Петров Андрей Александровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бетонли гидротехника иншоотларидан фойдаланиш ишончлилигини ошириш усулларини такомиллаштириш”, 05.09.06 – Гидротехника ва мелиоратив қурилиш(техника фанлари).
Диссертация мавзуси рўйхатга олинган рақам: B2019.2.PhD/T1230.
Илмий раҳбар: Махмудов Илхомжон Эрназарович,техника фанлари доктори, профессор.
Диссертация бажарилган муассаса номи: Ирригация ва сув муаммолари илмий-тадқиқот институти.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти,DSс.03/30.12.2019.Т.10.02.
Расмий оппонентлар:Хўжақулов Рустам, техника фанлари доктори профессор;Шеров Анвар Ғуломович,техника фанлари доктори, профессор.
Етакчи ташкилот:Тошкент архитектура-қурилиш институти
Диссертация йўналиши: назарий ва амалий аҳамиятга молик.
II. Тадқиқотнинг мақсади гидротехника иншоотларининг узлуксиз ишлаши шароитида уларнинг конструкцияларидаги карбонлашган бетон элементларидан фойдаланиш муддатларини узайтириш учун фильтрацияга ва коррозияга қарши  материалларни технологик хусусиятларини яхшилаш орқали БНК (битум натрийли каучук)нинг совуқ композицияси таркибини такомиллаштириш ҳамда коррозияга қарши ва герметикловчи ҳимоя қопламали ГТИ ишончлилик ҳолатини башоратлаш услубларини ишлаб чиқишдан иборат.
III. Тадқиқотнинг илмий янгилиги:
гидротехник иншоотлар конструкциялари элементларини гидроизоляцияси учун зарур композицияларнинг умумий қонунияти битум-полимер структураси шаклланишини инобатга олиб такомиллаштирилган;
совуқ композицияни таркиби пластиклаштирувчи компонентларни инобатга олган ҳолда такомиллаштирилган;
гидротехника иншоотлари конструкциялари элементларини барқарорлиги ва узоқ муддат хизмат қилишини таъминлаш имконияти совуқ композициялардан фойдаланишни инобатга олган ҳолда асосланган;
гидротехника иншоотларининг коррозия ва фильтрацияга қарши қопламали конструкцияларини инобатга олиб, фойдаланиш муддатларини баҳолаш ва башоратлаш учун математик модель ишлаб чиқилган.
IV. Тадқиқот натижаларининг жорий қилиниши.
Бетонли гидротехник иншоотларнинг эксплуатацион мустаҳкамлигини ошириш усулларини такомиллаштириш асосида:
пластиклаштирувчи компонентлари асосидаги такомиллаштирилган совуқ композиция таркиби Сув хўжалиги вазирлиги тасарруфидаги Тошкент вилояти сув омборларидан фойдаланиш бошқармасига жорий этилган (Сув хўжалиги вазирлигининг 2019 йил 12 ноябрдаги 03/25-4362-сон маълумотномаси). Натижада, ишлаб чиқилган инновацион совуқ БСР композицион материал ўзининг юқори эксплуатацион-техник ва иқтисодий характеристикалари билан бир қаторда ГТИ лар ишончлилигин ошишини таъминлаган;
гидротехник иншоотлар конструкциялари элементларини гидроизоляцияси учун зарур композицияларнинг такомиллаштирилган умумий қонунияти Сув хўжалиги вазирлиги тасарруфидаги Тошкент вилояти сув омборларидан фойдаланиш бошқармасига жорий этилган. (Сув хўжалиги вазирлигининг 2019 йил 12 ноябрдаги 03/25-4362-сон маълумотномаси). Натижада, гидротехника объектининг сув остидаги соҳасини эксплуатациясида коррозияга ва фильтрацияга қарши экранли ва чокларни кучайтирадиган ҳимоя фрагментлари ҳосил қилинган;
гидротехника иншоотлари конструкциялари элементларини барқарорлиги ва узоқ муддат хизмат қилишини таъминлаш учун совуқ композициялардан фойдаланиш Сув хўжалиги вазирлиги тасарруфидаги Тошкент вилояти сув омборларидан фойдаланиш бошқармасига жорий этилган (Сув хўжалиги вазирлигининг 2019 йил 12 ноябрдаги 03/25-4362-сон маълумотномаси). Натижада, бетон ва темир бетондан қурилган гидротехника иншоотлари элементларининг авариясиз ҳизмат муддатларини узайтириш учун гидроизоляция материалини йил давомида қўллаш имконияти яратилган;
гидротехника иншоотларининг коррозия ва фильтрацияга қарши қопламали конструкцияларини инобатга олиб фойдаланиш муддатларини баҳолаш ва башоратлаш учун ишлаб чиқилган математик модель Сув хўжалиги вазирлиги тасарруфидаги Тошкент вилояти сув омборларидан фойдаланиш бошқармасига жорий этилган (Сув хўжалиги вазирлигининг 2019 йил 12 ноябрдаги 03/25-4362-сон маълумотномаси). Дастурий таъминот жорий этилиши натижасида ўзгарувчан сув сатҳи соҳасида агрессив муҳит шароитларида совуқ композиция асосидаги фильтрацияга қарши герметикловчи экран ишончлилигини баҳолаш имконияти яратилган.