Sharipov Sanjar Sobirovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Ichki ishlar organlari patrul`-post xizmati saf bo‘linmalarining faoliyatini boshqarishni takomillashtirish», 12.00.02. – Konstitusiyaviy huquq. Ma’muriy huquq. Moliya va bojxona huquqi (yuridik fanlar).
Dissertatsiya mavzusi ro‘yxatga olingan raqam: B2020.2.PhD/Yu374.
Ilmiy rahbar: Ziyodullaev Muzaffar Ziyodullaevich, yuridik fanlar doktori, dotsent.
Dissertatsiya bajarilgan muassasa nomi: O‘zbekiston Respublikasi Ichki ishlar vazirligi Akademiyasi.
IK faoliyat ko‘rsatayotgan muassasa nomi, IK raqami: O‘zbekiston Respublikasi Ichki ishlar vazirligi Akademiyasi,  DSc.31/30.12.2019.Yu.25.02.
Rasmiy opponentlar: Selimanova Svetlana Mixaylovna, yuridik fanlar doktori, professor; Nematov Jo‘rabek Nematilloevich, yuridik fanlar doktori, dotsent.
Yetakchi tashkilot: O‘zbekistan Respublikasi Davlat bojxona qo‘mitasining Bojxona instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi O‘zbekiston Respublikasi ichki ishlar organlari patrul`-post xizmati saf bo‘linmalarining faoliyatini boshqarishni takomillashtirishga qaratilgan taklif va tavsiyalar ishlab chiqishdan iborat.
III. Tadqiqotning ilmiy yangiligi:
tuman (shahar)lar miqiyosida jamoat joylarida va alohida sharoitlarda shartnomaviy-huquqiy asosda jamoat tartibini saqlash va xavfsizligini ta’minlash bilan shug‘ullanuvchi patrul`-post xizmati saf bo‘linmalarining faoliyatini tashkil etishga doir mahalliy hokimliklarning vakolatlarini kengaytirish hamda huquqiy asoslarini yaratish zarurati ilmiy asoslab berilgan;
ma’muriy hududlarning jo‘g‘rofiy, ijtimoiy-iqtisodiy, demografik va kriminogen xususiyatlarini inobatga olgan holda patrul`-post xizmati saf bo‘linmalari naryadlari turini tanlash, joylashtirish, manyovr qilish va faoliyatini tashkil etish imkonini beruvchi boshqaruv modellarini amaliyotga joriy etish, xususan Toshkent shahri va boshqa katta shaharlarda jamoat tartibini saqlash va xavfsizlikni ta’minlash bo‘yicha otliq patrul` otryadlarining vazifalarini aniq belgilash zarurati va ahamiyati asoslantirilgan;
ichki ishlar organlari patrul`-post xizmati saf bo‘linmalari faoliyatini moddiy-texnik jihatdan takomillashtirishda naryadlarni bevosita ushbu tizim uchun ixtisoslashtirilgan holda ishlab chiqilgan avtotransport vositalari bilan ta’minlash, zamonaviy yangi avlod maxsus texnik vositalari bilan tizimli ravishda qurollantirish, ish unumdorligini oshiruvchi dasturiy texnologiyalarni faoliyatga keng joriy etishni ustuvor yo‘nalishlar sifatida belgilash zarurati ilmiy asoslangan;
patrul`-post xizmati saf bo‘linmalarining jamoat tartibini saqlash va xavfsizligini ta’minlash faoliyati natijalarini baholash mezonlarini huquqiy belgilash, tizimga intellektual va kasbiy salohiyati, ma’naviy-axloqiy saviyasi yuqori, dunyoqarashi keng xodimlarni tanlab olish imkonini beruvchi maxsus-professional tanlovni joriy etish zarurati asoslantirilgan.
