Пулатова Нилуфар Убайдуллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Пиперидин асосида биологик фаол бирикмаларни синтез қилиш», 02.00.14 – Органик моддалар ва улар асосидаги материаллар технологияси (кимё фанлари).
Диссертация мавзуси рўйхатга олинган рақам: B2019.3.PhD/К248. 
Илмий раҳбар: Максумова Ойтура Ситдиковна, кимё фанлари доктори, профессор.
Диссертация бажарилган муассаса номи: Тошкент кимё-технология институти. 
ИК фаолият кўрсатаётган муассаса номи, ИК рақами: Тошкент кимё-технология институти ҳузуридаги DSc.03/30.12.2019.Т.04.01 рақамли илмий кенгаш асосидаги бир марталик илмий кенгаш.
Расмий оппонентлар: Мирхамитова Дилором Худайбердиевна, кимё фанлари доктори, доцент; Каримов Масъуд Убайдулла ўғли, техника фанлари доктори, катта илмий ходим.
Етакчи ташкилот: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: пиперидин фрагментли полифункционал бирикмалар синтез қилиш усулларини ишлаб чиқиш ва физик-кимёвий хусусиятларини аниқлашдан иборат.
III. Тадқиқотнинг илмий янгилиги:
паст ҳароратда (-5 С) пиперидин ва хлоргидрин асосида тўйинмаган ва тармоқланган структурали полифункционал гетероциклик аминоспирт - 1-хлор-3-пиперидин-2-пропанол олинган;
1-хлор-3-пиперидин-2-пропанолни акрил ва метакрил кислотаси билан этерификация реакциясининг оптимал шароитлари аниқланиб, реакция механизмлари асосланган; 
1-хлор-3-пиперидин-2-пропилакрилат ва 1-хлор-3-пиперидин-2-пропил-метакрилатнинг радикал  полимерланишида  мономер (1,0 ва 1,5) ва инициатор (0,53 ва 0,54) бўйича реакция тартиби, фаолланиш энергияси (56,7 ва 59,8  кЖ/моль) ва бошқа кинетик қонуниятлари аниқланган; 
1-хлор-3-пиперидин-2-пропилакрилатнинг чокловчи агентларсиз радикал полимерланишидан учламчи структурага эга гидрогел ҳосил бўлиши асосланган;
РМ-3 дастурида ярим эмпирик усулда квант-кимёвий ҳисоблашлар орқали синтез қилинган гетероциклик молекулаларнинг реакцион марказлари, электрон тузилиши ва энергетик хоссалари аниқланган;
поли-1-хлор-3-пиперидин-2-пропилакрилатнинг натрий диклофенакга нисбатан биологик фаоллиги таққосланиб, ностероид яллиғланишга қарши дори воситалари таркибига қўшилувчи самарали аналгетик субстанция эканлиги исботланган.
IV. Тадқиқот натижаларининг жорий қилиниши.
Хлоргидрин, тўйинмаган мураккаб эфирлар, уларни полимерланиши билан чизиқсимон ва тармоқланган структурали бирикмалар ишлаб чиқариш ва қўллаш бўйича олинган илмий натижалар асосида:
пиперидин фрагментли чизиқсимон тузилишга эга полимерлар ишлаб чиқаришга ташкилот стандарти «Ўзстандарт» агентлиги томонидан тасдиқланган (Тs14825224-0015:2019). Натижада, термопластик полимер маҳсулотлари олиш имконини берган;
поли-1-хлор-3-пиперидин-2-пропилакрилат олиш Фармацевтика ишлаб чиқариш кластери лойиҳасининг истиқболли ишланмалар рўйхатига киритилган («Ўзкимёсаноат» АЖнинг 2020 йил 13 июлдаги 14-3060-сон маълумотномаси). Натижада, ностероид яллиғланишга қарши дори воситаларини таркибига қўшилувчи аналгетик ишлаб чиқариш имконини берган.