Тошниёзов Лазизжон Голиб ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Портлатиш қудуқларини бурғилаш учун энерготежамкор шарошкали бурғилаш асбобларини яратиш ва моделлаштириш», 04.00.16 – Кончилик машиналари (техника фанлари).
Диссертация мавзуси рўйхатга олинган рақам: B2020.4.PhD/Т672. 
Илмий раҳбар: Тошов Жавохир Буриевич, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Миллий технологик тадқиқотлар университети «МИСиС»нинг Олмалиқ шаҳридаги филиали, DSc.22/30.12.2019.Т.98.01. 
Расмий оппонентлар: Рахутин Максим Григорьевич, техника фанлари доктори, профессор; Махмудов Азамат Махмудович, техника фанлари номзоди, доцент.
Етакчи ташкилот: “Олмалиқ кон-металлургия комбинати” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: бурғилаш долоталарининг энерготежамкор шарошкали турини моделлаштириш усулида яратиш ва долота шарошкасининг перифирик тожидаги тишларнинг жойлашувини такомиллаштиришдан иборат.
III. Тадқиқотнинг илмий янгилиги:
математик ва рақамли моделлаштириш усуллари асосида лойиҳалаш муаммоларини оптималлаштириш йўллари такомиллаштирилган;
математик модел асосида бурғилаш долотаси элементларининг тоғ жинси билан ўзаро таъсиридаги физик жараённинг динамикасини баҳолаш учун муҳитнинг кучланганлик ҳолатини аниқлаш имконини берадиган деформация, деформация тезлиги ва ҳароратга боғлиқ тенгламани аналитик ечиш усули ишлаб чиқилган;
периферик тожлардаги ёлғиз жойлашган тишларга нисбатан жуфт жойлашган тишлар маълум чуқурликни 1,1–1,5 марта тезроқ босиб ўтиши аниқланган;
бурғилаш долотасининг тоғ жинси билан ўзаро таъсир қилиш жараёнини комплекс тадқиқотлар орқали рақамли моделлаштириш усулидан фойдаланиш дастлабки лойиҳалаш босқичида конструктив моделнинг заиф томонларини аниқлаш ва йўқ қилишга имкон бериши аниқланган;
портлатиш қудуқларни бурғилашда тоғ жинсларини парчаловчи асбобнинг чидамлилигини таъминлайдиган, долота шарошкасининг периферик ва периферик остида жойлашган жуфт тишли уч шарошкали бурғилаш долотасининг янги конструкцияси ишлаб чиқилган.
IV. Тадқиқот натижаларининг жорий қилиниши. 
Очиқ усулда қазиб олишда портлатиш қудуқларини бурғилашда тоғ жинсларини парчаловчи асбобларни тишлар билан жиҳозлантиришни оптималлаштириш бўйича олинган илмий натижалар асосида:
энергия тежамкор уч шарошкали бурғилаш долотасини яратиш услуби «Навоий кон-металлургия комбинати» ДК Марказий кон бошқармасининг Мурунтау карьерида жорий қилинган («Навоий кон-металлургия комбинати» ДКнинг 2020 йил 27 ноябрдаги 02-06-07/12473-сон маълумотномаси). Натижада, уч шарошкали бурғилаш долотаси билан портлатиш қудуқларини бурғилашда бурғилашнинг ўртача тезлиги саноат долоталарига нисбатан 
1,1–1,5 баравар ортиш ва тоғ жинсини парчалаш энергия ҳаражатини 1,1–1,3 баравар камайтириш имконини берган;
ишлаб чиқилган бурғилаш долотасининг конструкцияси «Навоий кон-металлургия комбинати» ДК Марказий кон бошқармасининг Мурунтау карьерида жорий қилинган («Навоий кон-металлургия комбинати» ДКнинг 2020 йил 27 ноябрдаги 02-06-07/12473-сон маъумотномаси). Натижада, бурғилаш долоталарини импорт билан алмаштиришни таъминлаш ва бурғилаш ускуналарининг унумдорлиги ва иқтисодий самарадорлигини ошириш имконини берган.