Мирадуллаева Гавхар Бакпулатовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Гетерокомпозит полимер қуйма материаллар ва қопламаларнинг реологик параметрлари хамда технологик хоссаларини  тадқиқ этиш» 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси ихтисослиги (техника фанлари).
Диссертация мавзуси рўйхатга олинган рақам: B2020.3.PhD/T593.
Илмий раҳбар: Зиямухамедова Умида Алижоновна, техника фанлари доктори, профессор.
Диссертация бажарилган муассаса номи: И.Каримов номидаги Тошкент давлат техника университети.
ИК фаолият кўрсатаётган муассаса (муассасалар) номи: Тошкент давлат транспорт университети, DSc.l5/27.02.2020.T.73.02.
Расмий оппонентлар: Курбанов Миртемир Шодиевич, техника фанлари доктори, профессор; Абдурахмонов Умарбек, физика-математика фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: гетерокомпозит полимер  қуйма  материаллар  ва   қопламаларнинг реологик параметрлари хамда  технологик хоссаларини  тадқиқ этиш, таркиби ва технологиясини такомиллаштиришдан иборат.
III. Тадқиқотнинг илмий янгилиги:
активацион - гелиотехнология усулида олинган гетерокомпозит полимер  қопламаларни реологик хусусиятларини структура шакилланишига таъсири аниқланган;
структура шакллантирувчи компонентнинг талаб этилган таркиби ва қуёш энергиясининг иссиқлик таъсирини гетерокомпозит материаллар ва қопламаларнинг реологик хоссаларига полимер аралашмасининг қовушқоклигини ўзгариши натижасида оқувчанлигини ошиши туфайли структура шакилланиш жараёнида молекулаларнинг функционал гурухларининг  ориентацияси бир текис тақсимланиши  исботланган;
АКТ-10 ва АКС-30 ҳамда структура модификатори госсипол смоласининг миқдори ошиши гел хосил бўлиш жараёнини вақтини камаишига ва тўлдирувчининг структура шакилланишига фаол таъсири натижасида қопламаларнинг қалинлигини ортишига олиб келиши билан изохланган;
гетерокомпозитли аралашмаларнинг реологик хусусиятларидан келиб чиққан ҳолда, АКТ-10 ва АКС-30 минерал тўлдирувчиларининг кимёвий таркиби, кимёвий структура шакиллантирувчи модификатор-гассипол смоласининг ва боғловчи ЭД-20 нинг функционал фаол гурухларининг қуёш нури таъсирида структураланиш механизми аниқланган; 
листли конструкцион материаллар юзасида қоплаш учун кимёвий структуравий модификаторнинг керакли миқдори 6-10 мас.ч,  йирик ўлчамли мураккаб конфигурацияли технологик жихозлар учун 8-12 мас.ч. экани аниқланган;
йирик ўлчамли мураккаб конфигурацияли технологик жихозлар конструкцион материаллари иш юзаларини қоплаш учун махаллий хомашёлардан фойдаланиб гетерокомпозит полимер  материаллар асосида қопламалар таркиби такомиллаштирилиб, реологик хусисиятларидан келиб чиқган холда уларни қўллаш усуллари ишлаб чиқилган.
IV. Тадқиқот натижаларининг жорий қилиниши.
Гетерокомпозит полимер  қуйма  материаллар  ва   қопламаларнинг реологик параметрлари хамда  технологик хоссаларини  тадқиқ этиш, таркибларини такомиллаштириш бўйича олинган илмий натижалар асосида:
пахтани бирламчи қайта ишлаш технологик жихозларининг ишчи сиртлари учун антифрикцион қопламаларнинг оптимал таркиблари «QORASUV PAXTA TOZALASH» АЖда амадиётга жорий этилган («O’ZPAXTASANOAT» АЖ нинг 2020 йил 18 июндаги 03-18/1851-сон маълумотномаси). Натижада шнекли ва пневмотранспортёрларнинг иш унумдорлиги  10-12%  га ошириш имконини берган;
таркиби такомиллаштирилган гетерокомпозит полимер  қуйма  материаллар  ва қопламаларнинг реологик хусусиятларини тартибга солиш орқали активацион-гелиотехнология усули «QORASUV PAXTA TOZALASH» АЖда амалиётга жорий этилган («O’ZPAXTASANOAT» АЖ нинг 2020 йил 18 июндаги 03-18/1851-сон маълумотномаси). Натижада олинган гетерокомпозит қопламаларининг қўлланилиши технологик жихозларнинг ишлаш муддатини 1,3-1,5 баробар ошириш имконини берган;
 яратилган антифрикцион - ейилишбардош гетерокомпозит полимер материал ва қопламалар «QORASUV PAXTA TOZALASH» АЖда амалиётга жорий этилган («O’ZPAXTASANOAT» АЖ нинг 2020 йил 18 июндаги 03-18/1851-сон маълумотномаси). Натижада технологик жараённинг шовқин даражасини 2-3 баравар камайтириш имконини берган.