Sayt test rejimida ishlamoqda

Жабборов Улугбек Узоковичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Резус номутаносиблиги бор ҳомиладор аёлларда перинатал ёрдамни такомиллаштириш», 14.00.01 – Акушерлик ва гинекология (тиббиёт фанлари).
Диссертация мавзуси рўйхатга олинган рақам: B2020.2.DSc/Tib404.
Илмий маслаҳатчи: Расуль-Заде Юлдуз Гулямовна, тиббиёт фанлари доктори, профессор.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса номи, ИК рақами: Тошкент педиатрия тиббиёт институти, DSc.04/30.12.2019.Tib.29.01.
Расмий оппонентлар: Пахомова Жанна Евгеньевна, тиббиёт фанлари доктори, профессор; Каримов Заур Джавдатович, тиббиёт фанлари доктори, профессор; Арипова Тамара Уктамовна, тиббиёт фанлари доктори, профессор, академик.
Етакчи ташкилот: Н.И.Пирогов номли Россия Миллий илмий тадқиқот тиббиёт университети.
Диссертациянинг йўналиши: амалий аҳамиятга молик.
II. Тадқиқотнинг мақсади: резус-иммунизацияли аёлларда ҳомиланинг гемолитик касаллигини антенатал ташхислаш ва фетал хирургия соҳасида юқори технологияли операциялардан фойдаланиб даволаш усулларини такомиллаштириш орқали перинатал натижаларни яхшилашдан иборат.
III. Тадқиқотнинг илмий янгилиги:
резус номутаносиб ҳомиладорларда ҳомила бош миясидаги ишемик церебрал шикастланишларни ташҳислашда 1,5 Тесла магнит резонанс томографияда ҳомила марказий нерв тизими ҳолатини объектив баҳолашда самарали усул сифатида эканлиги исботланган;
ҳомила гемолитик касаллигининг оғир кечишини ноинвазив допплерометрик текшириш усулидан фойдаланиб ҳомила ўрта мия артериясида қон оқимининг максимал систолик тезлиги кўрсаткичлари билан ҳомила гемоглобини ва гематокрит даражаси ўртасида кучли коррелляцион алоқа мавжудлиги исботланган;
допплерометрия ва магнит-резонанс томография усуллари илк бор бирга қўлланилган ҳолда ҳомила гемолитик касаллигининг оғир шакли ривожланиши ва бош мия ишемик патологик ўзгаришлари ўртасидаги ўзаро алоқа  аниқланган;
ҳомила гемолитик касаллигида ҳомила қонининг биокимёвий ва гематологик кўрсаткичлари ҳамда ҳомила бош миясининг магнит-резонанс томография кўрсаткичлари ўртасидаги ўзаро корреляцион алоқалар исботланган; 
илк бор резус-иммунизацияли ҳомиладорларда ҳомиланинг гемолитик касаллигида қоннинг кислота-ишқор ҳолатида гипокалиемия аниқланган;
резус-иммунизацияли ҳомиладорларда ҳомила гемолитик касаллиги оғир кечишининг шаклланиш механизмида ҳомиладаги иммунологик бузилишларда G ва А синфидаги иммуноглобулинлар синтезининг ортишига олиб келиши оқибатида ЦИКнинг кўтарилиши исботланган;
илк бор гемолитик касалликка чалинган ҳомилада IL–1 β нинг юқори аҳамияти ва бу цитокинларнинг яллиғланишга қарши цитокинлар фаоллиги билан ҳомилада яққол иммун жавоб мавжудлигидан далолат бериши исботланган.
IV. Тадқиқот натижаларининг жорий қилиниши.
Резус номутаносиб ҳомиладорларда ҲГКнинг оғирлик даражасини эрта ташҳис қўйиш ва уни даволаш усулларини ишлаб чиқиш бўйича олинган натижалар асосида:
резус номутаносиб ҳомиладорларда ҲГКнинг оғирлик даражасини антенатал эрта инвазив ва ноинвазив ташҳислаш янги усулини такомиллаштириш асосида ишлаб чиқилган «Резус-иммунизацияли ҳомиладорларда ҳомиланинг гемолитик касаллигини пренатал ташхислаш алгоритми» услубий тавсияномаси тасдиқланган (Соғлиқни сақлаш вазирлигининг 2020 йил 9 июлдаги 8н-р/221-сон маълумотномаси). Илмий натижаларнинг жорий қилиниши ҲГКнинг оғирлик даражасини эрта ташҳислаш самарадорлигини оширишга ҳизмат қилган. 
ҲГК оғир шаклида фетал хирургия соҳасида юқори технологияли операциялар ёрдамида киндик ичи гемотрансфузияси («ҳомилага киндик ичида томир ичига қон қуйиш» операцияси) усулидан фойдаланиш асосида ишлаб чиқилган «Резус-иммунизацияли ҳомиладорларда ҳомиланинг гемолитик касаллигини даволаш алгоритми» услубий тавсияномаси тасдиқланган (Соғлиқни сақлаш вазирлигининг 2020 йил 9 июлдаги 8н-р/221-сон маълумотномаси). Мазкур операция ҲГКнинг оғир шаклида ҳомиладорлик кечишини яхшилаш ва чакалоклар орасида перинатал асоратлар сонини қисқартириш имконини берган. 
ҳомиланинг гемолитик касаллигини даволаш орқали резус номутаносиблик бўлган ҳомиладор аёлларга перинатал ёрдам кўрсатиш усулларини такомиллаштириш бўйича олинган илмий натижалар соғлиқни сақлаш амалиётига, жумладан, Республика перинатал маркази ҳомиладорлик патологиялари бўлими ва консултатив поликлиникасига, РИАваГИАТМ, Тошкент шаҳар перинатал маркази амалиётига жорий этилган (Соғлиқни сақлаш вазирлигининг 2021 йил 28 январдаги 8н-д/41-сон маълумотномаси). Олинган илмий натижаларнинг амалиётга татбиқ этилиши ҲГК оғир шакли учраш частотасини, муддатидан илгари туғилиш ва чақалоқлик даври патологиясини камайтиришга имкон яратган.

 

Yangiliklarga obuna bo‘lish