Саидрасулова Холида Бекпўлатовнанинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Рақамли иқтисодиётга ўтиш шароитида ишлаб чиқаришда асосий фондлардан фойдаланиш самарадорлигини ошириш йўллари”, 08.00.03–Саноат иқтисодиёти (иқтисодиё тфанлари).
Диссертация мавзуси рўйхатга олинган рақам: В2020.1.PhD/Iqt140.
Илмий раҳбар: Хасанов Рустам Раббимович, иқтисодиёт фанлари доктори, профессор.
Диссертация бажарилган муассаса номи: Прогнозлаштириш ва макроиқтисодий тадқиқотлар институти.
ИК фаолият кўрсатаётган муассаса номи, ИК рақами: Ўзбекистон Республикаси  Иқтисодий тараққиёт ва камбағалликни қисқартириш вазирлиги ҳузуридаги Прогнозлаштириш ва макроиқтисодий тадқиқотлар институти, Dsc.14/30.12.2019.I.84.01 
Расмий оппонентлар: Бурханов Актам Усманович, иқтисодиёт фанлари доктори, профессор; Муратова Шохиста Ниматуллаевна, иқтисодиёт фанлари бўйича фалсафа доктори (PhD),доцент.
Етакчи ташкилот:Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади саноатнинг нефть-газ тармоғида асосий фондлардан фойдаланиш самарадорлигини ошириш бўйича таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
саноат тармоқларида асосий фондларнинг мавжуд қувватларидан фойдаланиш ҳолатини товарлар бозоридаги талаб ва таклифнинг ўзгаришини қўшимча ҳисобга олга ҳолда тезкор доимий мониторингини амалга ошириш услубиёти такомиллаштирилган;
асосий фондларни меҳнат унумдорлигига таъсири бевосита уларни технологик қуролланганлигига боғлиқлигини эътиборга олган ҳолда инновация, ҳаражатлар ва фойдаланиш муддати коэффицентларини қўллаш орқали “технологик сифат” даражасини аниқлаш таклиф этилган;
асосий ишлаб чиқариш фондларидан самарали фойдаланиш кўрсаткичлари (рентабеллик, эскириш даражаси, фонд қайтими ва бошқалар)нинг ягона электронлаштирилган информацион платформасини шакллантириш орқали “рақамли фондлаштириш” тизимини ташкил этиш бўйича таклиф ишлаб чиқилган;
“Ўзбекнефтгаз” акциядорлик жамиятида мақсадли амортизация жамғармасини шакллантириш ва инновацион технологияларни қўллашга қаратилган асосий фондлардан самарали фойдаланишнинг 2020-2025 йилларга мўлжалланган прогноз параметрлари ишлаб чиқилган.
IV. Тадқиқот натижаларининг жорий қилиниши.
Рақамли иқтисодиётга ўтиш шароитида ишлаб чиқаришда асосий фондлардан фойдаланиш самарадорлигини ошириш йўллари бўйича олинган илмий натижалар асосида:
ишлаб чиқаришда асосий фондларни такрор ишлаб чиқариш ва улардан фойдаланиш самарадорлигини ошириш бўйича доимий “тезлаштирилган мониторинг ўтказиш” услубиёти “Ўзбекнефтгаз” акциядорлик жамияти ва унинг таркибидаги корхоналар фаолиятида жорий этилган (“Ўзбекнефтгаз” АЖнинг 2018 йил 30 майдаги 05/17-3-136-сон ва 2020 йил 7 августдаги 08/38-435-сон маълумотномаси, Ўзбекистон Республикаси Иқтисодий тараққиёт ва камбағалликни қисқартириш вазирлигининг 2020 йил 
25 сентябрдаги 04/15-2/10-124-сон маълумотномаси). Мaзкур услубиётни aмaлиётгa жорий этилиши “Ўзбекнефтгаз” акциядорлик жамияти ва унинг таркибидаги корхоналар ишлаб чиқаришида асосий фондлардан фойдаланиш самарадорлигининг 15 фоизга ошишига эришилган;
ишлаб чиқилган “технологик сифат” мезони Иқтисодий тараққиёт ва камбағалликни қисқартириш вазирлиги ва “Ўзбекнефтгаз” акциядорлик жамияти корхоналари томонидан амалиётга жорий этилган (“Ўзбекнефтгаз” АЖнинг 2018 йил 30 майдаги 05/17-3-136-сон ва 2020 йил 7 августдаги 08/38-435-сон маълумотномаси, Ўзбекистон Республикаси Иқтисодий тараққиёт ва камбағалликни қисқартириш вазирлигининг 2020 йил 
25 сентябрдаги 04/15-2/10-124-сон маълумотномаси). Мазкур таклифнинг амалиётга жорий этилиши натижасида “Ўзбекнефтгаз” акциядорлик жамиятининг тегишли корхоналарида 2020-2030 йилларда ишлаб чиқаришда асосий фондлардан самарали фойдаланиш асосида табиий ресурсларни қазиб олиш ва уни қайта ишлашнинг юқори ўсиш суръатлари таъминланган;
асосий ишлаб чиқариш фондларининг иқтисодий самарадорлигини ошириш бўйича такомиллаштирилган “рақамли фондлаштириш” услубиёти “Ўзбекнефтгаз” акциядорлик жамияти ва унинг таркибидаги корхоналарида жорий қилинган (“Ўзбекнефтгаз” АЖнинг 2018 йил 30 майдаги 05/17-3-136-сон ва 2020 йил 7 августдаги 08/38-435-сон маълумотномаси). Мазкур услубиётдан фойдаланиш натижасида “Ўзбекнефтгаз” акциядорлик жамияти ва унинг таркибидаги корхоналарида асосий ишлаб чиқариш фондларни тўлиқ рақамлаштиришга ўтилиши, уларнинг тезкорлик билан эскириш даражасини аниқлаш ва қайта баҳолашни ўз вақтида амалга ошириш имконияти яратилган;
ишлаб чиқаришда асосий фондлардан фойдаланиш самарадорлигини оширишга қаратилган 2020-2025 йиллардаги прогноз параметрлари “Ўзбекнефтгаз” акциядорлик жамияти ва унинг таркибидаги корхоналар фаолиятида жорий этилган (“Ўзбекнефтгаз” АЖнинг 2018 йил 30 майдаги 05/17-3-136-сон, 2020 йил 7 августдаги 08/38-435 сон маълумотномаси). Ушбу тaклифнинг aмaлиётгa жорий этилиши натижасида асосий ишлаб чиқариш фондларидан фойдаланишнинг иқтисодий самарадорлиги, амортизация даражаси, фонд қайтими ва фонд билан қуролланиш даражаларининг ошишига олиб келган.