Бобожонов Хикмат Шавкатовичнинг
фалсафа доктори (PhD) диссертация ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Иммобилланган оксиазореагентлар билан қўрғошин ва рух ионларини сорбцион-спектроскопик аниқлаш усулларини ишлаб чиқиш», 02.00.02 – Аналитик кимё (кимё фанлари).
Диссертация мавзуси рўйхатга олинган рақам: В2020.4.PhD/К324.
Илмий раҳбар: Усманова Хилола Уматалиевна, кимё фанлари номзоди, доцент.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.K.01.03.
Расмий оппонентлар: Абдурахманов Эргашбой, кимё фанлари доктори, профессор; Яхшиева Зухра Зиятовна, кимё фанлари доктори, доцент.
Етакчи ташкилот: Тошкент фармацевтика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: атроф-муҳит объектларида қўрғошин ва рух ионларини аниқлашнинг сезгирлиги, селективлиги ва аниқлиги юқори бўлган сорбцион-люминесцент усулларини ишлаб чиқишдан иборат.
III. Тадқиқотнинг илмий янгилиги:
қўрғошинни аниқлаш учун янги люминесцент реагент сифатида эриохром кўк-қора R ва рухни аниқлаш учун эриохром қизил В лиги аниқланган;
эриохром кўк-қора R ва эриохром қизил В ни турли хил ташувчиларга иммобиллашнинг имкониятлари ўрганилди ва эриохром қизил В ни декстраннинг полимер гели Molselect G-15 га ва эриохром кўк-қора R ни Sephadex G-25 га иммобиллашнинг оптимал шароитлари ва механизми топилган; 
иммобилланган эриохром кўк-қора R ва эриохром қизил В ни фотопротолитик хоссалари топилган;
иммобилланган эриохром кўк-қора R ва эриохром қизил В ёрдамида қўрғошин ва рухни аниқлашда самарали натижа кўрсатди. Қўрғошин ва рухни қаттиқ фазали-люминесцент аниқлаш учун янги реагент-ташувчи системалари аниқланган.
IV. Тадқиқот натижаларининг жорий қилиниши: 
Ишлаб чиқилган иммобилланган оксиазореагентлар билан қўрғошин ва рух ионларини люминесцент аниқлаш усули бўйича олинган илмий натижалар асосида:
иммобилланган органик реагентлар ёрдамида рух ионларини аниқлашнинг сорбцион-флуориметрик усули «Олмалиқ кон-металлургия комбинати» АЖнинг Марказий аналитик лабораториясида амалиётга жорий қилинган («Олмалиқ кон-металлургия комбинати» АЖнинг 2020 йил 27 октябрдаги маълумотномаси). Натижада, оқава сувларда рух ионини аниқлаш имконини берган; 
рух ва қўрғошин ионларини аниқлаш ва ажратиш усули «Муборак газни қайта ишлаш заводи» УШКнинг Марказий лабораториясида амалиётга жорий қилинган («Муборак газни қайта ишлаш заводи» УШКнинг 2021 йил 20 январдаги 36/GK-01-21-сон маълумотномаси). Натижада, оқава сувлар таркибидаги қўрғошин ва рух ионларини аниқлаш ҳамда самарали тозалаш имконини берган.