Гаипова Нодира Нигматиллаевнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўсимлик хомашёси асосида яллиғланишга қарши таъсирли стоматологик гел технологияси», 15.00.01 – Дори технологияси (фармацевтика фанлари).
Диссертация мавзуси рўйхатга олинган рақам: В2018.1.PhD/Far36.
Илмий раҳбар: Кариева Ёкут Саидкаримовна, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Тўхтаев Хаким Рахманович, фармацевтика фанлари доктори, профессор; Маматханова Мунирахон Ахматхон қизи, техника фанлари номзоди. 
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: яллиғланишга қарши таъсирга эга «Фитоинфлам» қуруқ экстрактини олиш ва унинг асосида стоматологик гел дори шакли технологиясини ишлаб чиқишдан иборат. 
III. Тадқиқотнинг илмий янгилиги:
илк бор оддий эман, доривор мойчечак ва ит тиканак хом ашёларидан қуруқ экстрактни олиш технологияси ишлаб чиқилган, экстракция жараёнининг мақбул шароитлари аниқланган;
«Фитоинфлам» қуруқ экстрактининг юқори гигроскопиклик даражаси, бой элемент ва аминокислотали таркиби аниқланган; 
«Фитоинфлам» қуруқ экстракти асосида гел дори шаклининг таркиби танланган ва уни олишнинг мақбул технологияси ишлаб чиқилган;
«Фитоинфлам» қуруқ экстракти ва унинг асосидаги гел дори шаклининг сифат меъёрлари ишлаб чиқилган;
«Фитоинфлам» қуруқ экстракти асосидаги гелнинг структура-механик хоссаларини аниқлаш натижасида у деформация кучлари қўлланилганидан сўнг қайта тикланиш хусусиятига эга тиксотроп тизим эканлиги ҳамда харорат ошиши ушбу кўрсаткичлар камайишига олиб келиши исботланган;
«Фитоинфлам» қуруқ экстракти ва гел дори шакли кўринишидаги препаратнинг яллиғланига қарши фаоллиги ва безарарлиги аниқланган.
IV. Тадқиқот натижаларининг жорий қилиниши.
Ўсимлик хомашёси асосида яллиғланишга қарши таъсирли стоматологик гел технологиясини ишлаб чиқиш бўйича олинган илмий натижалар асосида: 
«Фитоинфлам» қуруқ экстракти учун «MAKRO FARM ANDIJAN» МЧЖ билан ҳамкорликда  корхона фармакопея мақоласининг лойиҳаси «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУКга рўйхатдан ўтказиш тақдим этилган («Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУКнинг 2020 йил 9 октябрдаги 29/01-385-сон ва Соғлиқни сақлаш вазирлигининг 2018 йил 15 октябрдаги 8н-3/280-сон хатлари). Натижада, корхона фармакопея мақоласининг тасдиқланиши маҳаллий хомашёлар асосида яллиғланишга қарши стоматологик дори воситасини ишлаб чиқиш имконини беради;
«Фитоинфлам» қуруқ экстракти учун тажриба саноат регламенти «MAKRO FARM ANDIJAN» МЧЖ билан ҳамкорликда ишлаб чиқилган ва тасдиқланган (ОПР-42 Уз-03873/04610617-1097-2020). Мазкур ҳужжатининг тасдиқланиши натижасида яллиғланишга қарши дори воситаси учун меъёрий хужжатларни ўрнатилган тартибда ишлаб чиқилиши ва рўйхатга олиниши таъминланган;
ўтказилган  клиник олди синовлар натижасида «Фитоинфлам» қуруқ экстракти ва унинг асосидаги гел учун специфик фармакологик фаоллиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада, яллиғланишга қарши ишончли фаолликга эга ва безарар дори воситаларни ишлаб чиқариш имконини берган.