Шодиев Хамза Рўзиқуловичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Нефть-газ саноати ускуналари учун антикоррозион композицион материаллар ва улар асосидаги қопламаларни ишлаб чиқиш ва уларни олиш технологияси», 02.00.07 – Композицион, лок-бўёқ ва резина материаллари кимёси ва технологияси, 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (техника фанлари).
Диссертация мавзуси рўйхатга олинган рақам: 2020.4.PhD/Т1910.
Илмий раҳбарлар: Негматов Сойибжан Содиқович, техника фанлари доктори, профессор, академик; Негматова Комила Сайибжоновна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса (муассасалар) номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Розиқов Комил Холиқович, кимё фанлари доктори, профессор; Тешабаева Элмира Убайдуллаевна, техника фанлари доктори, доцент.
Етакчи ташкилот: Бухоро давлат университети.
Диссертация йўналиши: амалий аҳамиятга молик.
II. Тадқиқотнинг мақсади: нефть-газ саноати ускуналари учун антикоррозион композицион материаллар ва улар асосидаги қопламаларни яратиш ҳамда уларни олиш технологиясини ишлаб чиқишдан иборат.
III. Тадқиқотнинг илмий янгилиги:
коррозияга қарши композициянинг органоминерал ингредиентлари ўртасида юзага келадиган физик-кимёвий жараёнларнинг хусусиятлари аниқланган;
ишлаб чиқилган антикоррозион композицион кимёвий ингибирловчи материалларнинг физик-кимёвий, физик-механик ва технологик хоссаларини шакллантиришда компонентларнинг самарали таркиби ишлаб чиқилган;
импорт ўрнини босувчи янги самарали таркиблар яратиш имконини берадиган ингредиентларнинг табиати, тузилиши, таркиби, миқдори ва нисбатига қараб қопламаларнинг хусусиятлари ўзгаришининг асосий омиллари аниқланган;
нефть ва газ саноати ускуналари ва механизмларини коррозиядан ҳимоя қилиш учун композицион ингибирловчи материаллар ва улардан қопламалар олиш технологияси ишлаб чиқилган.
IV. Тадқиқот натижаларининг жорий қилиниши: 
Нефть-газ саноати ускуналари учун антикоррозион композицион материаллар ва улар асосидаги қопламаларни яратиш ва уларни олиш технологиясини ишлаб чиқиш бўйича олинган илмий натижалар асосида:
«Антикоррозион композицион ингибирловчи материаллар ва улар асосидаги қопламалар» учун ташкилот стандарти «Нефть ва газ кудукларини синаш» АЖда билан ўрнатилган тартибда келишилган ҳолда ишлаб чиқилган ва тасдиқланган (Ts 14952796-016:2019). Натижада, антикоррозион композицион ингибирловчи материаллар ва улар асосидаги қопламаларни олиш, нефть ва газ саноати асбоб ускуналарни агрессив муҳит таъсиридан ҳимоялаш имконини берган;
антикоррозион композицион ингибирловчи материаллар ва улар асосидаги қопламалар «Нефть ва газ кудукларини синаш» АЖда амалиётга жорий этилган («Ўзбекнефтгаз» АЖнинг 2021 йил 26 январдаги 03-17-5/14-сон маълумотномаси). Натижада, нефть ва газ саноати ускуналарини коррозиядан ҳимоялаш ҳамда нефть ва газ қудуқларини ишлаш қобилияти ва самарадорлигини ошириш имконини берган;
ишлаб чиқилган антикоррозион композицион ингибирловчи материаллар ва улар асосидаги қопламалар «Бурғулаш ва тампонаж эритмалари бўйича хизмат кўрсатиш» участкасидаги насос-компрессор қувурларини хлорид кислотали коррозиядан ҳимоялашда жорий этилган («Ўзбекнефтгаз» АЖнинг 2021 йил 26 январдаги 03-17-5/14-сон маълумотномаси). Натижада, насос-компрессор трубаларни кислотали коррозиядан ҳимоялаш ва уларнинг умрбоқийлигини ошириш имконини берган.