Қобилов Анвар Эшпўлотовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Ҳудудларни ривожлантиришда хорижий инвестицияларнинг самарадорлигини ошириш (Қашқадарё вилояти мисолида)”, 08.00.12– Минтақавий иқтисодиёт (иқтисодиёт фанлари).
Диссертация мавзуси рўйхатга олинган рақам:B2020.2.PhD/Iqt182.
Илмий раҳбар: Эргашев Рахматилла Хидирович,иқтисодиёт фанлари доктори, профессор.
Диссертация бажарилган муассаса номи: Қарши давлат университети.
ИК фаолият кўрсатаётган муассаса номи, ИК рақами: Урганч давлат университети, PhD.03/28.08.2020.I.55.03 рақамли илмий кенгаш асосидаги бир марталик илмий кенгаш.
Расмий оппонентлар: Рузметов Бахтияр, иқтисодиёт фанлари доктори, профессор. Холмухамедов Муҳсинжон Муродуллаевич, иқтисодиёт фанлари номзоди.
Етакчиташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ҳудудларни ривожлантиришда хорижий инвестициялар самарадорлигини оширишга қаратилган илмий-амалий таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
хорижий инвестицияларнинг иқтисодий ривожланишга таъсирини кўп омилли регрессия тенгламаларининг эластиклик коэффициентлари орқали баҳолашга оид услубий ёндашувлар такомиллаштирилган;
Қашқадарё вилоятида саноат, қишлоқ хўжалиги ва хизмат кўрсатиш соҳалари бўйича фаолият юритаётган хорижий капитал иштирокидаги корхоналарнинг инвестиция киритишдаги рағбатлантирувчи мотивлари ва тўсиқ омиллари илмий асосланган;
минтақалардаги инвестиция cалоҳиятини баҳолаш мезонлари такомиллаштирилиб, туман(шаҳар)лар инвестицион салоҳиятини баҳолаш усули ишлаб чиқилган; 
иерархик таҳлил усули (Analytic hierarchy process) ёрдамида хорижий инвестицияларни ҳудудларнинг “ўсиш нуқта”ларини белгилаб берувчи истиқболли тармоқларига оқилона жалб қилиш орқали хорижий инвестицияларнинг самарадорлигини ошириш бўйича илмий асосланган таклифлар ишлаб чиқилган.
АRIMA моделининг мавсумийлик индекслари кузатилмаган тенгламаларидан фойдаланган ҳолда турли сценарийлар асосида Қашқадарё вилоятининг ялпи ҳудудий маҳсулот ва хорижий инвестициялар оқимининг ўсиш суръатлари бўйича 2021-2025 йилларга мўлжалланган прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Ҳудудларни ривожлантиришда хорижий инвестицияларнинг самарадорлигини ошириш бўйича олинган илмий натижалар асосида:
хорижий инвестицияларнинг иқтисодий ривожланишга таъсирини кўп омилли регрессия тенгламаларининг эластиклик коэффициентлари орқали баҳолашга оид услубий ёндашувлар Қашқадарё вилояти ҳокимлиги, Ўзбекистон Республикаси автомобиль йўллари қўмитаси ва Ўзбекистон Республикаси Инвестициялар ва ташқи савдо вазирлиги амалиётида фойдаланилган (Қашқадарё вилоят ҳокимлигининг 2021 йил 15январдаги №04/133-сонли, Ўзбекистон Республикаси автомобиль йўллари қўмитасининг 2021 йил 15январдаги №03-121-сон, Ўзбекистон Республикаси Инвестициялар ва ташқи савдо вазирлигининг 2021 йил 22 январдаги 06-15-2-00757-сон маълумотномалари). Бу эса, хорижий инвестициялар иштирокидаги лойиҳалар кўлами ва сифатини, самарадорлигини оширишга хизмат қилган;
Қашқадарё вилоятида саноат, қишлоқ хўжалиги ва хизмат кўрсатиш соҳалари бўйича фаолият юритаётган хорижий капитал иштирокидаги корхоналарнинг инвестиция киритишдаги рағбатлантирувчи мотивлари ва тўсиқ омиллари бўйича таклифи Қашқадарё вилояти ҳокимлиги ва Ўзбекистон Республикаси Инвестициялар ва ташқи савдо вазирлиги амалиётида фойдаланилган (Қашқадарё вилоят ҳокимлигининг 2021 йил 15январдаги №04/133-сон, Ўзбекистон Республикаси Инвестициялар ва ташқи савдо вазирлигининг 2021 йил 22 январдаги 06-15-2-00757-сон маълумотномалари). Бу эса, Қашқадарё вилоятида хорижий инвесторлар билан индивидуал ишлаш тизимини яратиш ва мавжуд ёки юзага келаётган муаммоларни тезкорлик билан ҳал этиш механизмларини жорий этиш  имконини берган ва натижада, 2020 йилда Қашқадарё вилоятида ҳудудий лойиҳалар доирасида ўзлаштирилган хорижий инвестициялар ҳажми 2019 йилга нисбатан 105,6 фоизга ошган ҳолда, 153,7 млн АҚШ долларини ташкил этган;
туман (шаҳар)ларнинг инвестицион салоҳиятини баҳолаш бўйича таклиф қилинган услубиёт Қашқадарё вилояти ҳокимлиги ва Ўзбекистон Республикаси Инвестициялар ва ташқи савдо вазирлиги амалиётида фойдаланилган (Қашқадарё вилоят ҳокимлигининг 2021 йил 15январдаги 04/133-сон, Ўзбекистон Республикаси Инвестициялар ва ташқи савдо вазирлигининг 2021 йил 22 январдаги 06-15-2-00757-сон маълумотномалари). Бу эса, инвестицион салоҳият бўйича туман (шаҳар)лар рейтингини аниқлаш, инвестицион салоҳияти паст бўлган ҳудудларнинг инвестицион салоҳиятини ошириш бўйича чора-тадбирлар ишлаб чиқиш ҳамда инвестицион салоҳиятдан фойдаланиш самарадорлигини ошириш имконини берган;
иерархик таҳлил усули (Analytic hierarchy process) ёрдамида хорижий инвестицияларни ҳудудларнинг “ўсиш нуқта”ларини белгилаб берувчи истиқболли тармоқларига оқилона жалб қилиш орқали хорижий инвестицияларнинг самарадорлигини ошириш бўйича таклифиҚашқадарё вилояти ҳокимлиги ва Ўзбекистон Республикаси Инвестициялар ва ташқи савдо вазирлиги амалиётида фойдаланилган (Қашқадарё вилоят ҳокимлигининг 2021 йил 15январдаги 04/133-сон, Ўзбекистон Республикаси Инвестициялар ва ташқи савдо вазирлигининг 2021 йил 22 январдаги 06-15-2-00757-сон маълумотномалари). Бу эса, Қашқадарё вилоятида 2020-2022 йилларда саноат, қишлоқ ҳўжалиги, хизмат кўрсатиш, туризм соҳалари бўйича хорижий инвестициялар ҳисобидан умумий қиймати 488,2 млн. АҚШ доллар бўлган ҳудудий инвестицион лойиҳалар портфелини ишлаб чиқиш, Қашқадарё вилояти туман (шаҳар)ларининг салоҳияти ва “ўсиш нуқта”ларидан келиб чиққан ҳолда, саноати паст ривожланган туманларда 15 та йирик ва 110 та янги саноат лойиҳаларини шакллантиришга хизмат қилган.