Ҳасанов Шуҳрат Шавкатовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): ««Бакуловирус/ҳашарот ҳужайраси» экспрессия тизимида MIS - (мюллер ингибирловчи субстанцияси) оқсилини экспрессиялаш», 03.00.12 – Биотехнология, 02.00.10 – Биоорганик кимё (биология  фанлари).
Диссертация мавзуси рўйхатга олинган рақам: В2019.4.PhD/B418.
Илмий раҳбарлар: Азимова Шахноз Садыковна, биология фанлари доктори, профессор;    Сасмаков Собирджан Анарматович,  кимё фанлари номзоди, катта илмий ходим.
Диссертация бажарилган муассаса номи: Ўсимлик моддалари кимёси институти. 
ИК фаолият кўрсатаётган муассаса номи, ИК рақами: Микробиология институти ҳузуридаги DSc.02/30.12.2019.В.38.01 рақамли илмий кенгаш асосидаги бир марталик илмий кенгаш. 
Расмий оппонентлар: Исмаилов Зафар Файзуллаевич, биология фанлари доктори; Муҳамедов Рустам Султанович, биология фанлари доктори, профессор.
Етакчи ташкилот: Биоорганик кимё институти.   
Диссертация йўналиши: назарий ва амалий аҳамиятга молик.
II. Тадқиқотнинг мақсади: Bombyx mori бакуловирус/ҳашарот ҳужайралари экспрессия тизимида рекомбинант MIS - (Мюллер ингибирловчи субстанцияси) оқсилини экспрессиялашдан иборат.
III. Тадқиқотнинг илмий янгилиги:
илк бор Bombyx mori бакуловирус/ҳашарот ҳужайраларида MIS - Мюллер ингибирловчи субстанциясини кодловчи янги рекомбинант pBacPAK8-polh-MIS плазмидаси клонлаштирилган.
илк бор ёввойи турдаги Bombyx mori ядровий полиэдроз вируси ва рекомбинант рBacPAK8-polh-MIS плазмида ДНКсини Bombyx mori ҳужайраларига (BMN1) ко-трансфекцияланган;
MIS оқсилини экспрессияловчи рекомбинант rBmNPV-MIS бакуловирус клонлари RT-ПЗР орқали идентификация қилиниб тоза ҳолда ажратиб олинган;
илк бор Bombyx mori (BMN1) ҳужайра культураларида MIS оқсили олинган;
ПААГ электрофорез ва иммуноблотинг усуллари ёрдамида олинган рекомбинант MIS оқсилининг молекуляр оғирлиги ва юқори антигенлик хусусиятларини намоён этиши асосланган.
IV. Тадқиқот натижаларининг жорий қилиниши. 
Bombyx mori бакуловирус/ҳашарот ҳужайраси экспрессияси тизимида рекомбинант MIS - (Мюллер ингибирловчи субстанцияси) оқсилини экспрессиялаш бўйича олинган илмий натижалар асосида: 
Bombyx mori рекомбинант рBmNPV- polh - MIS бакуловируси Генетика ва ўсимликлар  экспериментал  биологияси  институтининг “Фитопатоген  ва бошқа микроорганизмлар” ноёб объекти коллекцияси генофондига топширилган (Ўзбекистон Республикаси Фанлар академиясининг 2020 йил 18 мартдаги 4/1255-789-сон маълумотномаси). Натижада, фитопатоген микроорганизмлар штаммлари коллекция генофондини бойитиш, вирус турлари хилма-хилликлари электрон базаси ахборот таҳлил тизимини шакиллантириш имконини берган;
ажратиб олинган Bombyx mori рекомбинант рBmNPV- polh - MIS бакуловируси Жаҳон микроорганизмлар маълумотлар марказининг Патоген Микроорганизмлар Миллий коллекциясининг (World Data Center for Microorganism (WDCM) Collection of plant pathogenic and other microorganisms) маълумотлар базасига GEPB WDCM 1228-рақами (http:www.wfcc.info/ccinfo/index.php/collection/ by_id/1228/) орқали рўйхатдан ўтказилган (Ўзбекистон Республикаси Фанлар академиясининг 2020 йил 18 мартдаги 4/1255-789-сон маълумотномаси). Натижада, дунёнинг турли минтақаларида бакуловирус/ҳашарот ҳужайрасини тақиқ қилишда глобал доирада  фойдаланиш имконини берган;
Bоmbух mori ядро полиэдрози вирусига асосланган рекомбинант рBmNPV-MIS бакуловирусдан Ф-А-2018-012 рақамли «Тут ипак куртининг ядро полиэдрози касаллигига чидамли тизимларни олиш учун дастлабки селекцион материални яратиш» мавзусидаги амалий лойиҳасида турли хил тут ипак қурти зотларини бакуловирусларга чидамли зотни аниқлашда фойдаланилган (Ўзбекипаксаноат уюшмасининг 2020 йил 10 мартдаги 2-3/624-сон маьлумотномаси). Натижада, ипакчилик саноатини ядро полиэдроз вирусига нисбатан чидамли бўлган тут ипак қурти зоти билан таъминлаш имконини берган.