Кадиров Вохид Рахимовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Чуқур карьер бортлари турғунлигининг геомеханик ҳолатини тадқиқ қилиш», 04.00.10 – Геотехнология (очиқ, ер ости ва қурилиш) (техника фанлари).
Диссертация мавзуси рўйхатга олинган рақам: В2020.3.PhD/Т1791. 
Илмий раҳбар: Махмудов Дилмурод Рахматжонович, техника фанлари бўйича фалсафа доктори (PhD), доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Миллий технологик тадқиқотлар университети «МИСиС»нинг Олмалиқ шаҳридаги филиали, DSc.22/30.12.2019.Т.98.01. 
Расмий оппонентлар: Заиров Шерзод Шарипович, техника фанлари доктори, профессор; Рахимов Дийдор Вахобович, техника фанлари номзоди;
Етакчи ташкилот: «Олмалиқ кон-металлургия комбинати» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кончилик ишларини олиб боришнинг самарадорлиги ва хавфсизлигини таъминлашда математик моделлаштириш асосида чуқур карьерлар бортлари турғунлигининг геомеханик ҳолатини бошқариш усулларини такомиллаштиришдан иборат.
III. Тадқиқотнинг илмий янгилиги:
интенсив равишда бурғилаш ва портлатиш ишларини олиб бориш, кон массиви тузилишининг бузилишига олиб келиши асосланган;
Мурунтау карьерида қазиб олиш ишларининг чуқурлашиб бориши натижасида, Жанубий бортда деформация зонаси аниқланган;
борт баландлиги 1000 м ва асосий қиялик бурчагининг ўзгариши 33° дан 30° гача бўлганда, тоғ жинсининг тортишиш кучи ва ички ишқаланиш бурчаги 15,97МПа ва 39,87° ўлчамларга мос равишда бўлиши аниқланган;
1000 м гача бўлган чуқурликда кончилик ишларини олиб бориш, хафвсизлик шароитини яратиб берувчи карьер бортлари ва поғоналар ўлчамлари асосида Мурунтау кони учун математик ва геомеханик модель ишлаб чиқилган.
IV. Тадқиқот натижаларининг жорий қилиниши. 
Чуқур карьер бортлари турғунлигининг геомеханик ҳолатини тадқиқи қилиш бўйича олинган илмий натижалар асосида:
карьер поғонасидаги қулаш призмасининг ўлчамларини аналитик ҳисоблашда «Ustoi» комплекс дастури ВНИМИнинг кучларни алгебраик жамлаш усулини автоматлаштирилганлиги «O’zGEORANGMETLITI» давлат унитар корхонаси амалиётида жорий этилган (Ўзбекистон Республикаси Давлат геология ва минерал ресурслар қўмитасининг 2020 йил 4 декабрдаги 10/13-сон маълумотномаси). Натижада, тоғ жинси массивининг тўғри чизиқли сусайиши бўйича борт турғунлигини баҳолаш имконини берган;
чуқур карьер бортининг турғунлик ҳолатини сақлаш учун кучларни алгебраик жамлаш усули «O’zGEORANGMETLITI» давлат унитар корхонаси амалиётида жорий этилган (Ўзбекистон Республикаси Давлат геология ва минерал ресурслар қўмитасининг 2020 йил 4 декабрдаги 10/13-сон маълумотномаси). Натижада, ишлаб чиқилган усул кончилик ишларини хавфсиз олиб боришни, кончилик ускуналари ва муҳандислик ишноотларини асраш имконини берган.