Парпиев Дониёр Хабибуллаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Ипни пишитишга тайёрлаш  технологиясининг пишитилган ип сифат кўрсаткичларига таъсири”, 05.06.02 – “Тўқимачилик материаллари технологияси ва хомашёга дастлабки ишлов бериш” ихтисослиги (техника фанлари бўйича).
Диссертация мавзуси рўйхатга олинган рақам:  №В2019.3.PhD/Т1345.
Илмий раҳбар: Мелибоев Умаржон Хайдарович техника фанлари номзоди, доцент.
Диссертация бажарилган муассаса номи: Наманган муҳандислик - технология институти.
ИК фаолият кўрсатаётган муассаса номи, ИК рақами: Наманган мухандислик-технология институти, PhD.03/30.12.2019.T.66.01
Расмий оппонентлар: Холиқов Қурбанали Мадаминович, техника фанлари доктори, профессор. Матисмаилов Сайпила Лолашбаевич, техника фанлари номзоди, доцент. 
Етакчи ташкилот: Андижон машинасозлик институти 
Диссертация йўналиши: амалий аҳамиятга молик.
II. Тадқиқотнинг мақсади ипни пишитишга тайёрлаш технологиясини такомиллаштириш асосида пишитилган ип сифатини яхшилашдан иборат.
III. Тадқиқотнинг илмий янгилиги қуйидагилардан иборат:
ипларни пишитишга тайёрлаш жараёнида пишитилган ип сифатини  оширишга самарали таъсир кўрсатувчи  асосий параметрлар мақбул қийматлари  ишлаб чиқилган;
қўшиб ўраш жараёнида ўрамдан чуваланиб олинаётган якка иплар ҳаракат қонуниятини назарий таҳлиллари асосида уларнинг стационар иш режимидаги таранглигини аниқлаш боғланишлари олинган;
пишитишга тайёрлашда жуфтланаётган якка ипларнинг таранглигини ўзаро тенглаштиришнинг назарий асослари орқали амалий жиҳатдан таранглик қийматини бошқаришга эришилган;
муайян сифат кўрсаткичларига эга жуфтланган ипларни ўраб олиш жараёнида тарангловчи қурилма билан ип йуналтиргич орасидаги ип таранглигини аниқлашнинг назарий боғланишлари олинган;
якка ипларни пишитишга тайёрлаш жараёни самарадорлигини баҳолашда пишитилган ипни ташкил этувчилари узунликларини  ўзаро таққослаш усули  такомиллаштирилган;
пишитилган ипга берилган бурамлар миқдори билан унинг бикрлик кўрсаткичлари орасидаги боғланишлари ишлаб чиқилган.
IV. Тадқиқот натижаларининг жорий қилиниши.
Тўқимачилик ипини пишитишга тайёрлаш технологиясини пишитилган ип сифат кўрсаткичларига таъсирини тадқиқот қилиш  асосида: 
бир босқичли, мураккаб структурали пишитилган иплар олиш учун ресурстежамкор янги тарангликни назорат килувчи қурилма Наманган шаҳридаги «Art soft Cluster Holding» МЧЖда жорий этилган («O’zto’qimachiliksanoat» уюшмасининг 2020 йил 20 ноябрдаги № 04/18-2735 сонли маълумотномаси).Натижада пишитилган ип ассортиментининг сифат кўрсаткичини 10-12 % га яхшиланишига, бир босқичда кўп қаватли иплар ишлаб чиқариш орқали технологик жараёнларни 1,5 баробар, чиқинди чиқишини 4,5% камайишига эришилган;
пишитилган иплар олиш учун ресурстежамкор янги тарангликни назорат килувчи технология Косонсой туманидаги «Komil Yashin» МЧЖ да жорий этилган («O’zto’qimachiliksanoat» уюшмасининг 2020 йил 20 ноябрдаги      №04/18-2735 сонли маълумотномаси). Натижада, пишитилган ип ишлаб чиқариш машиналари ва пишитилган иплардан олинган маҳсулотларни маҳаллий корхоналарда ишлаб чиқариладиган маҳсулотлар турини кўпайтириш имконини берган.