Алматов Илхомжон Мирзабек ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ёнувчи сланец маъдани кулидан қимматбахо компонентларни комплекс ажратиб олиш технологиясини ишлаб чиқиш», 04.00.14 – Фойдали қазилмаларни бойитиш (техника фанлари).
Диссертация мавзуси рўйхатга олинган рақам: В2020.4.PhD/T1931.
Илмий раҳбар: Сагдиева Муяссар Ғайбуллаевна, биология фанлари доктори, профессор.
Диссертация бажарилган муассаса номи: «Минерал ресурслар институти» ДМ.
ИК фаолият кўрсатаётган муассаса номи, ИК рақами: Навоий давлат кончилик институти, DSc.17/30.12.2019.T.06.01.
Расмий оппонентлар: Муҳиддинов Баходир Фахриддинович, кимё фанлари доктори, профессор; Қурбонов Шамшиддин Камолдинович, техника фанлари номзоди, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Актау, Сангрунтау ва Бойсун конлари ёнувчи сланец маъдани кулидан қимматбаҳо компонентларни комплекс равишда ажратиб олиш технологиясини ишлаб чиқишдан иборат.
III. Тадқиқотнинг илмий янгилиги:
янги технологик схема ёнувчи сланец маъдани кулини олишда иссиқлик билан ишлов бериш (пиролиз) жараёнига хлорид натрийнинг қўшилиши оптимал режими ишлаб чиқилган;
илк бор ёнувчи сланецни иссиқлик билан ишлов бериш (пиролиз) жараёнига хлорид натрийнинг қўшилиши билан ёнувчи сланец кулидан сульфат кислотаси ёрдамида рангли, нодир металларни ва камёб ер элементларини (КЕЭ) ажратиб олиниши кўпайиши аниқланган;
сульфат кислотасидан фойдаланган ҳолда гидрометаллургик жараёнларнинг оптимал параметрлари (эритмага ўтказиш, сорбция) аниқланган;
ёнувчи сланец маъдани кулини комплекс қайта ишлаш янги технологияси ишлаб чиқилган ҳамда қимматбаҳо металларни ва КЕЭнинг ажратиб олиниши аниқланган.
IV. Тадқиқот натижаларининг жорий қилиниши.
Ёнувчи сланец маъданлари кулини комплекс қайта ишлаш технологиясини ишлаб чиқиш бўйича олинган илмий натижалар асосида:
яратилган ёнувчи сланец маъданлари кулидан қимматбаҳо таркибий қисмларни умумий ажратиб олиш технологияси «Epsilon development company» МЧЖ ХКнинг амалиётига жорий этилган («Epsilon development company» МЧЖ ХКнинг 2020 йил 29 октябрдаги 12/1НА-2108-сон маълумотномаси). Натижада, яратилган технология Сангрунтау кони ёнувчи сланецини қайта ишлашда ДТИА лойиҳасининг иқтисодий кўрсаткичларини ошириш имконини берган;
мураккаб таркибли ёнувчи сланец маъданига натрий хлор қўшиб иссиқлик билан ишлов бериш (пиролиз) жараёнидан кейин қолдиқ кулига кейинчалик сулфат кислотали қайта ишлаш технологияси «Epsilon development company» МЧЖ ХКда амалиётга жорий этилган («Epsilon development company» МЧЖ ХКнинг 2020 йил 29 октябрдаги 12/1НА-2108-сон маълумотномаси). Натижада, Сангрунтау кони ёнувчи сланец маъданидан нефт қисмини, қимматли таркибий қисмларини ажратиб олиш имконини берган.