IV. Tadqiqot natijalarining joriy qilinishi:
Ichki ishlar organlari patrul`-post xizmati saf bo‘linmalarining faoliyatini boshqarishni takomillashtirish bo‘yicha olingan ilmiy natijalar asosida:
tuman (shahar)lar miqiyosida jamoat joylarida va alohida sharoitlarda shartnomaviy-huquqiy asosda jamoat tartibini saqlash va xavfsizligini ta’minlash bilan shug‘ullanuvchi patrul`-post xizmati saf bo‘linmalarining faoliyatini tashkil etishga doir mahalliy hokimliklarning vakolatlarini kengaytirishga doir takliflardan O‘zbekiston Respublikasi Prezidentining 2018 yil 24 dekabrdagi «Jamoat xavfsizligini ta’minlash samaradorligini oshirish bo‘yicha qo‘shimcha chora-tadbirlar to‘g‘risida»gi PQ-4075-son qarorining 15-bandini tayyorlashda foydalanilgan (O‘zbekiston Respublikasi Ichki ishlar vazirligining 2020 yil 16 noyabrdagi 26-3245-son ma’lumotnomasi). Mazkur takliflar tuman (shahar) darajasida ommaviy tadbirlar davomida va jamoat joylarida jamoat xavfsizligini ta’minlashda ichki ishlar organlari xodimlarini shartnoma-huquqiy asosda xizmatga jalb qilish orqali jamoat tartibini saqlash va xavfsizlikni ta’minlash, huquqbuzarliklar profilaktikasi samaradorligini oshirishga xizmat qilgan;
ma’muriy hududlarning xususiyatlarini inobatga olgan holda patrul`-post xizmati saf bo‘linmalari naryadlari turini tanlash va faoliyatini tashkil etish imkonini beruvchi boshqaruv modellarini amaliyotga joriy etish, xususan Toshkent shahri va boshqa katta shaharlarda jamoat tartibini saqlash va xavfsizlikni ta’minlash bo‘yicha otliq patrul` otryadlarining vazifalarini aniq belgilashga doir takliflar O‘zbekiston Respublikasi Prezidentining 2017 yil 1 maydagi «Ichki ishlar organlarining jamoat tartibini saqlash va jamoat xavfsizligini ta’minlash sohasidagi faoliyatini tubdan takomillashtirish chora-tadbirlari to‘g‘risida»gi PQ-2940-son qarorining 3-bandini ishlab chiqishda foydalanilgan (O‘zbekiston Respublikasi Ichki ishlar vazirligining 2020 yil 16 oktyabrdagi 15-2512-son ma’lumotnomasi). Mazkur takliflarning joriy etilishi jamoat joylari, xususan markaziy ko‘chalar, dam olish zonalari va aholi gavjum bo‘ladigan boshqa joylarda jamoat tartibini saqlash va fuqarolar xavfsizligini ta’minlash, huquqbuzarlarni ushlash bo‘yicha kechiktirib bo‘lmaydigan choralarni ko‘rish samaradorligini oshirishga xizmat qilgan;
ichki ishlar organlari patrul`-post xizmati saf bo‘linmalari faoliyatini moddiy-texnik jihatdan takomillashtirish, xususan naryadlarni bevosita ushbu tizim uchun ixtisoslashtirilgan holda ishlab chiqilgan avtotransport vositalari bilan ta’minlash, zamonaviy yangi avlod maxsus texnik vositalari bilan tizimli ravishda qurollantirishga doir takliflar O‘zbekiston Respublikasi Ichki ishlar vazirligining  2018 yil 18 apreldagi 111-son buyrug‘i bilan tasdiqlangan ichki ishlar organlari patrul`-post xizmati saf bo‘linmalari ustavining 85-bandini ishlab chiqishda foydalanilgan (O‘zbekiston Respublikasi IIVning 2018 yil 29 dekabrdagi 15/3989-son ma’lumotnomasi). Takliflarning joriy etilishi patrul`-post xizmati saf bo‘linmalarining moddiy-texnik ta’minoti va maxsus vositalar bilan qurollanishini takomillashtirish orqali faoliyat samaradorligini oshirishga xizmat qilgan;
patrul`-post xizmati saf bo‘linmalarining jamoat tartibini saqlash va xavfsizligini ta’minlash faoliyati natijalarini baholash mezonlarini huquqiy belgilash, ushbu tizimga intellektual va kasbiy salohiyati, ma’naviy-axloqiy saviyasi yuqori, dunyoqarashi keng xodimlarni tanlab olish imkonini beruvchi maxsus-professional tanlovni joriy etishga doir takliflar O‘zbekiston Respublikasi Vazirlar Mahkamasining 2018 yil 28 avgustdagi «Toshkent shahrining jamoat tartibini ta’minlash kuchlari tarkibida xizmat o‘tayotgan xodimlar va harbiy xizmatchilar faoliyatini baholash va ularga bir martalik pul mukofotini to‘lash mezonlarini belgilish tartibi to‘g‘risidagi nizomni tasdiqlash haqida»gi 697-son qarorining 5-7-bandlarini (O‘zbekiston Respublikasi Vazirlar Mahkamasining 2020 yil 8 sentyabrdagi 12/20-12-son ma’lumotnomasi), shuningdek, O‘zbekiston Respublikasi IIV 2017 yil 23 sentyabrdagi 207-son buyrug‘i bilan tasdiqlangan «O‘zbekiston Respublikasi Ichki ishlar vazirligi Akademiyasining kasbiy tayyorgarlik fakul`tetiga qabul qilish tartibi to‘g‘risidagi nizom»ning 37-bandini ishlab chiqishda foydalanilgan (O‘zbekiston Respublikasi IIVning 2020 yil 10 avgustdagi 2/2716-son ma’lumotnomasi). Takliflarning joriy etilishi patrul`-post xizmati saf bo‘linmalari naryadlarining faoliyatini baholash samaradorligini oshirish hamda tizimni yuksak ma’naviy-axloqiy fazilat va mas’uliyatga ega bo‘lgan professional kadrlar bilan ta’minlashga xizmat qilgan.