Artikov Dilmurod Raxmatillaevichning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Idoraviy normativ-huquqiy hujjatni haqiqiy emas deb topish to‘g‘risidagi ishlarni sudda ko‘rishning ma’muriy-huquqiy jihatlari”, 12.00.02. – Konstitusiyaviy huquq. Ma’muriy huquq. Moliya va bojxona huquqi(yuridik fanlar).
Dissertatsiya mavzusi ro‘yxatga olingan raqam: B2020.3.PhD/Yu398
Ilmiy rahbar: Nematov Jo‘rabek Nematilloevich, yuridik fanlar doktori, dotsent.
Dissertatsiya bajarilgan muassasa nomi: Toshkent davlat yuridik universiteti.
IK faoliyat ko‘rsatayotgan muassasa nomi, IK raqami: Toshkent davlat yuridik universiteti, DSc.07/30.12.2019. Yu.22.02.
Rasmiy opponentlar: Otaxonov Foziljon Xaydarovich, yuridik fanlar doktori, professor;Xojiev Erkin Tuyg‘unovich, yuridik fanlar nomzodi, dotsent.
Yetakchi tashkilot: O‘zbekiston Respublikasi Sud`yalar oliy kengashi huzuridagi Sud`yalar oliy maktabi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi O‘zbekiston Respublikasida idoraviy normativ-huquqiy hujjatni sud tomonidan haqiqiy emas deb topishning ma’muriy-huquqiy jihatlarini takomillashtirish bo‘yicha taklif va tavsiyalar ishlab chiqishdan iborat.
III. Tadqiqotning ilmiy yangiligi:
texnik jihatdan tartibga solish sohasidagi vazirliklar va idoralar tomonidan qabul qilingan normativ hujjatlar Adliya vazirligida majburiy tartibda huquqiy ekspertizadan o‘tkazilishi zarurligi asoslangan;
idoraviy normativ-huquqiy hujjatlarda jismoniy va yuridik shaxslar uchun qo‘shimcha to‘lov va yig‘imlarni belgilaydigan, ortiqcha ma’muriy va boshqa cheklashlarni nazarda tutadigan, ruxsat berish xususiyatiga ega bo‘lgan huquqiy normalarning kiritilishi mumkin emasligi asoslab berilgan;
idoraviy normativ-huquqiy hujjat yuzasidan nizolashish to‘g‘risidagi ishlarni ko‘rib chiqishda O‘zbekiston Respublikasi Vazirlar Mahkamasining qarorlari, vazirliklar, davlat qo‘mitalari va idoralarning individual xarakterdagi buyruqlari, mahalliy davlat hokimiyati organlarining individual xarakterdagi qarorlari yuzasidan nizolashish to‘g‘risidagi ishlar O‘zbekiston Respublikasi Oliy sudiga taalluqli emasligi asoslab berilgan;
idoraviy normativ-huquqiy hujjat yuzasidan nizolashish to‘g‘risidagi ishlarda sud tomonidan Adliya vazirligidan dalil sifatida idoraviy normativ-huquqiy hujjatni huquqiy ekspertizadan o‘tganligi to‘g‘risida ma’lumot va davlat reestriga idoraviy normativ-huquqiy hujjatning o‘z kuchini yo‘qotganligi haqida kiritilgan ma’lumotni talab qilib olish mumkinligi asoslangan.
