Амонова Дилноза Мухтаровнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Галактоманнанлар асосида ўсмага қарши фаолликка эга макромолекуляр тизимлар синтези ва тадқиқи», 02.00.10 – Биоорганик кимё (кимё фанлари).
Диссертация мавзуси рўйхатга олинган рақам: В2019.3.PhD/K239.
Илмий раҳбар: Тураев Аббасхан Сабирханович, кимё фанлари доктори, профессор, академик.
Диссертация бажарилган муассаса номи: Биоорганик кимё институти.
ИК фаолият кўрсатаётган муассаса номи, ИК рақами: Биоорганик кимё институти, DSc.02/30.12.2019.K/В.37.01.
Расмий оппонентлар: Зиявитдинов Жамолитдин Фазлитдинович, кимё фанлари доктори, катта илмий ходим; Рамазонов Нурмурод Шералиевич, кимё фанлари доктори, профессор. 
Етакчи ташкилот: Ўзбекистон кимё-фармацевтика илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: галактоманнанларнинг модификацияланган ҳосилаларини олиш, улар асосида цитотоксик бирикмалар тутган, ўсма ҳужайраларига йўналтирилган таъсирга эга макромолекуляр тизимлар синтез қилиш ва биологик фаолликларини аниқлашдан иборат. 
III. Тадқиқотнинг илмий янгилиги:
галактоманнанларни радикал деполимерлаш реакциясида мақбул реакция шароитлари ва асосий полиманнан занжирининг селектив парчаланиши аниқланган;
галактоманнан олигосахаридларининг тозил ҳосилалари ва улар орқали амин боғлари билан боғланган, таркибида цитотоксик бирикмалар тутган макромолекуляр тизимлар олишнинг мақбул реакция шароитлари исботланган; 
галактоманнан олигосахаридларининг диальдегид ҳосилалари ва улар орқали азометин боғлари билан боғланган, таркибида цитотоксик бирикмалар тутган макромолекуляр тизимлар синтез қилинган ва уларнинг тузулиши физик-кимёвий усуллар ёрдамида исботланган;
галактоманнанлар асосидаги макромолекуляр тизимларнинг ўсмага қарши биологик фаолликлари, фармако-токсикологик хусусиятлари, структура-фаоллик ўзаро боғлиқликлари аниқланган. 
IV. Тадқиқот натижаларининг жорий қилиниши.
Галактоманнанлар асосида ўсмага қарши фаолликка эга макромолекуляр тизимлар синтези бўйича олинган илмий натижалар асосида:
галактоманнанлар асосидаги макромолекуляр тизимларнинг олиниш усуллари ва олинган намуналардан Хитой Фанлар академияси, Шинжон физика ва кимё-техника институти “International Science and Technology Center Projects” лойиҳасида турли ўсмаларга қарши фаолликларни аниқлашда фойдаланилган (Хитой Фанлар академияси, Шинжон физика ва кимё-техника институти маълумотномаси). Натижада, полисахаридлар ҳосилаларининг ўсмага қарши фаоллик механизмларини аниқлаш имконини берган;
синтез қилиб олинган галактоманнанлар асосидаги ўсмага қарши макромолекуляр тизимлардан А11-Т019 рақамли “Изофлавононлар билан бойитилган соя оқсилини олиш технологиясини яратиш” лойиҳасида “Биокор” препаратининг in vivo ва in vitro шароитда биологик фаоллигини аниқлашда назорат препарати сифатида фойдаланилган (Ўзбекистон Республикаси Фанлар академиясининг 2020 йил 2 декабрдаги 4/1255-2709-сон маълумотномаси). Натижада, “Биокор” препаратининг биологик фаоллигини бошқа препаратлар билан таққослаш имконини берган.