Ризаева  Феруза  Абдулхамитовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Парвовирус B-19 инфeкциясини донорлар ва қон тизими касалликлари бўлган беморларда ўрганиш», 14.00.29 – Гематология ва трансфузиология (тиббиёт фанлари).
Диссертация мавзуси рўйхатга олинган рақам: В2018.4.РhD/Tib730.
Илмий раҳбар: Каримов Хамид Якубович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган гематология илмий амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.02 рақамли илмий кенгаш асосидаги бир марталик илмий кенгаш
Расмий оппонентлар: Ахмедова Мубарахон Джалиловна, тиббиёт фанлари доктори, профессор; Убайдуллаева Зухра Ибрагимовна тиббиёт фанлари доктори.
Етакчи ташкилот: Самарқанд давлат тиббиёт институти.
Диссертация йўналиши: амалий аҳамиятга молик.
II.Тадқиқотнинг мақсади: гематологик беморлар ва қон донорларида парвовирус В19 инфекциясининг асосий клиник-лаборатор хусусиятлари кўринишини бахолашдан иборат.
III.Тадқиқотнинг илмий янгилиги:
илк маротаба қон донорлари ва гематологик беморларда парвовирус B19 нинг учраш даражаси аниқланган;
илк марта парвовирус В19 учраш даражаси турли хил гематологик хасталиклари мавжуд бўлган беморларда, уларнинг жинси, ёши, касалликнинг давомийлиги, олиб борилган даво чоралари ва трансфузияларнинг мавжудлигини инобатга олган ҳолда аниқланган;
гематологик касалликларнинг мавжудлиги билан парвовирус B19 серологик маркерларини учраш даражаси ва унинг геномини аниқлаш ўртасида ўзаро боғлиқлик белгиланган;
донор қони ва унинг компонентларида парвовирус B19 маркерларини мавжудлиги аниқланган.
IV. Тадқиқот натижаларининг жорий қилиниши. Гематологик беморлар ва қон донорларида парвовирус В19 инфекциясини асосий клиник-лаборатор хусусиятларини ўрганиш орқали олинган натижалар асосида:
донор қонида парвовирус В19 инфекциясини ташхисоти бўйича илмий тадқиқотнинг натижалари асосида ишлаб чиқилган «Донор қонида парвовирус В19 инфекциясини ташхисоти» услубий тавсияномаси тасдиқланган (Соғлиқни сақлаш вазирлигининг 2019 йил 01 ноябрдаги 8н-д/252-сон маълумотномаси). Мазкур услубий тавсиянома гематологик хасталиклари бор бўлган беморлар ва донорларнинг қонида парвовирус В19 инфекциясининг эрта ташхисотини ва трансфузиядан кейин инфекциянинг юқиш ҳавфини олдини олиш имконини берган;
гематологик беморлар ва донор қонида парвовирус В19 инфекциясининг клиник-лаборатор ҳамда молекуляр-генетик ўзига хос хусусиятлари бўйича олинган илмий натижалар тиббиёт амалиётига, жумладан Қашқадарё вилоят кўп тармоқли тиббиёт маркази ва вирусология илмий текшириш институтига тадбиқ қилинган (Соғлиқни сақлаш вазирлигининг 2021 йил 11 январдаги 8н-з/12-сон маълумотномаси). Олинган натижаларни амалиётга тадбиқ қилиниши, парвовирус юқишини ўз вақтида аниқлашга, шунингдек беморларда асоратлар ривожланишини олдини олиб, тўғри йўналтирилган давони олиб боришга, жорий терапевтик кўрсаткичларни яхшилашга, жумладан беморларда  ушлаб турувчи кимётерапия муолажасини вақтини қисқаришига, ремиссия даври давомийлигини узайишига, бунинг натижасида эса беморларнинг ҳаёт сифатини яхшилаш имконини берган.