлантириш давлат қўмитасининг 2020 йил 19 ноябрдаги 02-16/5480-сон маълумотномаси).Мазкур таклифни амалиётга жорий этиш натижасида, минтақаларда туристик инфратузилмани ривожлантириш ва унинг таркибий субъектлари ўртасидаги кооперацион алоқаларни мувофиқлаштириш асосида юқори сифатли рақобатбардош  туристик хизматларни экспорт қилиш имконияти кенгайган;
юқори сифатли рақобатбардош хизмат кўрсатиш бўйича пандемиянинг таъсирини ҳисобга олувчи туризмни ривожлантиришнинг 2021-2024 йилларга мўлжалланган прогноз параметрлари бўйича олинган илмий тавсиялар Ўзбекистон Республикаси Туризмни ривожлантириш давлат қўмитаси амалиётига жорий этилган (Туризмни ривожлантириш давлат қўмитасининг 2020 йил 19 ноябрдаги 02-16/5480-сон маълумотномаси). Ушбу прогноз натижаларига кўра, мамлакатимизда туризм соҳасида амалга оширилаётган кенг кўламли ислоҳотлар натижасида, 2024 йилга бориб, юқори сифатли туристик хизматлардан олинадиган даромаднинг 2019 йилга нисбатан 17,7% га ва капитал инвестицияларнинг хажми эса 25% га ўсиши кутилмоқда.