Каримов Акрамжон Икромжон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Аҳолининг бўш пул маблағларини жалб қилиш орқали қимматли қоғозлар бозорини ривожлантириш», 08.00.07 – Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: В2020.4.PhD/Iqt1216.
Илмий раҳбар: Элмирзаев Самариддин Эшкуватович, иқтисодиёт фанлари доктори, профессор.
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Карлибаева Рая Ходжабаевна, иқтисодиёт фанлари доктори, профессор; Хошимов Элмурод Абдусатторович, иқтисодиёт фанлари номзоди, доцент.
Етакчи ташкилот: Самарқанд иқтисодиёт ва сервис институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади аҳолининг бўш пул маблағларини жалб қилиш орқали қимматли қоғозлар бозорини ривожлантириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
узоқ муддатли лойиҳалар бўйича қатъий фоизли корпоратив облигацияларни аҳолининг харид қобилятини ҳисобга олган ҳолда муомалага чиқариш ва қимматли қоғозлар бозорида очиқ жойлаштириш таклиф қилинган;
пулнинг вақт бўйича қиймат концепсиясини киритиш оркали дивидендларни тўлашда кунлик сарфланадиган вақтни 2 бараварга ҳамда ташкилий харажатларни 15 фоизга камайтириш асосланган;
фонд бозорига инвестициялар йўналтиришда йиллик инфялцион кутилмаларни ҳисобга олган ҳолда қимматли қоғозлар бозор баҳоси прогнози орқали молиявий активларнинг ойлик сотиб олиш ва сотишнинг нисбий чегараси белгиланган;
SPO(иккиламчи оммавий таклифи)ни қўллаш орқали соҳага тааллуқли бўлмаган акциядорлик жамиятларидаги эмитентнинг улушини фонд бозори орқали очиқ обуна тартибида жойлаштириш ва аҳолининг бўш молиявий ресурсларини қимматли қоғозлар бозорига жалб этиш асосланган.
IV. Тадқиқот натижаларининг жорий қилиниши:
Аҳолининг бўш пул маблағларини жалб қилиш орқали қимматли қоғозлар бозорини ривожлантириш бўйича олинган илмий натижалар асосида:
узоқ муддатли лойиҳалар бўйича қатъий фоизли корпоратив облигацияларни аҳолининг харид қобилятини ҳисобга олган ҳолда муомалага чиқариш ва қимматли қоғозлар бозорида очиқ жойлаштириш бўйича таклифи Ўзбекистон Республикаси Президентининг 2019 йилнинг 9 июлидаги ПҚ-4388-сон қарори бўйича тасдиқланган «Ўзбекнефтгаз» АЖнинг янги Низомига мувофиқ «Ўзбекнефтгаз» акциядорлик жамиятининг 2021 йил учун бизнесни юритиш стратегиясига киритилган («Ўзбекнефтгаз» АЖининг 2021 йилнинг  8 январидаги 03/21-1-9-сон маълумотномаси). Натижада, мазкур амалиёт истиқболда акциядорлик жамияти томонидан амалга ошириладиган инвестиция лойиҳаларини молиялаштиришда диверсификациялаш имконини берган;
пулнинг вақт бўйича қиймат концепсиясини киритиш оркали дивидендларни тўлашда кунлик сарфланадиган вақтни 2 бараварга ҳамда ташкилий харажатларни 15 фоизга камайтириш бўйича таклифи «Ўзбекнефтгазқудуқтаъмирлаш» АЖнинг 2021 йил учун бизнесни юритиш стратегиясига киритилган (“Ўзбекнефтгазқудуқтаъмирлаш” акциядорлик жамиятининг 2021 йил 4 мартдаги НП-31/02-156/1-сон маълумотномаси). Натижада, мазкур амалиёт орқали дивиденд тўловларини амалга ошириш молиявий технологиялар асосида жорий этилган ва диведенд тўловлари учун сарфланадиган вақт 2 бараварга ҳамда ташкилий харажатлар 15 фоизга камайган;
фонд бозорига инвестициялар йўналтиришда йиллик инфялцион кутилмаларни ҳисобга олган ҳолда қимматли қоғозлар бозор баҳоси прогнози орқали молиявий активларнинг ойлик сотиб олиш ва сотишнинг нисбий чегарасини белгилаш бўйича таклифи «Фарғона донмаҳсулотлари» АЖ ва “Ўзбекнефтгазқудуқтаъмирлаш” АЖларнинг бизнес стратегияси бўйича “Ҳамкорбанк”, “Қизилқумсемент”, “Кварц”, “O'zbеkiston sanoat – qurilish banki” АЖ, “Buxoro Markaziy dehqon bozori” АЖлар қимматли қоғозларига инвестиция киритиш амалиётида фойдаланилган («Фарғона донмаҳсулотлари» АЖ 2021 йил 14 январдаги 7-сон ва “Ўзбекнефтгазқудуқтаъмирлаш” акциядорлик жамиятининг 2021 йил 4 мартдаги НП-31/02-156/1-сон маълумотномалари). Натижада, акциядорлик жамияти фонд бозори орқали рентабеллиги юқори бўлган молиявий активларга инвестиция киритиш имконияти орқали қўшимча даромадга эга бўлган;
SPO(иккиламчи оммавий таклифи)ни қўллаш орқали соҳага тааллуқли бўлмаган акциядорлик жамиятларидаги эмитентнинг улушини фонд бозори орқали очиқ обуна тартибида жойлаштириш ва аҳолининг бўш молиявий ресурсларини қимматли қоғозлар бозорига жалб этиш бўйича таклифи Ўзбекистон Республикаси Президентининг 2019 йилнинг 9 июлидаги ПҚ-4388-сон қарори 5-иловасига мувофиқ «Ўзбекнефтгаз» акциядорлик жамияти ва унинг таркибига кирувчи сервис ташкилотлари ва бошқа ташкилотлар устав капиталидаги улушлари Давлат активларини бошқариш агентлигига берилган ва фонд бозори орқали сотувга чиқарилган («Ўзбекнефтгаз» АЖининг 2021 йилнинг 8 январидаги 03/21-1-9-сон маълумотномаси). Натижада, соҳага тегишли бўлмаган активларни сотиш орқали акциядорлик жамияти қўшимча равишда молиявий ресурсларга эга бўлган.