IV. Tadqiqot natijalarining joriy qilinishi.
Idoraviy normativ-huquqiy hujjatni haqiqiy emas deb topish to‘g‘risidagi ishlarni sudda ko‘rishning ma’muriy-huquqiy jihatlaribo‘yicha olingan ilmiy natijalar asosida:
texnik jihatdan tartibga solish sohasidagi vazirliklar va idoralar tomonidan qabul qilingan normativ hujjatlar Adliya vazirligida majburiy tartibda huquqiy ekspertizadan o‘tkazilishi haqidagi taklif O‘zbekiston Respublikasi Vazirlar Mahkamasining 2020 yil 12 avgustdagi 484-son qarori bilan tasdiqlangan «O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining «Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari to‘g‘risida» 2020 yil 19 maydagi PF-5997-son farmoni)»gi qarori ilovasining 1-band «a» kichik bandida o‘z aksini topgan (O‘zbekiston Respublaksi Vazirlar Mahkamasining Yuridik ta’minlash boshqarmasining 2020 yil 4 noyabrdagi 12/20-18-son ma’lumotnomasi). Ushbu taklifning amalga oshirilishi vazirliklar va idoralar tomonidan qabul qilinadigan texnik jihatdan tartibga solish sohasidagi normativ hujjatlarda fuqarolar va yuridik shaxslar huquqlarini buzadigan qoidalar bo‘lishining oldini olishga xizmat qilgan;
idoraviy normativ-huquqiy hujjatlarda jismoniy va yuridik shaxslar uchun qo‘shimcha to‘lov va yig‘imlarni belgilaydigan, ortiqcha ma’muriy va boshqa cheklashlarni nazarda tutadigan, ruxsat berish xususiyatiga ega bo‘lgan huquqiy normalar kiritilishi mumkin emasligi haqidagi taklif O‘zbekiston Respublikasi Vazirlar Mahkamasining 2020 yil 12 avgustdagi 484-son qarori bilan tasdiqlangan «O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining «Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari to‘g‘risida» 2020 yil 19 maydagi PF-5997-son farmoni)»gi qarori ilovasining 1-band «b» kichik bandida o‘z aksini topgan (O‘zbekiston Respublaksi Vazirlar Mahkamasining Yuridik ta’minlash boshqarmasining 2020 yil 4 noyabrdagi 12/20-18-son ma’lumotnomasi). Ushbu taklifning amalga oshirilishi idoraviy normativ-huquqiy hujjatlarga qo‘shimcha to‘lov va yig‘imlarni belgilaydigan va ruxsat berish xususiyatiga ega bo‘lgan huquqiy normalar kiritilishi ta’qiqlanishiga xizmat qilgan;
idoraviy normativ-huquqiy hujjat yuzasidan nizolashish to‘g‘risidagi ishlarni ko‘rib chiqishda O‘zbekiston Respublikasi Vazirlar Mahkamasining qarorlari O‘zbekiston Respublikasi qonunlari, O‘zbekiston Respublikasi Prezidenti farmonlari, qarorlari va farmoyishlariga, vazirliklar, davlat qo‘mitalari va idoralarning individual xarakterdagi buyruqlari O‘zbekiston Respublikasi qonunlari, O‘zbekiston Respublikasi Prezidenti farmonlari, qarorlari va farmoyishlari, O‘zbekiston Respublikasi Vazirlar Mahkamasi qarorlariga, mahalliy davlat hokimiyati organlarining individual xarakterdagi qarorlarining O‘zbekiston Respublikasi qonunlari, O‘zbekiston Respublikasi Prezidenti farmonlari, qarorlari va farmoyishlari, O‘zbekiston Respublikasi Vazirlar Mahkamasi qarorlariga muvofiqligi Oliy sud sudloviga taalluqli emasligi bo‘yicha taklif «Idoraviy normativ-huquqiy hujjatni haqiqiy emas deb topish» nomli uslubiy qo‘llanmaning 2-paragraf 3-xatboshisini ishlab chiqishda foydalanilgan (O‘zbekiston Respublikasi Oliy sudining 2020 yil 12 oktyabrdagi 11-54-20-son ma’lumotnomasi). Ushbu taklifning amalga oshirilishiO‘zbekiston Respublikasi Oliy sudiga taalluqli bo‘lgan ishlarni belgilashga xizmat qilgan;
idoraviy normativ-huquqiy hujjat yuzasidan nizolashish to‘g‘risidagi ishlarda sud tomonidan Adliya vazirligidan dalil sifatida idoraviy normativ-huquqiy hujjatni huquqiy ekspertizadan o‘tganligi to‘g‘risida ma’lumot va davlat reestriga idoraviy normativ-huquqiy hujjatning o‘z kuchini yo‘qotganligi haqida kiritilgan ma’lumotni talab qilib olish mumkinligi haqidagi taklif «Idoraviy normativ-huquqiy hujjatni haqiqiy emas deb topish» nomli uslubiy qo‘llanmaning 2-paragraf 9-xatboshisini ishlab chiqishda foydalanilgan (O‘zbekiston Respublikasi Oliy sudining 2020 yil 12 oktyabrdagi 11-54-20-son ma’lumotnomasi). Ushbu taklifning amalga oshirilishi Adliya vazirligining javobgar sifatida jalb qilingandataqdim etishi lozim bo‘lgan dalillar doirasini belgilashga xizmat qilgan.
