Алимов Расулхан Сарвархановичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Янги тўпловчи реагентларни қўллаш асосида мис-молибден маъданлари ва ОКМК бойитиш чиқиндиларини қайта ишлаш самарадорлигини ошириш», 04.00.14 – Фойдали қазилмаларни бойитиш (техника фанлари).
Диссертация мавзуси рўйхатга олинган рақам: В2020.4.PhD/T1930.
Илмий раҳбар: Абдурахмонов Сойиб Абдурахмонович, техника фанлари доктори, профессор.
Диссертация бажарилган муассаса номи: «Минерал ресурслар институти» ДМ.
ИК фаолият кўрсатаётган муассаса номи, ИК рақами: Навоий давлат кончилик институти, DSc.17/30.12.2019.T.06.01.
Расмий оппонентлар: Якубов Махмуджон Махаматжанович, техника фанлари доктори, профессор; Хужакулов Нурмурод Ботирович, техника фанлари бўйича фалсафа доктори (PhD).
Етакчи ташкилот: Миллий технологик тадқиқотлар университети «МИСиС»нинг Олмалиқ шаҳридаги филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади: янги тўпловчи реагентларни қўллаш асосида мис-молибден маъданлари ва флотацион бойитиш чиқиндиларини қайта ишлаш самарадорлигини ошириш усулларини ишлаб чиқишдан иборат.
III. Тадқиқотнинг илмий янгилиги:
илк бор сланец смоласини қўллаб мис-молибден маъданларини ва ОКМК мис бойитиш фабрикаси чиқиндиларини флотациялаш технологиясининг янги реагент режимлари ишлаб чиқилган;
маҳаллий хом-ашёдан олинган реагент – сланец смоласи асосида мис-молибден маъданлари ва чиқиндиларини флотациялаш параметрлари яхшиланди ва маъданларни ва чиқиндиларни флотациялаш жараёнида реагентларнинг мақбул сарфи аниқланган;
мис-молибден маъданларини бойитиш чиқиндиларини фойдали равишда саноатда қайта ишланишига тўсиқ бўлувчи асосий омиллари аниқланган;
мис, молибден, олтин ва бошқа металларнинг мис-молибден маъданилари ва чиқиндиларидан сланец смоласини қўллаб ажратишнинг физик-кимёвий шароити аниқланган;
бой таркибга эга ва юқори сифатли тўпловчи реагент сифатида намоён бўлувчи сланец смоласи каби маҳаллий хом ашёдан фойдаланиш принципиал имкониятлари асосланган.
IV. Тадқиқот натижаларининг жорий қилиниши.
Янги тўпловчи реагентлардан фойдаланиб мис-молибден хом ашёларни флотациялашнинг янги реагент режимини яратиш бўйича олинган илмий натижалар асосида:
сланец смоласини қўллаб мис-бойитиш фабрикаси бойитиш чиқиндиларидан фойдали бирикмаларни флотациялаш усули «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати» АЖнинг 2020 йил 4 ноябрдаги АС-008544-сон маълумотномаси). Натижада, бойитиш чиқиндиларини қайта ишлаш давомида ушбу технологик режимни қўллаш ёрдамида кондицион коллектив бойитма олиш имконини берган;
бойитиш чиқиндиларини қайта ишлаш технологик режими «Олмалиқ кон-металлургия комбинати» АЖнинг мис бойитиш фабрикасида амалиётга жорий этилган («Олмалиқ кон-металлургия комбинати» АЖнинг 2020 йил 4 ноябрдаги АС-008544-сон маълумотномаси). Натижада, чиқиндилардан таркибида 16,5% мис ва 0,25% молибден бўлган коллектив бойитма олиш ва қўшимча равишда таркибида 43,0% Sсульфид. бўлган пирит бойитмаси олиш имконини берган.